The Donnas

Од Википедија — слободната енциклопедија
The Donnas
The Donnas во 2002
Животописни податоци
Познат(а) и како
  • The Electrocutes
  • Ragady Anne
  • Screen
ПотеклоПало Алто (Калифорнија), САД
Жанрови
Период на активност1993 (1993)–2012[1]
Издавачи

The Donnas (транскрипција: Донас) ― поранешна американска женска рок-група основана во Пало Алто, во 1993 година.[3] Во нејзиниот состав биле: Брет Андерсон (главна пејачка), Алисон Робертсон (гитара, придружен вокал), Маја Форд (бас гитара, придружен вокал) и Тори Кастелано (тапани, удирачки инструменти и придружен вокал). Ејми Сесари ја заменила Кастелано, која ја напуштила групата во 2009 година. Нивна инспирација биле групите: Ramones, The Runaways, Girlschool, AC/DC, Bachman–Turner Overdrive и Kiss.[3] [4]

Откако групата по објавувањето на првиот албум во 1997 година стекнала култни следбеници на панк-сцената, во 2002 година потпишале со голема издавачка куќа по што нивната музика станала покомерцијална со примеси на панк, метал и рок-звуци.[4]

Историја[уреди | уреди извор]

Основање и почетоци: 1993 – 2001[уреди | уреди извор]

Сите четири девојки кои ја основале групата се родени во 1979 година; Брет Андерсон на 30 мај; Алисон Робертсон на 26 август; а Маја Форд и Тори Кастелано се родени на 8 јануари. Се запознале во осмо одделение и во мај 1993 година основале група[5] за заедно да настапат на натпреварот за училишен талент „Day on the Green“. Тие биле релативно непознати додека не завршиле средно училиште. Сите тие биле самоуки музичари и додека биле средно училиште речиси секој ден вежбале во гаражата на Кастелано. Прво се нарекувале себеси „Ragady Anne“, а потоа го промениле името во „The Electrocutes“. [5]

За нивните први два албума соработувале со продуцентот Дарин Рафаели. Првиот албум, насловен The Donnas, бил објавен од издавачката куќа на Рафаели, Super*teem.[2] Потоа потпишале со Lookout!. Во декември 2001 година, потпишале со Atlantic Records.[6]

Atlantic Records: 2002 – 2005 година[уреди | уреди извор]

Во 2002 година, The Donnas го објавиле албумот Spend the Night. Албумот бил нивен прв обид за мејнстрим успех. Во 2004 година го издале нивниот шести албум Gold Medal.

Атлантик енергично се обидувала да ја пласира музиката на Donnas во многу филмски саундтракови. Песни од групата се на саундтракот од филмот Drive Me Crazy од 1999 година (како The Electrocutes),[7] и подоцна во серијата Волшебнички со синглот „Fall Behind Me“. Тие исто така, се појавиле во тинејџерската комедија Jawbreaker од 1999 година како група која свири на матурска забава и придонеле со две песни во саундтракот од филмот ("Rock 'N' Roll Machine" и "Checkin' It Out"). Нивната преработка на песната „Roll On Down The Highway“ била искористена во Дизниевата комедија Херби: Целосно натоварена, а Backstage била искористена во „Freaky Friday“. Донас, исто така, може да се слушнат на Злобни девојки за време на одјавната шпица со нивната преработка на песната од Били Ајдол „Dance With Myself “, а тие исто така придонеле и за саундтракот на филмот Grind. Во спотот „Too Bad About Your Girl“ се појавува и актерската екипа од тој филм. Песната „Take It Off“ се појавува во филмот Dodgeball. Песната „Take Me To The Backseat“ може да се слушне во акционата комедија од 2004 година, DEBS. Преработката од песната од Kiss „Strutter“ била искористена во саундтракот за филмот Детроит Рок Сити од 1999 година. „Take It Off“ била искористена и во филмот „Мамурлак“ од 2009 година.

Нова издавачка куќа, промена во составот и распаѓање: 2006 – 2012[уреди | уреди извор]

Настап во 2008 година

На 19 мај 2006 година, Донас објавиле дека се „разделиле со Атлантик Рекордс“.[8] Во март 2007 година, Донас издале сингл, „Don't Wait Up For Me“ и дизајнирале ново лого на групата.

На 18 септември 2007 година, Донас независно го издале нивниот седми студиски албум насловен Bitchin'. Албумот бил продуциран од Џеј Растон и The Donnas и го содржел синглот „Don't Wait Up For Me“.

Во јули 2009 година, групата издала ретроспективна компилација под наслов Greatest Hits Vol. 16. Албумот содржел нови песни, повторно снимени постари песни како и некои необјавени материјали. Групата тоа лето била на турнеја со Пет Бенатар и Блонди. Во јули 2009 година било објавено дека тапанарката Тори Кастелано за турнејата ќе биде заменета со нивната долгогодишна пријателка Ејми Сезари затоа што Кастелано боледувала од тендинитис на рамото.

На 9 јули 2010 година, Кастелано преку веб-страницата на групата објавила дека поради нејзините постојани проблеми со рамото ќе мора да се повлече од The Donnas. Таа се запишала на политички науки на Универзитетот Стенфорд и дипломирала во 2013 година. Потоа продолжила на Правниот факултет на Харвард.[9]

Членови на групата[уреди | уреди извор]

  • Брет Андерсон (Donna A) – главна пејачка, пијано (1993 – 2012)
  • Алисон Робертсон (Donna R) – гитара, придружен вокал (1993 – 2012)
  • Маја Форд (Donna F) – бас, придружен вокал (1993 – 2012)
  • Тори Кастелано (Donna C) – тапани, придружни вокали (1993 – 2009)
  • Ејми Сезари (Donna С) – тапани, придружни вокали (2009 – 2012)

Дискографија[уреди | уреди извор]

  • The Donnas (1997)
  • American Teenage Rock 'n' Roll Machine (1998)
  • Get Skintight (1999)
  • The Donnas Turn 21 (2001)
  • Spend the Night (2002)
  • Gold Medal (2004)
  • Bitchin' (2007

Наводи[уреди | уреди извор]

  1. ↑ „Brett Anderson Talks Life Since The Donnas, Scoring Commercials, And Shooting TV Pilots That Never Aired“. Stereogum. October 24, 2017. Посетено на June 13, 2020.
  2. ↑ 2,0 2,1 „Record Details / Artist: The Bobbyteens / Label: Super*Teem!“. Посетено на May 9, 2020.
  3. ↑ 3,0 3,1 Празен навод (help)
  4. ↑ 4,0 4,1 „The Donnas | Music Artist | Videos, News, Photos & Ringtones“. MTV. Архивирано од изворникот на April 25, 2010. Посетено на May 3, 2021.
  5. ↑ 5,0 5,1 Huey, Steve (February 12, 2004). „The Donnas“. AllMusic. Посетено на October 9, 2011.
  6. ↑ „Rock band the Donnas take control after stumble“. Reuters.com. June 23, 2007. Посетено на September 12, 2020.
  7. ↑ „Girls to the Stage: 7 All-Female Punk Bands From the Bay Area“. KQED (англиски). Посетено на August 17, 2020. with band members even appearing in the 1999 teen comedy Drive Me Crazy as their alter egos, the Electrocutes.
  8. ↑ „The Donnas have "parted ways" with Atlantic Records“. brooklynvegan. Посетено на May 13, 2007.
  9. ↑ „Top five Stanford alumni in the music industry“. The Stanford Daily. January 16, 2015. Посетено на January 23, 2017.

Надворешни врски[уреди | уреди извор]

Нормативна контрола
Преземено од „https://mk.wikipedia.org/w/index.php?title=The_Donnas&oldid=5191972“