Џуџе
Во германската митологија џуџе е суштество кое живее на планини и во земја, и се асоцира со мудрост, ковачки занает, рударство и занаетчиство. Тоа е ниско, стројно, крупно и силно човеколико суштество во нордиската митологија, како и други германски митологии, сказни, научна фантастика а исто така се застапени и во видеоигрите.
Во митологијата, џуџињата многу личат на луѓето, но претпочитаат да живеат под земја или во планинските области. Во литературата и видеоигрите, на џуџињата им се препишуваат способноста да гледаат во мрак и други видови приспособувања за да живеат под земја. Тука тие го собираат богатството составено од злато, сребро и скапоцени камења, и го поминуваат нивното време во ковање на скапоцено оружје и оклоп. Тие се познати рудари и ковачи, но исто така се вешти и во било кој друг занает. Обично се пониски од луѓето, стројни и крупни и многу влакнести со големи бради. Иако бавно трчаат и не се вешти јавачи, се вели дека џуџињата се одлични воини и бранители на своите упоришта. Некои митови и видеоигри, исто така им ја препишуваат на џуџињата способноста на создаваат магични предмети. Во нордиската митологија, на пример, џуџињата ковачи создале некои од најголемите и најмоќните предмети, вклучувајќи го и магичниот синџир со кој го оковале волкот Фенрир.
Џуџињата како мотив во уметноста и во популарната култура[уреди | уреди извор]
- „Џуџуња“ — кус расказ на македонскиот писател Драган Георгиевски од 2013 година.[1]
- „Инвазија“ — краток расказ на македонскиот писател Ѓорѓи Крстевски од 2019 година.[2]
- „Џинџуџе“ — кус расказ на македонскиот писател Ермис Лафазановски.[3]
- „Танц на џуџињата“ (германски: Tanz der Zwergen) — песна на македонската рок-група Д Џон (The John).[4]
- „Џуџе“ (англиски: The Gnome) — песна на британската рок-група Пинк флојд од 1967 година.[5]
- „Џуџиња во градината“ (хрватски: Patuljci u vrtu) — песна на хрватската рок-група Хаустор од 1984 година.[6]
Наводи[уреди | уреди извор]
- ↑ Драган Георгиевски, Метаморфузија, Темплум, Скопје, 2013.
- ↑ Ѓорѓи Крстевски, Другата страна. Скопје: Бегемот, 2019, стр. 42.
- ↑ Летаат приказни. Скопје: Темплум, 2019, стр. 13.
- ↑ The John & Space Rebel Gang, PMG Recordings #99.
- ↑ Discogs, Pink Floyd – The Piper At The Gates Of Dawn (пристапено на 25.2.2021)
- ↑ Discogs, Haustor – Treći svijet (пристапено на 24.12.2022)[мртва врска]
Надворешни врски[уреди | уреди извор]
- Dwarf Архивирано на 6 септември 2011 г.
|