Црква „Успение на Пресвета Богородица“ - Марена

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Успение на Пресвета Богородица
Црква „Успение на Пресвета Богородица“ - Марена 3.jpg

Поглед на црквата

Македонска православна црква
Епархија Повардарска
Архијерејско намесништво Кавадаречко
Парохија Маренска
Местоположба
Координати 41°27′46″N 22°01′33″E / 41.46278° N; 22.02583° E / 41.46278; 22.02583Координати: 41°27′46″N 22°01′33″E / 41.46278° N; 22.02583° E / 41.46278; 22.02583
Населено место Марена
Општина Кавадарци
Држава Македонија
Општи податоци
Покровител Богородица
Изградба XIX век
Живопис 1879
Архитектонски опис
Архитектонски тип трикорабен
Портал „МПЦ“

Успение на Пресвета Богородица — главна селска црква во кавадаречкото село Марена.[1][2]

Црквата се наоѓа до главниот пат што води за Кавадарци, а околу нејзе се наоѓаат селските гробишта.[3]

Историја[уреди | уреди извор]

Црквата е изградена во втората половина на XIX век.[2][3]

Архитектура[уреди | уреди извор]

Архитектонскиот облик на црквата е трикорабен, создаден од два реда колони кои се меѓусебно врзани со арки. Корабите имаат рамни дрвени таваници, а главниот кораб се надвишува над страничните. На источната страна од црквата е олтарната апсида, а две ниши во олтарниот простор ја вршат функцијата на проскомидија и ѓаконикот. Главниот влез во црквата е од западната страна, а помал влез - спореден е на северната страна.[2][3]

Внатрешноста на црквата е осветлена со по три прозорци на јужната и северната страна.[3]

Фрескоживопис[уреди | уреди извор]

На западниот дел во црквата е галерија на која има една лента со фреско натпис и годината 1879, најверојатно како година кога црквата била зографисана. Внатрешноста на црквата е исполнета со фрески по ѕидовите. Иконостасот во црквата е исполнет со икони: престолни, празнични и на светите апостоли. Три од престолните икони (Св. Никола, Св. Ѓорги, Богородица со Христос и Св. Јован Претеча)се изработени од зографот Петре од село Тресонче 1870 година.[2][3]

На северниот и јужниот ѕид во првата зона се насликани светци во цел раст: „Св. Кирил и Методиј“, „Св. Петка“, „Св. Мина“, „Св. Теодор Тирион“, „Св. Атанасиј“ и други. Композицијата „Страшниот суд" е насликана на јужниот ѕид во втората зона над светците во цел раст. Големите празници со композициите „Воскресение Христово“, „Влегување во Ерусалим“ (Цветници) и други се наоѓаат на северниот ѕид во втората зона. Во главниот кораб и тоа во горните делови насликани се симболите на четирите евангелисти. Тука се и претставниците на Богородица, Исус Христос и Бог Саваот.[3]

Композицијата Благовештение е над олтарната конха а во нишата од проскомидијата е композицијата Христос воскресна од гроб. На западниот дел од црквата - галеријата е презентирана композицијата Успение Богородично а лево и десно се пророците: Данаил, Илија, Соломон, Давид, Исаија, Елисиј и Еремија.[3]

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
  2. 2,0 2,1 2,2 2,3 „Цркви во Маренската парохија“. Повардарска епархија. Посетено на 28 февруари 2018.
  3. 3,0 3,1 3,2 3,3 3,4 3,5 3,6 „Културно и национално наследство на Кавадарци“. Институт за информатика. Посетено на 28 февруари 2018.

Надворешни врски[уреди | уреди извор]