Меѓународна организација за цивилно воздухопловство

Од Википедија, слободната енциклопедија
(Пренасочено од ICAO)
Прејди на: содржини, барај
Small Flag of the United Nations ZP.svg   Меѓународна организација за цивилно воздухопловство
المنظمة الدولية للطيران المدني(арапски)

</noinclude>
国际民航组织 (кинески)
Organisation de l'aviation civile internationale (француски)
Международная организация гражданской авиации (руски)
Organización de Aviación Civil Internacional (шпански)
 
Flag of ICAO.svg
Знамето на ИЦАО
Тип Агенција на ООН
Акроними ICAO
OACI
ИКАО
إيكاو
Челник Алжир Dr. Taïeb Chérif
Статус активна
Основана април 1947
Штаб Канада Montreal, Canada
Мрежно место www.icao.int
Портал Портал:Обединети Нации ООН Портал

Меѓународната организација за цивилно воздухопловство – ИЦАО ( на англиски: International Civil Aviation Organization- ICAO ), е специјализирана агенција на Обединетите нации, која ги востановува принципите и техниките во меѓународното воздухопловство и меѓународниот аеротранспорт со цел да обезбеди безбеден, ефикасен и уреден развој на воздухопловството. Седиштето на ИЦАО се наоѓа во Монтреал, Канада. Советот на ИЦАО усвојува стандарди и практики коишто се однесуваат на воздухопловството, спречување на незаконски попречувања и олеснување на процедури за преминување на граница за меѓународното цивилно воздухопловство. Освен тоа, ИЦАО ги дефинира протоколите во случај на воздушни несреќи и истраги, како и безбеден превоз на надлежните власти во земјите потписнички на Конференција за меѓународно цивилно воздухопловство, попозната како Чикашка конференција. ИЦАО не треба да се меша со Меѓународната асоцијација за воздушен транспорт-ИАТА ( IATA ), меѓународна индустриска група на авиокомпании исто така со седиште во Монтреал.

Содржина

Статут на ИЦАО [уреди]

Деветото издание на Конференцијата за меѓународно цивилно воздухопловство ги содржи промените од 1948 г. па се до 2006 г. Сегашното издание на Конференцијата е познато како статут и е именувано како ICAO Doc 7300/9. Конференцијата има 18 анекси. Овие анекси се наоѓаат во делот именуван како Конференција за меѓународно цивилно воздухопловство.

Стандарди на ИЦАО [уреди]

ИЦАО исто така усогласува одредени функции кои се применуваат во воздухопловната индустрија, како што е на пр. Системот за аеронаутичко пренесување на пораки ( AMHS ), со што официјално станува и организација за стандарди. ИЦАО исто така го дефинира и Меѓународниот стандард за атмосфера ( познат и како Стандард за атмосфера на ИЦАО ), модел на стандардна варијација на притисокот, температурата, густината, вискозноста и апсолутната висина на Земјината атмосфера. Ова е корисно при бирање на инструменти и конструирање на авиони.[1] ИЦАО стандардизира и пасоши на база на автоматско читање ( machine-readable ) во целиот свет.[2] На овој начин, се овозможува побрзо обработување на податоците и се избегнува процедурата на нивно рачно внесување во компјутер. ИЦАО објавува патни исправи на база на автоматско читање ( Machine Readable ) – Doc 9303. [3] Како најнов стандард е оној за биометричките пасоши. Тие функционираат на база на микрочип на кој се сместени основните податоци на патниците.

Кодови на ИЦАО [уреди]

ИЦАО и ИАТА во развојот на стандардните спецификации и процедури доделуваат и посебни кодови кои се користат во разни видови на комуникација на пр. комуникација воздух- земја, воздухопловната телефонија итн. ИЦАО има изработено посебни кодови за аеродроми и авиокомпании. За аеродромите ИЦАО користи кодови со 4 букви, а за авиокомпаниите кодови со 3 букви. Во САД кодовите на ИЦАО се слични со кодовите на ИАТА, со префикс „ К ” – LAX е всушност KLAX. Во Канада, префиксот „ C ” се додава на кодот на ИАТА за да се добие кодот на ИЦАО- на пр. YEG e CYEG. Во останатиот дел од светот кодовите на ИАТА и на ИЦАО се сосема различни, на пр. меѓународниот аеродром Париз- Шарл де Гол ( Charles de Gaulle International Airport ) има ИЦАО код- LFPG, a ИАТА код- CDG. ИЦАО исто така издава и алфанумерични кодови кои содржат од 2 - 4 букви. Овие кодови се типични за плановите за летање.

Региони и регионални канцеларии [уреди]

Седиште на ИЦАО, Монтреал, Канада

ИЦАО има седум регионални канцеларии кои опслужуваат девет региони:

1. Азија и Пацифик, Бангок, Тајланд
2. Среден Исток, Каиро, Египет
3. Западна и Централна Африка, Дакар, Сенегал
4. Јужна Америка, Лима, Перу
5. Северна Америка, Централна Америка и Карипските острови, Мексико Сити, Мексико
6. Источна и Јужна Африка, Најроби, Кенија
7. Европа и Северен Атлантик, Париз, Франција

Раководство на ИЦАО [уреди]

Листа на Генерални секретари [уреди]

Листа на претседателите на Советот [уреди]

Види исто така [уреди]

Шаблон:UN portal

Наводи [уреди]

  1. ↑ ICAO, Manual of the ICAO Standard Atmosphere (extended to 80 kilometres (262 500 feet)), Doc 7488-CD, Third Edition, 1993, ISBN 92-9194-004-6
  2. ↑ International Civil Aviation Organization. „Machine Readable Travel Documents (MRTD)“. „ICAO MRTD website“. http://mrtd.icao.int. проверено на 2007-09-10.  This website aggregates a number of ICAO documents and conference announcements related to MRTDs.
  3. ↑ International Civil Aviation Organization (2006), „Doc 9303, Machine Readable Travel Documents“ (Sixth издание), http://mrtd.icao.int/content/view/33/202/, проверено на 2007-09-10 

Надворешни врски [уреди]

Шаблон:Обединети нации Шаблон:Commercial aviation

Преземено од „http://mk.wikipedia.org/w/index.php?title=Меѓународна_организација_за_цивилно_воздухопловство&oldid=2959105“