Црква „Св. Ѓорѓи“ - Олевени
  Свети Ѓорѓи
| |
.jpg)
Поглед на црквата | |
| македонска православна црква | |
| Епархија | Преспанско-пелагониска |
| Архијерејско намесништво | Битолско |
| Парохија | Бистричка |
| Местоположба | |
|---|---|
|
| |
| Координати | 40°57′42″N 21°21′33″E / 40.96167° СГШ; 21.35917° ИГД |
| Место | Олевени |
| Општина | Битола |
| Држава | Македонија |
| Општи податоци | |
| Покровител | Свети Ѓорѓи |
| Изградба | почеток на XIX век |
| Архитектонски опис | |
Свети Ѓорѓи — главна селска црква црква на селото Олевени.[1]
Местоположба[уреди | уреди извор]
Црквата се наоѓа на самото сретсело, над малото подрачно училиште во селото.
Храмот се наоѓа на една височинка од каде доминира над поголемиот дел на селото Олевени.[2]
Историја[уреди | уреди извор]
Оваа црква е најстара во селото. Се претпоставува дека е подигната на почетокот на XIX век.[3]
Архитектура[уреди | уреди извор]
Црквата претставува еднокорабна градба со седумстрана апсида на исток и затворени тремови прилепени крај јужната и западната фасада. Главниот влез во црквата е поставен во средината на јужниот дел.[2]
Внатрешноста на црквата е поделена со прегради во наос, нартекс и олтарски простор. Нартексот на западниот дел е подигнат на повисоко ниво од наосот со неколку скали.[2]
Камбанарија[уреди | уреди извор]
Во југоисточниот дел на црквата се извишува камбанаријата. Таа во долниот дел има четвртеста форма за да во горниот, преку осумстраниот тамбур заврши со купола.[2]
Фрескоживопис[уреди | уреди извор]
Ѕидовите од внатрешноста на црквата се насликани во целост. Зографот не оставил запис со кој би не информирал за неговото авторство, но според стилските особености може да се претпостави дека се работи за Јосиф Радев од Лазарополе, кој кон последните децении на XIX век е доста активен на ова подрачје.[2]
Иконостас[уреди | уреди извор]
На иконостасот се поставени два реда на икони од различни временски периоди и автори. Постарите се датираат според записот во 1839 година. На овој период му припаѓаат повеќето од престолните икони. Царските двери и допојасните претстави на апостолите во горниот ред на икони, според своите одлики припаѓаат на друга зографска работилница. Според годината испишана врз дверите, оваа групација е насликана во 1857 година.[2]
Галерија[уреди | уреди извор]
-
Апсидата со македонското знаме -
Поглед на црквата -
Апсидата на црквата
.jpg)
.jpg)
.jpg)
Поврзано[уреди | уреди извор]
Наводи[уреди | уреди извор]
- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
- ↑ 2,0 2,1 2,2 2,3 2,4 2,5 Палигора, Ристо (декември 2011). „Студија за манастирски туризам на Баба Планина“ (PDF). Битола: Центар за развој на Пелагонискиот плански регион. Архивирано од изворникот (PDF) на 2013-12-28. Посетено на 2 март 2019.
- ↑ „Св. Ѓорѓи село Олевени“. Bitola Info. 2018-02-27. Посетено на 2019-03-02.
Надворешни врски[уреди | уреди извор]
Црква „Св. Ѓорѓи“ - Олевени на Ризницата ?
