Црква Свети Александар Невски (Софија)

Од Википедија, слободната енциклопедија
Прејди на: содржини, барај
Поврзано: Свети Александар Невски (појаснување)
Катедрала Свети Александар Невски
SofiaCathedral.jpg
Основни податоци
Координати 42°41′44.99″ СГШ 23°19′58.64″ ИГД / 42.695833, 23.332956
Религија Бугарска Православна Црква
Држава Бугарија
Покраина Софија
Црковен статус катедрала
Водство Патријарх бугарски и митрополит софиски

Храмот-споменик Свети Александар Невски (бугарски: Храм-паметник Свети Александър Невски) е патријаршиска катедрала на Бугарската Православна Црква во Софија. Изградена е во 1908 година како прослава на Свети Александар Невски и сите руски војници, убиени во Руско-турската војна од 1877-1878.[1]

Историја[уреди]

Одлуката за градење била донесена уште во 1879 година од Основачкото собрание во Трново (предлогот го направил Петко Каравелов). Дадени биле неколку предлози за место на црквата и првично бил избран градот Велико Трново, но откако за главен град била избрана Софија, Собранието решило храмот да се изгради во главниот град. За изградба на храмот биле собрани од доброволни цели паушал од 1 900 000 лв[2].

Главниот камен тмелник бил поставен на 3 март 1882 година, на четвртата годишнина од потпишувањето на Санстефанскиот договор.

Име[уреди]

Храмот е посветен на Александар Невски, познат по победата над Тевтонски ред во битката кај Чудското езеро, прогласен за светец од Руската православна црква. Александар Невски бил патрон на рускиот император Александар II и името на храмот е израз на благодарност на Бугарите кон Русија во лицето на царот. Накратко во периодот меѓу 1916 и 1920 година црквата била преименувана во "Св Свети Кирил и Методиј" (во Првата светска војна, Бугарија и Русија се во војна и имале судири во Северна Добруџа), а во 1920 година повторно било вратено старото име.

Храмот е петокорабна куполна базилика во неовизантиски стил. Во внатрешното декорирање црквата е украсена со исклучително квалитетни и скапи градежни материјали како италијански мермери, оникс од Бразил, алабастар и други.

Главната купола е висока 45 метри. Околу кругот на куполата има испишани со танки златни букви молитвата Оче наш. Храмот има површина од 3170 m2 и може да смести до 5000 луѓе. Тоа е вториот по големина православен храм на Балканот по белградскиот Свети Сава. Камбанаријата на катедралата е висока околу 53 m и има 12 камбани произведени во Москва. Сите имаат општа тежина од 23 тона.

Храмот е објавен за споменик на културата во 1924 година.

Галерија[уреди]

Наводи[уреди]