Шарлота Купер

Шарлота Рајнегл Купер (22 септември 1870 - 10 октомври 1966) била англиска тенисерка којашто го освоила тенискиот турнир Вимблдон 5 пати, а уште 5 играла во финалето, но загубила. Шарлота Купер последната титула ја освоила во 1908 година, со 37 години и 282 дена што е рекордна возраст и денес. Таа е позната и по тоа што е првата спортистка којашто освоила златен медал на Олимписките игри. Тоа го сторила на Летните олимписки игри - 1900 одржани во Париз.

Популарната „Шети“ на игрите во Париз освоила 2 злата. Најпрвин тоа го сторила во поединечна конкуренција, а потоа и во мешани двојки чиј партнер бил Реџиналд Доерти.

На 12 јануари 1901, Шарлота се омажила со Алфред Стери. Таа продолжила да игра тенис со новото презима и постигнала фантастични резултати во првата деценија на XX век. Во 1908 година, со нејзиното петто и последно освојување на неофицијалното светско првенство во тенис Вимблдон станала најстарата негова освојувачка.

„Шети“ играла тенис и во своите 50-ти години.

Целиот свој живо го поминала во Велика Британија, а умрела во 1966 година, на 96 години во Хеленсбург, Шкотска.

Победи на Вимблдон

Година	Првенство	Противник во финалето	Резултат во финалето
1895	Вимблдон	Хелен Џексон	7–5, 8–6
1896	Вимблдон (2)	Алис Симпсон Пикеринг	6–2, 6–3
1898	Вимблдон (3)	Лујза Мартин	6–4, 6–4
1901	Вимблдон (4)	Бланч Бингли Хилјард	6–2, 6–2
1908	Вимблдон (5)	Ањес Мортон	6–4, 6–4

Останати учества во финале на Вимблдон

Година	Првенство	Противник во финалето	Резултат во финалето
1897	Вомблдон	Бланч Бингли Хилјард	7–5, 5–7, 2–6
1899	Вимблдон	Бланч Бингли Хилјард	2–6, 3–6
1900	Вимблдон	Бланч Бингли Хилјард	6–4, 4–6, 4–6
1902	Вимблдон	Мариел Роб	5–7, 1–6
1904	Вимблдон	Доротеја Даглас	0–6, 3–6