Прејди на содржината

Аксел Витсел

Од Википедија — слободната енциклопедија
Аксел Витсел
Лични податоци
Роден на 12 јануари 1989(1989-01-12) (37 г.)
Роден во Лиеж, Белгија
Држава Белгија Белгија
Висина &100000000000001860000001,86 м
Позиција среден ред
Клупски податоци
Сегашен клуб Жирона Жирона
Број 20
Младинска кариера
2004-2006 Стандард Стандард
Кариера*
Години Клуб Наст. (Гол.)
2006-2011 Стандард Стандард 148 (33)
2011-2012 Бенфика Бенфика 32 (1)
2012-2017 Зенит Ст. Петербург Зенит Ст. Петербург 122 (16)
2017-2018 Тјанџин Кванџијан Тјанџин Кванџијан 36 (5)
2018-2022 Борусија Дортмунд Борусија Дортмунд 105 (10)
2022-2025 Атлетико Мадрид Атлетико Мадрид 82 (2)
2025- Жирона Жирона 15 (1)
Репрезентација
2004 Белгија Белгија 15 1 (0)
2005 Белгија Белгија 16 2 (0)
2005-2006 Белгија Белгија 17 19 (0)
2006-2007 Белгија Белгија 18 5 (0)
2006 Белгија Белгија 19 3 (0)
2007-2009 Белгија Белгија 21 10 (0)
2008- Белгија Белгија 134 (12)

Аксел Витсел (Axel Witsel; роден на 12 јануари 1989 година, во Лиеж) — белгиски фудбалер, играч од средниот ред на Жирона и на белгиската репрезентација.

Биографија

[уреди | уреди извор]

Роден е во Лиеж, од татко по потекло од Мартиник и мајка белгијка.[1][2] Неговиот татко Тјери е фудбалски тренер и поранешен фудбалер.

Во јуни 2015 година, Витсел се оженил со својата долгогодишна девојка Рафаела Сабо со која има три деца.[3][4]

Технички карактеристики

[уреди | уреди извор]

Како играч со добра техника и визија за играта, неговата природна улога е централен играч за врска, но бидејќи е многу флексибилен, тој може да ја покрие и улогата на медијано, десно крило и офанзивен играч за врска.[5] Поради неговата извонредна физичка подготвеност, но и неговата работа со топката, тој многу потсетува на Патрик Виера.[6] На залезот од кариерата, со неговото доаѓање во Атлетико Мадрид, заради споменатите карактеристики тренерот Симеоне измислил нова успешна улога за него, имплементирајќи го во одбраната како централен дефанзивец.

Клупска кариера

[уреди | уреди извор]

Почетоци

[уреди | уреди извор]

Своите први фудбалски чекори ги направил во клубот Визе од Лиеж, каде останал до 2004 година, кога на петнаесетгодишна возраст, бил прифатен во академијата на Стандард. Во 2004 година тој играл за Стандард на меѓународен турнир во Украина и бил избран за најдобар играч на натпреварувањето.

Стандард Лиеж

[уреди | уреди извор]

На 17 септември 2006 година, на возраст од само 17 години, Витсел го направил своето деби за првиот тим на Стандард во натпреварот од белгиското првенствo против Брисел, заменувајќи го Стивен Дефур во 89-тата минута. Единаесет дена подоцна, тој дебитирал во европските натпреварувања, повторно влегувајќи како резерва во натпреварот против Селта Виго во Купот на УЕФА.[7] Тренерот Мишел Прјудом, исто така, му укажал доверба и во остатокот од сезоната, а на 18 март тинејџерот го постигнал својот прв гол во кариерата во победата од 3-2 на гости против Руселаре.

Следната сезона, со 33 настапи и 7 гола тој бил клучна фигура во тимот на Стандард, кој станал шампион на Белгија на крајот на сезоната. Иако имал само 18 години, тој се наметнал во почетниот состав формирајќи успешно трио на средината заедно со други двајца млади белгиски играчи Стивен Дефур и Маруан Фелаини. Последователно, бил избран и за Најдобар играч во Белгија. Во сезоната 2008-2009, Витсел го постигнал решавачкиот гол од пенал, во баражот за титулата против Андерлехт, со кој на Стандард му носи нова шампионска титула.

На 30 август 2009 година, за време на првенствениот натпревар повторно против Андерлехт, пробувајќи да стигне до топката Витсел извршил груб прекршок згазнувајќи врз ногата на полскиот играч Марчин Василевски, предизвикувајќи му двојна фрактура на тибијата и фибулата.[8][9] По инцидентот, Витсел протестирал поради црвениот картон, тврдејќи дека тоа било несреќен случај без намера, пред да биде исфрлен од теренот. Подоцна тој се извинил, но бил предмет на критики од неколку медиуми и бројни смртни закани од гневните навивачи на Андерлехт и Полска.[10] Белгиската фудбалска федерација првично го суспендирала Витсел на 10 натпревари,[11][12] за потоа по жалбата да биде намалена на 8, додека паричната казна била смалена од 2500 на 250 евра.[13][14]

Во својата последна година во клубот, Витсел помогнал за освојувањето на Купот на Белгија, заработен со победата од 2-0 над Вестерло во финалето.[15]

Витсел со Бенфика во 2012

Бенфика

[уреди | уреди извор]

На 13 јули 2011 година, Витсел се преселил во португалската Бенфика која за него платила 13,5 милиони евра, потпишувајќи петгодишен договор.[16] Дебитирал во португалското првенство на 12 август, во ремито 2-2 на домашен терен против Жил Висенте, додека на своето деби со клубот во Лигата на шампионите, Витсел постигнал два гола против Твенте во плејоф рундата од квалификациите. На 9 јануари, го отворил резултатот во победата со 4-1 против Виторија Гимараеш. Неколку дена подоцна, тој му асистирал за гол на Нолито против Виторија Сетубал во уште една победа од 4-1. На 18 јануари 2012, постигнал гол против Санта Клара во победата со 2-0 со која бил потврден пласманот во полуфиналето на Лига купот на Португалија.[17] Бенфика стигнала до финалето на натпреварувањето, каде на 14 април го победиле Жил Висенте со 2-1, успех за кој Витсел дал важен придонес и бил прогласен за играч на натпреварот.[18]

Зенит

[уреди | уреди извор]

Откако го започна првенството со Бенфика, играјќи три натпревари, на 3 септември 2012 година, рускиот шампион Зенит ја платил ослободителната клаузула во неговиот договор од 40 милиони евра, со што го довел Витсел во својте редови.[19] На 14 септември 2012 година, Витсел го направил своето деби за Зенит, заменувајќи го Константин Зирјанов во 70-тата минута од домашниот натпревар против Терек Грозни.[20]

Витсел играјќи за Зенит во Лига Европа во 2016

Своите први голови Зенит, ги постигнал на 30 ноември 2012, кога два пати ја погодил мрежата на Спартак Москва во победата со 4-2 на Лужники.[21] Во првата сезона во Русија, под водството на италијанскиот тренер Лучано Спалети, Витсел излегол на теренот 19 пати во руското првенство и постигнал 4 гола, а играл уште и на три натпревари во купот, без да постигне гол; покрај тоа, тој бил стандарден и во натпреварите на Зенит во европските натпреварувања каде се појавил во 9 од 10 натпревари на руската екипа, најпрво во Лигата на шампионите, а потоа - откако не успеале да ја минат групната фаза на елитното натпреварување - и во УЕФА Лига Европа каде биле елиминирани во осминафиналето од швајцарскиот Базел и ниту голот на Витсел во реваншот не бил доволен (вкупен резултат 1-2).

Во сезоната 2014-2015, во која Зенит ја освоил титулата во руското првенство под водството на Андре Виљаш Боаш, Витсел одиграл 28 натпревари и постигнал 4 гола. Исто така, на 16 септември 2014, Витсел го постигнал својот прв гол за Зенит во Лигата на шампионите во победата со 2-0 во Лисабон против неговиот поранешен клуб Бенфика.[22] Сепак, откако Зенит уште еднаш не успеал да се пласира за нокаут-фазата и морал да го продолжи својот пат во европските натпреварувања во Лига Европа, таму Витсел постигнал гол во осминафиналето во победата со 2-0 над Торино на 12 март 2015.[23]

На 12 јули 2015, Зенит го освоил Суперкупот на Русија, совладувајќи ја екипата на Локомотив Москва по изведување на пенали, а Витсел бил еден од прецизните изведувачи за победничката екипа.[24] На 29 октомври 2015, тој постигнал два гола во победата со 5-0 на домашен терен над Тосно во осминафиналето на Купот на Русија; подоцна Зенит го освоил натпреварувањето победувајќи ги Амкар Перм по изведување на пенали во полуфиналето, каде Витсел уште еднаш бил еден од прецизните изведувачи, и ЦСКА Москва во финалето со 4-1, во кое Витсел играл до 82-рата минута.

Откако одиграл вкупно 23 натпревари за Зенит во првиот дел од сезоната 2016-2017, Витсел го напуштил клубот после 4 ипол години.

Тјанџин Кванџијан

[уреди | уреди извор]

И покрај понудите од голем број клубови од Европа,[25] на 3 јануари 2017 година, Витсел ја прифатил понудата на кинескиот Тјанџин Кваннџијан, поднебје кое во тој период било популарно и примамливо за голем број европски фудбалски ѕвезди поради богатите економски понуди за играчите.[26] Дебитирал на 4 март, во поразот со 2-0 од Гвангжу Р&Ф.[27] Една недела подоцна, тој го постигнал првиот гол за клубот во Суперлигата на Кина за време на ремито 1–1 со Шангај Шенхуа.[28] Првата сезона во кинескиот фудбал, Витсел ја завршил со 27 настапи и 4 гола, помагајќи му на клубот да го освои третото место на крајот од сезоната и да се квалификува за Азиската Лига на шампиони, иако штотуку изборил промоција во Суперлигата на Кина.

Борусија Дортмунд

[уреди | уреди извор]
Витсел играјќи за Борусија Дортмунд во 2021

На 6 август 2018 година, Витсел се вратил во Европа, потпишувајќи четригодишен договор со германскиот клуб член на Бундеслигата, Борусија Дортмунд.[29][30] На 21 август, за време на своето деби за милионерите, појавувајќи се од клупата тој го постигнал израмнувачкиот гол во судиското надополнување за да го израмни резултатот на 1–1, во натпреварот од првото коло на Купот на Германија против Гројтер Фирт, а подоцна неговиот тим продолжил понатаму славејќи победа по продолженија со 2-1.[31] Слично како и во купот, Витсел постигнал гол и на своето деби во Бундеслигата, погодувајќи со удар со глава во победата од 4-1 над РБ Лајпциг на 26 август.[32] Првата сезона со Борусија ја завршил со 43 настапи и 6 голови.

На 3 август 2019 година, Витсел го освоил својот прв трофеј во жолто-црниот дрес, Суперкупот на Германија, победувајќи го Бајерн Минхен со 2-0.

На 12 декември 2020, Витсел го одиграл 100-тиот натпревар за Борусија, во поразот на домашен терен со 1-5 од Штутгарт. На 9 јануари 2021, за време на натпреварот против Лајпциг, тој претрпел повреда на ахиловата тетива поради која морал да го пропушти остатокот од сезоната. Истата сезона, Борусија Дортмунд го освоила Купот на Геманија, но Витсел ги пропуштил повеќето од натпреварите на патот на неговата екипа до тој успех, вклучително и финалето, поради споменатата повреда.

За црно-жолтите одиграл вкупно 145 натпревари и постигнал 13 голови.

Атлетико Мадрид

[уреди | уреди извор]

На 7 јули 2022 година, Витсел потпишал едногодишен договор со Атлетико Мадрид, преку слободен трансфер по истекот на неговиот договор со Борусија Дортмунд.[33]

Репрезентативна кариера

[уреди | уреди извор]

Пред да го направи своето деби за сениорската репрезентација, Витсел играл за селекцијата под 21 година во 2007 година; забележал девет настапи, и помагнал репрезентацијата да стигне до полуфиналето на Европското првенство 2007.

На 26 март 2008 година, Витсел го направил своето за сениорите играјќи во пријателскиот натпревар на Белгија против Мароко. Натпреварот завршил со пораз на неговата земја од 1–4, но единствениот гол за Белгија го постигнал токму Витсел.[34]

Витсел пред почетокот на натпреварот на неговата Белгија против Австрија во квалификациите за Европското првенство 2012

Својот прв гол во официјален натпревар, Витсел го постигнал ден пред да бидат навршени три години од неговиот гол против Мароко, погодувајќи ја мрежата на Австрија во шесттата минута од натпреварот во Виена oд квалификациската група А во квалификациите за Европското првенство 2012; во второто полувреме, тој постигнал уште еден гол поставувајќи го конечниот резултат 2-0 за Белгија.[35] Сепак, белгиските надежи за пласман на завршниот турнир, згаснале на 11 октомври 2011 година; нивниот пораз во последното коло од Германија во комбинација со победата на Турција значеле дека двете споменати репрезентации ги окупирале првите две места во групата, единствени кои давале право на учество на првенството, директно и преку баражот.[36]

Откако играл во сите 10 натпревари од квалификациите за Светското првенство 2014, кој Белгија успешно ги завршила освојувајќи го првото место во групата А пред Хрватска и Србија, Витсел се нашол на списокот на селекторот Марк Вилмотс од 23 играчи повикани да отпатуваат на завршниот турнир во Бразил.[37] Своето мундијалско деби го направил на 17 јуни 2014, играјќи го целиот натпревар од групната фаза против Алжир во Бело Хоризонте, кој белгијците го добиле со 2-1 со пресврт во второто полувреме.[38] Откако Белгија ја минала групната фаза, Витсел играл и во другите два натпревари на неговата земја: во осминафиналната победа по продолженија над САД, како и во четвртфиналето против Аргентина, во кое поразот од 1-0 означил крај за патот на Белгија на бразилската мундијалска авантура.[39]

Две години подоцна, Витсел се нашол на списокот повикани играчи и за Европското првенство 2016 во Франција.[40] Тој ги одиграл сите пет натпревари на репрезентацијата, на патот до новото четвртфинале, во кое овојпат Red Devils изненадувачки биле сопрени од репрезентацијата на Велс, која била подобра со 3-1. За време на турнирот, Витсел постигнал и еден гол, при победата со 3-0 над Ирска во групната фаза.[41]

Витсел играјќи за Белгија на Светското првенство 2018

Витсел постигнал два гола во квалификациите за Светското првенство 2018, двата во убедливите победи над Гибралтар,[42] а потоа бил повикан од новиот селектор Роберто Мартинес за мундијалот во Русија.[43] Таму одиграл комплетно шест од седумтте натпревари на Белгија (не настапил само во последниот натпревар од групата против Англија, пред кој Белгија веќе го осигурала пласамнот во следната рунда), давајќи голем придонес за освојувањето на третото место на првенството, најдобриот резултат на Red Devils во историјата на репрезентацијата.

На 15 ноември 2018 година, за време на натпреварот од УЕФА Лигата на нации добиен со 2-0 против Исланд, тој стигнал до својот 100-ти настап за националниот тим.[44][45]

Под водството на Мартинес, Витсел подоцна настапил на Европското првенство 2020 и на Светското првенство 2022, забележувајќи го на второто својот последен настап за репрезентацијата, во ремито 0-0 против Хрватска, кое значело елиминација за Белгија уште во групната фаза. Иако Витсел за разлика од некој свој колеги официјално не најавил дека се повлекува од репрезентацијата, новиот селектор Доменико Тедеско, не го повикал Витсел за квалификациските натпревари на Белгија во март 2023, наведувајќи го како причина недостатокот на одиграни минути за неговиот клуб Атлетико Мадрид.[46] Последователно, на 12 мај 2023 година, Витсел го објавил своето повлекување од националниот тим на Инстаграм.[47] Сепак, подоцна тој ја сменил својата одлука и бил вклучен во составот за Европското првенство 2024.[48]

За белгиската репрезентација одиграл 130 натпревари и постигнал 7 гола. Моментално, тој е втор на вечната листа со најмногу настапи за репрезентацијата, зад Јан Вертонген.

Хронологија на репрезентативните настапи

[уреди | уреди извор]
Хронологија на настапи и постигнати голови за националната селекција ― Белгија
Дата Град Домашни Резултат Гости Натпреварување Голови Инфо Детали
26-3-2008БриселБелгија Белгија1 – 4Мароко МарокоПријателска1влегол во игра 46'
30-5-2008ФиренцаИталија Италија3 – 1Белгија БелгијаПријателска-заменет 70'
20-8-2008НирнбергГерманија Германија2 – 0Белгија БелгијаПријателска-заменет 64'
6-9-2008ЛиежБелгија Белгија3 – 2Естонија ЕстонијаКвал. за СП 2010-
10-9-2008ИстанбулТурција Турција1 – 1Белгија БелгијаКвал. за СП 2010-заменет 76'
11-10-2008БриселБелгија Белгија2 – 0Ерменија ЕрменијаКвал. за СП 2010-
15-10-2008БриселБелгија Белгија1 – 2Шпанија ШпанијаКвал. за СП 2010-
11-2-2009ГенкБелгија Белгија2 – 0Словенија СловенијаПријателска-заменет 77'
1-4-2009ЗеницаБосна и Херцеговина Босна и Херцеговина2 – 1Белгија БелгијаКвал. за СП 2010-Red card 61'
17-11-2009СеданБелгија Белгија2 – 0Катар КатарПријателска1заменет 62'
3-3-2010БриселБелгија Белгија0 – 1Хрватска ХрватскаПријателска-
11-8-2010ТуркуФинска Финска1 – 0Белгија БелгијаПријателска-заменет 73'
7-9-2010ИстанбулТурција Турција3 – 2Белгија БелгијаКвал. за ЕП 2012-влегол во игра 76'
8-10-2010АстанаКазахстан Казахстан0 – 2Белгија БелгијаКвал. за ЕП 2012-
12-10-2010БриселБелгија Белгија4 – 4Австрија АвстријаКвал. за ЕП 2012-
9-2-2011ГентБелгија Белгија1 – 1Финска ФинскаПријателска1
25-3-2011ВиенаАвстрија Австрија0 – 2Белгија БелгијаКвал. за ЕП 20122
29-3-2011БриселБелгија Белгија4 – 1Азербејџан АзербејџанКвал. за ЕП 2012-
3-6-2011БриселБелгија Белгија1 – 1Турција ТурцијаКвал. за ЕП 2012-
10-8-2011ЦељеСловенија Словенија0 – 0Белгија БелгијаПријателска-заменет 59'
2-9-2011БакуАзербејџан Азербејџан1 – 1Белгија БелгијаКвал. за ЕП 2012-
6-9-2011БриселБелгија Белгија1 – 0САД САДПријателска-
7-10-2011БриселБелгија Белгија4 – 1Казахстан КазахстанКвал. за ЕП 2012-
11-10-2011ДиселдорфГерманија Германија3 – 1Белгија БелгијаКвал. за ЕП 2012-добил жолт картон во 84-тата минута 84'
11-11-2011ЛиежБелгија Белгија2 – 1Романија РоманијаПријателска-
15-11-2011Сен-ДениФранција Франција0 – 0Белгија БелгијаПријателска-
29-2-2012ИраклионГрција Грција1 – 1Белгија БелгијаПријателска-заменет 58'
25-5-2012БриселБелгија Белгија2 – 2Црна Гора Црна ГораПријателска-добил жолт картон во 69-тата минута 69'
2-6-2012ЛондонАнглија Англија1 – 0Белгија БелгијаПријателска-
15-8-2012БриселБелгија Белгија4 – 2Холандија ХоландијаПријателска-
7-9-2012КардифВелс Велс0 – 2Белгија БелгијаКвал. за СП 2014-
11-9-2012БриселБелгија Белгија1 – 1Хрватска ХрватскаКвал. за СП 2014-
12-10-2012БелградСрбија Србија0 – 3Белгија БелгијаКвал. за СП 2014-добил жолт картон во 53-тата минута 53'
16-10-2012БриселБелгија Белгија2 – 0Шкотска ШкотскаКвал. за СП 2014-влегол во игра 46'
14-11-2012БукурештРоманија Романија2 – 1Белгија БелгијаПријателска-
6-2-2013БрижБелгија Белгија2 – 1Словачка СловачкаПријателска-заменет 86'
22-3-2013СкопјеМакедонија Македонија0 – 2Белгија БелгијаКвал. за СП 2014-
26-3-2013БриселБелгија Белгија1 – 0Македонија МакедонијаКвал. за СП 2014-
7-6-2013БриселБелгија Белгија2 – 1Србија СрбијаКвал. за СП 2014-
14-8-2013БриселБелгија Белгија0 – 0Франција ФранцијаПријателска-
6-9-2013ГлазговШкотска Шкотска0 – 2Белгија БелгијаКвал. за СП 2014-
11-10-2013ЗагребХрватска Хрватска1 – 2Белгија БелгијаКвал. за СП 2014-
15-10-2013БриселБелгија Белгија1 – 1Велс ВелсКвал. за СП 2014-
14-11-2013БриселБелгија Белгија0 – 2Колумбија КолумбијаПријателска-
19-11-2013БриселБелгија Белгија2 – 3Јапонија ЈапонијаПријателска-
5-3-2014БриселБелгија Белгија2 – 2Брег на Слоновата Коска Брег на Слоновата КоскаПријателска-добил жолт картон во 47-мата минута 47'
26-5-2014ГенкБелгија Белгија5 – 1Луксембург ЛуксембургПријателска-заменет 46'
1-6-2014СолнаШведска Шведска0 – 2Белгија БелгијаПријателска-
7-6-2014БриселБелгија Белгија1 – 0Тунис ТунисПријателска-влегол во игра 90+2'
17-6-2014Бело ХоризонтеБелгија Белгија2 – 1Алжир АлжирСП 2014 - Прва фаза-
22-6-2014Рио де ЖанеироБелгија Белгија1 – 0Русија РусијаСП 2014 - Прва фаза-добил жолт картон во 54-тата минута 54'
1-7-2014СалвадорБелгија Белгија2 – 1 прод.САД САДСП 2014 - Осминафинале-
5-7-2014БразилијаАргентина Аргентина1 – 0Белгија БелгијаСП 2014 - Четвртфинале-
4-9-2014ЛиежБелгија Белгија2 – 0Австралија АвстралијаПријателска1
12-11-2014БриселБелгија Белгија3 – 1Исланд ИсландПријателска-
16-11-2014БриселБелгија Белгија0 – 0Велс ВелсКвал. за ЕП 2016-
28-3-2015БриселБелгија Белгија5 – 0Кипар КипарКвал. за ЕП 2016-
31-3-2015ЕрусалимИзраел Израел0 – 1Белгија БелгијаКвал. за ЕП 2016-
7-6-2015Сен-ДениФранција Франција3 – 4Белгија БелгијаПријателска-заменет 81'
12-6-2015КардифВелс Велс1 – 0Белгија БелгијаКвал. за ЕП 2016-
3-9-2015БриселБелгија Белгија3 – 1Босна и Херцеговина Босна и ХерцеговинаКвал. за ЕП 2016-
6-9-2015НикозијаКипар Кипар0 – 1Белгија БелгијаКвал. за ЕП 2016-
10-10-2015Андора ла ВељаАндора Андора1 – 4Белгија БелгијаКвал. за ЕП 2016-
13-10-2015БриселБелгија Белгија3 – 1Израел ИзраелКвал. за ЕП 2016-влегол во игра 66'
13-11-2015БриселБелгија Белгија3 – 1Италија ИталијаПријателска-
29-3-2016ЛеиријаПортугалија Португалија2 – 1Белгија БелгијаПријателска-
28-5-2016ЖеневаШвајцарија Швајцарија1 – 2Белгија БелгијаПријателска-
1-6-2016БриселБелгија Белгија1 – 1Финска ФинскаПријателска-
5-6-2016БриселБелгија Белгија3 – 2Норвешка НорвешкаПријателска-заменет 57'
13-6-2016ЛионБелгија Белгија0 – 2Италија ИталијаЕвро 2016 - Прва фаза-
18-6-2016БордоБелгија Белгија3 – 0Ирска ИрскаЕвро 2016 - Прва фаза1
22-6-2016НицаШведска Шведска0 – 1Белгија БелгијаЕвро 2016 - Прва фаза-добил жолт картон во 45+1-тата минута 45+1'
26-6-2016ТулузаУнгарија Унгарија0 – 4Белгија БелгијаЕвро 2016 - Осминафинале-
1-7-2016Вилнев д’АскВелс Велс3 – 1Белгија БелгијаЕвро 2016 - Четвртфинале-
1-9-2016БриселБелгија Белгија0 – 2Шпанија ШпанијаПријателска-
6-9-2016НикозијаКипар Кипар0 – 3Белгија БелгијаКвал. за СП 2018-
7-10-2016БриселБелгија Белгија4 – 0Босна и Херцеговина Босна и ХерцеговинаКвал. за СП 2018-
10-10-2016ФароГибралтар Гибралтар0 – 6Белгија БелгијаКвал. за СП 20181
9-11-2016АмстердамХоландија Холандија1 – 1Белгија БелгијаПријателска-
13-11-2016БриселБелгија Белгија8 – 1Естонија ЕстонијаКвал. за СП 2018-заменет 88'
25-3-2017БриселБелгија Белгија1 – 1Грција ГрцијаКвал. за СП 2018-добил жолт картон во 72-рата минута 72'
28-3-2017СочиРусија Русија3 – 3Белгија БелгијаПријателска-влегол во игра 66'
9-6-2017ТалинЕстонија Естонија0 – 2Белгија БелгијаКвал. за СП 2018-
31-8-2017ЛиежБелгија Белгија9 – 0Гибралтар ГибралтарКвал. за СП 20181Red card 40'
10-10-2017БриселБелгија Белгија4 – 0Кипар КипарКвал. за СП 2018-
10-11-2017БриселБелгија Белгија3 – 3Мексико МексикоПријателска-
14-11-2017БрижБелгија Белгија1 – 0Јапонија ЈапонијаПријателска-заменет 84'
27-3-2018БриселБелгија Белгија4 – 0Саудиска Арабија Саудиска АрабијаПријателска-
6-6-2018БриселБелгија Белгија3 – 0Египет ЕгипетПријателска-заменет 46'
11-6-2018БриселБелгија Белгија4 – 1Костарика КостарикаПријателска-
18-6-2018СочиБелгија Белгија3 – 0Панама ПанамаСП 2018 - Прва фаза-заменет 90'
23-6-2018МоскваБелгија Белгија5 – 2Тунис ТунисСП 2018 - Прва фаза-
2-7-2018РостовБелгија Белгија3 – 2Јапонија ЈапонијаСП 2018 - Осминафинале-
6-7-2018КазањБразил Бразил1 – 2Белгија БелгијаСП 2018 - Четвртфинале-
10-7-2018Санкт ПетербургФранција Франција1 – 0Белгија БелгијаСП 2018 - Полуфинале-
14-7-2018Санкт ПетербургБелгија Белгија2 – 0Англија АнглијаСП 2018 - за 3. место-добил жолт картон во 90+3-тата минута 90+3'
11-9-2018РејкјавикИсланд Исланд0 – 3Белгија БелгијаУЕФА Лига на нации 2018-2019 - Прва фаза-
12-10-2018БриселБелгија Белгија2 – 1Швајцарија ШвајцаријаУЕФА Лига на нации 2018-2019 - Прва фаза-
16-10-2018БриселБелгија Белгија1 – 1Холандија ХоландијаПријателска-
15-11-2018БриселБелгија Белгија2 – 0Исланд ИсландУЕФА Лига на нации 2018-2019 - Прва фаза-[49]
18-11-2018ЛуцернШвајцарија Швајцарија5 – 2Белгија БелгијаУЕФА Лига на нации 2018-2019 - Прва фаза-
8-6-2019БриселБелгија Белгија3 – 0Казахстан КазахстанКвал. за ЕП 2020-
11-6-2019БриселБелгија Белгија3 – 0Шкотска ШкотскаКвал. за ЕП 2020-
13-10-2019АстанаКазахстан Казахстан0 – 2Белгија БелгијаКвал. за ЕП 2020-добил жолт картон во 82-рата минута 82'
16-11-2019Санкт ПетербургРусија Русија1 – 4Белгија БелгијаКвал. за ЕП 2020-
5-9-2020КопенхагенДанска Данска0 – 2Белгија БелгијаУЕФА Лига на нации 2020-2021 - Прва фаза-
8-9-2020БриселБелгија Белгија5 – 1Исланд ИсландУЕФА Лига на нации 2020-2021 - Прва фаза1
11-10-2020ЛондонАнглија Англија2 – 1Белгија БелгијаУЕФА Лига на нации 2020-2021 - Прва фаза-
14-10-2020РејкјавикИсланд Исланд1 – 2Белгија БелгијаУЕФА Лига на нации 2020-2021 - Прва фаза-добил жолт картон во 85-тата минута 85'
15-11-2020ЛевенБелгија Белгија2 – 0Англија АнглијаУЕФА Лига на нации 2020-2021 - Прва фаза-добил жолт картон во 44-тата минута 44'
17-6-2021КопенхагенДанска Данска1 – 2Белгија БелгијаЕвро 2020 - Прва фаза-влегол во игра 59'
21-6-2021Санкт ПетербургФинска Финска0 – 2Белгија БелгијаЕвро 2020 - Прва фаза-
27-6-2021СевиљаБелгија Белгија1 – 0Португалија ПортугалијаЕвро 2020 - Осминафинале-
2-7-2021МинхенБелгија Белгија1 – 2Италија ИталијаЕвро 2020 - Четвртфинале-
2-9-2021ТалинЕстонија Естонија2 – 5Белгија БелгијаКвал. за СП 20221
5-9-2021БриселБелгија Белгија3 – 0Чешка ЧешкаКвал. за СП 2022-добил жолт картон во 71-вата минута 71'
7-10-2021ТориноБелгија Белгија2 – 3Франција ФранцијаУЕФА Лига на нации 2020-2021 - Полуфинале-
10-10-2021ТориноИталија Италија2 – 1Белгија БелгијаУЕФА Лига на нации 2020-2021 - за 3. место-добил жолт картон во 56-тата минута 56'
13-11-2021БриселБелгија Белгија3 – 1Естонија ЕстонијаКвал. за СП 2022-
16-11-2021КардифВелс Велс1 – 1Белгија БелгијаКвал. за СП 2022-
3-6-2022БриселБелгија Белгија1 – 4Холандија ХоландијаУЕФА Лига на нации 2022-2023 - Прва фаза-заменет 67'
8-6-2022БриселБелгија Белгија6 – 1Полска ПолскаУЕФА Лига на нации 2022-2023 - Прва фаза1добил жолт картон во 36-тата минута 36' заменет 84'
11-6-2022КардифВелс Велс1 – 1Белгија БелгијаУЕФА Лига на нации 2022-2023 - Прва фаза-заменет 90+3'
14-6-2022ВаршаваПолска Полска0 – 1Белгија БелгијаУЕФА Лига на нации 2022-2023 - Прва фаза-заменет 46'
22-9-2022БриселБелгија Белгија2 – 1Велс ВелсУЕФА Лига на нации 2022-2023 - Прва фаза-
25-9-2022АмстердамХоландија Холандија1 – 0Белгија БелгијаУЕФА Лига на нации 2022-2023 - Прва фаза-
18-11-2022Ал КувајтБелгија Белгија1 – 2Египет ЕгипетПријателска-
23-11-2022Ал РајанБелгија Белгија1 – 0Канада КанадаСП 2022 - Прва фаза-
27-11-2022ДохаБелгија Белгија0 – 2Мароко МарокоСП 2022 - Прва фаза-
1-12-2022Ал РајанХрватска Хрватска0 – 0Белгија БелгијаСП 2022 - Прва фаза-
Вкупно Настапи (2. место) 130 Голови 12

Статистика на кариерата

[уреди | уреди извор]

Клупска статистика

[уреди | уреди извор]

Статистиката е ажурирана на 16 април 2024.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2006-2007Белгија СтандардД1162КБ51КУ10---223
2007-2008Д1337КБ61КУ3[50]2[51]---4210
2008-2009ПЛ33+2[52]7+1[52]КБ00ЛШ+КУ2[53]+80+1СБ10469
2009-2010ПЛ22+5[52]5+1[52]КБ11ЛШ+ЛЕ6+60+3СБ114111
2010-2011ПЛ28+9[52]7+3[52]КБ62------4312
Вкупно Стандард Лиеж132+1628+51852662119445
2011-2012Португалија БенфикаПЛ291КП+ЛКП2+40+2ЛШ14[54]2[55]---495
авг.-сеп. 2012ПЛ30КП+ЛКП--ЛШ-----30
Вкупно Бенфика32162142--525
сеп. 2012-2013Русија Зенит Санкт ПетербургПЛ194КР30ЛШ+ЛЕ5+40+1---315
2013-2014ПЛ304КР10ЛШ11[54]0СР10434
2014-2015ПЛ284КР10ЛШ+ЛЕ7[54]+61+1---426
2015-2016ПЛ293КР42ЛШ71СР10416
2016-јан. 2017ПЛ161КР10ЛЕ60СР00231
Вкупно Зенит Санкт Петербург122161024642018022
2017Кина Тјанџин КванџијанКСЛ274КК20------294
јан.-авг. 2018КСЛ91КК11АЛШ7+1[56]0---182
Вкупно Тјанџин Кванџијан3653180--476
2018-2019Германија Борусија Дортмунд1Б334КГ31ЛШ71---436
2019-20201Б284КГ30ЛШ70SG10394
2020-20211Б150КГ20ЛШ51SG00221
2021-20221Б282КГ30ЛШ+ЛЕ6+20СГ10402
Вкупно Борусија Дортмунд104101112722014513
2022-2023Шпанија Атлетико МадридПД330КШ40ЛШ60--430
2023-2024 ПД 30 2 КШ 5 0 ЛШ 10 0 СШ 1 0 46 2
Вкупно Атлетико Мадрид 63 2 9 0 16 0 1 0 89 2
Вкупно во кариерата505675711137146170593

Репрезентативна статистика

[уреди | уреди извор]
Репрезентација ГодинаНастапиГолови
Белгија Белгија 200871
200931
201050
2011113
201290
2013100
2014111
201590
2016152
201771
2018130
201950
202051
2021101
2022101
Вкупно13012

Титули

[уреди | уреди извор]
Витсел ја слави титулата освоена во руското првенство во 2015.
Витсел со бронзениот медал освоен со Белгија на Светското првенство 2018 во Русија.

Клупски

[уреди | уреди извор]

Белгија Стандард Лиеж

[уреди | уреди извор]
2007–2008, 2008–2009
2010-2011
2008, 2009

Португалија Бенфика

[уреди | уреди извор]
2011-2012

Германија Борусија Дортмунд

[уреди | уреди извор]
2020-2021
2019

Репрезентативни

[уреди | уреди извор]

Белгија Белгија

[уреди | уреди извор]
Бронзен медал Трето место: 2018

Поединечни

[уреди | уреди извор]
2008
2012

Наводи

[уреди | уреди извор]
  1. ↑ „Mondial 2018 - France Belgique: Axel Witsel, l'autre Antillais endiablé“. franceinfo. franceinfo. 10 July 2018. Посетено на 11 July 2018.
  2. ↑ Dalmat, Syanie (10 July 2018). „Axel Witsel, le Belge qui aurait pu jouer pour la France“. L'Equipe. Посетено на 11 July 2018.
  3. ↑ „Axel Witsel en très charmante compagnie“. La Dernière Heure (француски). 23 October 2012. Архивирано од изворникот на 31 August 2017. Посетено на 23 April 2014.
  4. ↑ „Axel & Rafaella Witsel éblouissants lors de leur mariage religieux“. Sudinfo.be (француски). 13 June 2015. Архивирано од изворникот на 25 June 2016. Посетено на 31 August 2017.
  5. ↑ „Alex Witsel“. Transfermarkt.it. Посетено на 24 ноември 2012.
  6. ↑ „Witsel, il belga che studia Vieira e Sissoko“. Corrieredellosport.it. 19 мај 2009. Архивирано од изворникот на |archive-url= requires |archive-date= (help). Посетено на 24 ноември 2012. Занемарен непознатиот параметар |dataarchivio= (се препорачува |archive-date=) (help); Занемарен непознатиот параметар |dead-link= (help)
  7. ↑ „Celta Vigo-Standard Liegi 3-0“. 28 септември 2006. Посетено на 24 ноември 2012.
  8. ↑ „Witsel breekt been van Wasilewski in tackle“. Sporza. Архивирано од изворникот на 1 September 2009. Посетено на 31 August 2009.
  9. ↑ „Anderlecht-Standard faute d'Axel Witsel sur Wasilewski“. YouTube. Посетено на 31 August 2009.Предлошка:Dead YouTube link
  10. ↑ „Standard Liege Stars Defour & Witsel Receive Death Threats - Report - Goal.com“. 1 September 2009. Архивирано од изворникот на 16 January 2014. Посетено на 26 June 2016.
  11. ↑ „Stangata per Witsel: fuori 10 giornate“. 24 maggio 2009. Посетено на 24 ноември 2012. Проверете ги датумските вредности во: |date= (help)
  12. ↑ „Standard, 11 giornate di squalifica a Witsel per entrata killer“. 2 септември 2009. Посетено на 24 ноември 2012.
  13. ↑ „Standard Liegi, squalifica ridotta a Witsel“. 4 settembre 2009. Посетено на 24 ноември 2012. Проверете ги датумските вредности во: |date= (help)
  14. ↑ „Calcio: Belgio, squalifica ridotta a Witsel per l'intervento killer“. 4 септември 2009. Занемарен непознатиот параметар |accesso-date= (help); Занемарен непознатиот параметар |dead-link= (help)
  15. ↑ „Standard Liegi-Westerlo 2-0“. 21 мај 2011. Посетено на 24 ноември 2012.
  16. ↑ „Milan, in Portogallo rivelano l'offerta per Witsel“. 12 мај 2012. Посетено на 24 ноември 2012.
  17. ↑ „Benfica 2–0 Sta. Clara“. LPFP. Архивирано од изворникот на 1 August 2013. Посетено на 3 December 2012.
  18. ↑ „Witsel foi o Man of The Match“. LPFP. 15 April 2012. Архивирано од изворникот на 14 July 2012. Посетено на 3 December 2012.
  19. ↑ Ето я и следващата трансферна бомба на Зенит Архивирано на 8 септември 2012 г.; Sportal, 3 септември 2012
  20. ↑ „Zenit 0 – 2 Terek Grozny“. ESPNFC. 14 September 2012. Архивирано од изворникот на 2013-01-24. Посетено на 2024-05-06.
  21. ↑ „Spartak Moscow 2 – 4 Zenit St Petersburg“. ESPNFC. 30 November 2012.
  22. ↑ „Familiar Zenit faces come back to haunt Benfica“. UEFA. 16 September 2014. Посетено на 17 July 2015.
  23. ↑ „Zenit ease to victory over ten-man Torino“. UEFA. 12 March 2015. Посетено на 17 July 2015.
  24. ↑ „Суперкубок России по футболу 2015, Финал“. RFPL (руски). 12 July 2015. Посетено на 17 July 2015.
  25. ↑ „Belgian ace Axel Witsel spurns Juventus to join China's Tianjin Quanjian“. scmp.com. 2017-01-04. Посетено на 2019-10-24.
  26. ↑ „Witsel will continue his career in China“ (руски). FC Zenit Saint Petersburg. 3 January 2017.
  27. ↑ „Alexandre Pato struggles as Tianjin Quanjian slump vs. Guangzhou R&F“. ESPN. 4 March 2017.
  28. ↑ „Witsel scores Quanjian's maiden CSL goal“. MSN. 11 March 2017.
  29. ↑ „Axel Witsel to join Borussia Dortmund from Tianjin Quanjian“. SkySports. Посетено на 7 August 2018.
  30. ↑ „Axel Witsel arrives at the BVB training camp“. Borussia Dortmund. Архивирано од изворникот на 2018-08-06. Посетено на 7 August 2018.
  31. ↑ „Axel Witsel saves Borussia Dortmund on debut in German Cup“. BBC Sport. Посетено на 21 August 2018.
  32. ↑ „Borussia Dortmund 4-1 RB Leipzig: As it happened!“. Bundesliga. Архивирано од изворникот на 2018-08-27. Посетено на 27 August 2018.
  33. ↑ „Club Atlético de Madrid - Witsel is now a Red & White player“. Club Atlético de Madrid (англиски). 6 July 2022. Посетено на 7 July 2022.
  34. ↑ „Axel Witsel marque, Stijn Stijnen se troue deux fois“. Le Soir (француски). 27 March 2008. Посетено на 4 December 2014.
  35. ↑ „Witsel bezorgt Rode Duivels zege van de hoop“. Sporza (холандски). 25 March 2011. Архивирано од изворникот на 2 September 2017. Посетено на 4 December 2014.
  36. ↑ Potter, Steffen (11 October 2011). „Germany stamp out Belgium's fire“. uefa.com. Union of European Football Associations. Посетено на 24 January 2018.
  37. ↑ „Adnan Januzaj included in Belgium's World Cup squad“. BBC Sport. 13 May 2014. Посетено на 15 May 2014.
  38. ↑ Chowdhury, Saj (17 June 2014). „Belgium 2–1 Algeria“. BBC Sport. Посетено на 17 June 2014.
  39. ↑ „Argentina vs. Belgium: Red Devils Fail to Punish Midfield Mismatch“. bleacherreport. 5 јули 2014. Посетено на 7 мај 2024.
  40. ↑ BelgianRedDevils [@@BelRedDevils] (31 May 2016). „.OFFICIAL ! Our final #Euro2016 squad list & numbers ! #TousenFrance“ (Tweet). Посетено на 24 January 2018 – преку Twitter.
  41. ↑ Lowe, Sid (18 June 2016). „Belgium get going as Romelu Lukaku punishes Republic of Ireland“. The Guardian. Посетено на 14 October 2016.
  42. ↑ Dorman, Matt (31 August 2017). „Belgium 9 Gibraltar 0: Trebles for Meunier and Lukaku as Hazard makes scoring return“. Goal.com. Посетено на 4 September 2018.
  43. ↑ „World Cup 2018: Belgium include Vincent Kompany but Christian Benteke misses out“. BBC Sport. 4 June 2018. Посетено на 4 September 2018.
  44. ↑ „Belgio, Witsel fa 100: 'Hazard esempio di calma' VIDEO“. Посетено на 18 ноември 2018.
  45. ↑ „Borussia Dortmund International Roundup: Witsel earns 100th cap, Sancho gets first assist“ (англиски). BVB Buzz. 16 ноември 2018. Посетено на 18 ноември 2018. Занемарен непознатиот параметар |dead-link= (help)[мртва врска]
  46. ↑ „Belgium coach Tedesco wields the axe for Euro qualifiers“. Reuters (англиски). 17 March 2023. Посетено на 17 March 2023.
  47. ↑ „Belgium midfielder Witsel retires from international football“. Reuters. 12 May 2023. Посетено на 12 May 2023.
  48. ↑ „25 DEVILS GO TO EURO 2024“. rbfa.be (англиски). Посетено на 28 May 2024.
  49. ↑ 100. настап
  50. ↑ 1 настап во второто квалификациско коло.
  51. ↑ Второ квалификациско коло.
  52. 1 2 3 4 5 6 Плејоф.
  53. ↑ Трето квалификациско коло.
  54. 1 2 3 4 настапи во квалификациските кола.
  55. ↑ Во плејоф.
  56. ↑ Во квалификациските кола

Надворешни врски

[уреди | уреди извор]
Преземено од „https://mk.wikipedia.org/w/index.php?title=Аксел_Витсел&oldid=5492308“