Аскаријаза

Од Википедија — слободната енциклопедија
Прејди на прегледникот Прејди на пребарувањето
Аскаријаза
Ascaris lumbricoides.jpeg
Класификација и надворешни извори
Специјалностзаразна болест[*]
МКБ-10B77
МКБ-9127.0
OMIM604291
DiseasesDB934
MedlinePlus000628
eMedicinearticle/212510
MeSHD001196

Аскаријаза е заболување предизвикано од паразитски цевчести црви Ascaris lumbricoides.[1] Во повеќе од 85% од случаите, инфекциите не даваат симптоми, особено ако бројот на црви е мал.[1] Симптомите се зголемуваат со бројот на присутни црви и може да вклучат немање на здив и треска на почетокот на заболувањето.[1] Истите може да се проследени со надуен стомак, болка во стомакот и дијареа.[1] Најчесто се засегнати децата, и кај таа возрасна група инфекцијата може да предизвика недоволно зголемување на тежина, неисхранетост и проблеми со учењето.[1][2][3]

До инфекција доаѓа преку јадење или пиење на храна контаминирана со јајца од Ascaris од измет.[2] Јајцата се развиваат во цревата, се пробиваат низ ѕидот на цревата, и мигрираат добелите дробови преку крвта.[2] Таму се пробиваат во алвеолите и поминуваат преку трахеа, каде се искашлуваат и голтаат.[2] Ларвите поминуваат преку стомакот по втор пат во цревата каде што стануваат возрасни црви.[2]

Се превенира со подобрена хигиена, која што вклучува подобрување на пристапот до тоалети и правилно исфрлување наизмет.[1][4] Миење на раце со сапун се покажало како корисна заштита.[5] Во области каде повеќе од 20% од популацијата е заразена, се препорачува лекување на сите заболени во редовни интервали.[1] Честопати инфекцијата повторува.[2][6] Нема вакцина.[2] Терапиите препорачани од Светската Здравствена Организација се лекарства албендазол, мебендазол, левамисол или пирантел памоат.[2] Во други ефикасни средства спаѓаат трибендимидин и нитазоксанид.[2]

Околу 0.8 до 1.2 милијарди луѓе на глобално ниво имаат аскаријза,а најмногу засегната е популацијата воСубсахарска Африка,Латинска Америка и Азија.[1][7][8] Тоа ја прави аскаријазата најчеста форма на хелминтијаза пренослива преку почва.[7] Во 2010 таа беше причина за околу 2,700 смртни случаи, што е помалку во споредба со 3,400 случаи во 1990.[9] Друг тип наAscaris ги инфицира свињите.[1]

Наводи[уреди | уреди извор]

  1. 1,0 1,1 1,2 1,3 1,4 1,5 1,6 1,7 1,8 Dold, C; Holland, CV (јули 2011 г). Ascaris and ascariasis.. „Microbes and infection / InstitutPasteur“ том  13 (7): 632–7. doi:10.1016/j.micinf.2010.09.012. PMID 20934531. 
  2. 2,0 2,1 2,2 2,3 2,4 2,5 2,6 2,7 2,8 Hagel, I; Giusti, T (октомври 2010 г). Ascarislumbricoides: an overview of therapeutic targets.. „Infectious disorders drug targets“ том  10 (5): 349–67. doi:10.2174/187152610793180876. PMID 20701574. 
  3. „Soil-transmitted helminth infections Fact sheet N°366“. World Health Organization. June 2013. 
  4. Ziegelbauer, K; Speich, B; Mäusezahl, D; Bos, R; Keiser, J; Utzinger, J (јануари 2012 г). Effect of sanitation on soil-transmitted helminth infection: systematic review and meta-analysis.. „PLoSmedicine“ том  9 (1): e1001162. doi:10.1371/journal.pmed.1001162. PMID 22291577. 
  5. Fung, IC; Cairncross, S (март 2009 г). Ascariasis and handwashing.. „Transactions of the Royal Society of Tropical Medicine and Hygiene“ том  103 (3): 215–22. doi:10.1016/j.trstmh.2008.08.003. PMID 18789465. 
  6. Jia, TW; Melville, S; Utzinger, J; King, CH; Zhou, XN. Soil-transmitted helminth reinfection after drug treatment: a systematic review and meta-analysis.. „PLoS neglected tropical diseases“ том  6 (5): e1621. doi:10.1371/journal.pntd.0001621. PMID 22590656. 
  7. 7,0 7,1 Keiser, J; Utzinger, J. The drugs we have and the drugs we need against major helminthinfections.. „Advances in parasitology“ том  73: 197–230. doi:10.1016/s0065-308x(10)73008-6. PMID 20627144. 
  8. Fenwick, A (март 2012 г). The global burden of neglected tropical diseases.. „Public health“ том  126 (3): 233–6. doi:10.1016/j.puhe.2011.11.015. PMID 22325616. 
  9. Lozano, R (15 декември 2012 г). Global and regional mortality from 235 causes of death for 20 age groups in 1990 and 2010: a systematic analysis for the Global Burden of Disease Study 2010.. „Lancet“ том  380 (9859): 2095–128. doi:10.1016/S0140-6736(12)61728-0. PMID 23245604.