Црква „Воведение на Пресвета Богородица“ - Росоки

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Воведение на Пресвета Богородица
Црквата во Росоки.jpg

Поглед на главната селска црква „Воведение на Пресвета Богородица“ во Росоки

Македонска православна црква
Епархија Дебарско-кичевска
Архијерејско намесништво Дебарско
Парохија Дебарско-реканска
Местоположба
Населено место Росоки
Општина Маврово и Ростуше
Држава Македонија
Општи податоци
Покровител Богородица Пречиста
Изградба 1835
Завршено 1835
Архитектонски опис
Портал „МПЦ“

Црква „Воведение на Пресвета Богородица“ - Росоки — главна селска црква во селото Росоки, во Општина Маврово и Ростуше. Се наоѓа на самото сретсело во селото, покрај една од селските чешми.

Историја[уреди | уреди извор]

Црквата потекнува од XVIII век и се одликува со извонреден живопис и икони од еден од најголемите мајстори во своето време Дичо Зограф, кој работел во црквата како едни од првите позначајни самостојни остварувања.

Во храмот од негова страна се изработени престолните икони на иконостасот. Дичо ги изработил иконите Исус Христос Цар и Велики архиереј, Св. Јован Претеча, потпишани и датирани во 1844 година и Богородица Одигитрија, потпишана и датирана во 1845 година.[1]

Во 1850 година, Дичо е повторно во Росоки каде ги изработува празничните икони за иконостасот и го работи живописот во црквата во лунетата над влезната врата. За овој негов ангажман сведочи ктиторскиот натпис, испишан над влезот во храмот, над јужниот надвратник. Овде Дичо остварува низа нарачки сè до 1854 година, меѓу кои се издвојува иконата Богородица со Исус и седумте допојасни претстави на светители, во долниот дел, од 1851 година, и Св. Харалампиј, од вратата на ѓакониконот, која ја потпишал и датирал во март 1852 година.[1]

Грабеж[уреди | уреди извор]

Црквата била ограбувана неколкупати, како дел од акциите на крадци кои пустошеле низ мијачките села. Била ограбена во текот на октомври 2012 година, заедно со црквите во соседните села Тресонче и Селце.[2]

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. 1,0 1,1 Алексиев, Емил (18 октомври 2008). „ДИЧО ЗОГРАФ - еден од најистакнатите македонски зографи“. Премин Портал. Скопје: НИП Ѓурѓа. Посетено на 21 ноември 2015.
  2. „Ограбени цркви во реканскиот крај“. Нова Македонија. Скопје: Репро Принт. 27 октомври 2012. Посетено на 21 ноември 2015.

Надворешни врски[уреди | уреди извор]

Координати: 41°33′58″N 20°41′43″E / 41.56611° N; 20.69528° E / 41.56611; 20.69528