Христијанството во Гамбија

Катедрала Св. Марија во Банџул.

Катедрала на Нашата Мајка во Банџул.

Внатрешноста на методистичка црква во Серекунда.

Христијатнството во Гамбија е втората најголема религија во земјата и претставува околу 8 проценти од вкупното население или околу 136.000 Христијани. Гамбија има население од околу 1.705.000 жители - 2009 est.)

Гамбија нема официјална религија, но сепак најголема е Исламот. Околу 90% од населението на Гамбија се Муслимани. Гамбија гарантира слобода на верско изразување. Христијаните, кои воглавно се наоѓаат во јужните и западните делови од земјата, се најмногу припадници на Римокатоличката црква, но има и Протестанти, англиканци, Методисти, Баптисти, Јеховини сведоци и останати христијански групации. Во Гамбија зачестени се браковите меѓу Христијаните и Муслиманите. Во некои делови овие две религии се споени преку анимизмот.

Римокатоличка црква

Во 1931 година била основана римокатоличка мисија во Гамбија. Во 1951 година мисијата била промовирана во Апостолска префектура, а во 1957 во бискупија, денес позната како Бискупија на Банџул. Денес има околу 42.000 Католици во државата. Бискупијата е поделена на 56 парохии. Бискуп на Банџул е Роберт Елисон.

Англиканска црква

Англиканската црква во Гамбија била основана во 1935. Прв бискуп бил Џон Дели. Териториите на Гамбија, Сенегал и Зелениот ’Рт се дел од Англиканската бискупија на Гамбија. Моментален бискуп е Соломон Тилева Џонсон.

Поврзано

• Гамбија
• Религија во Гамбија
• Христијанство

Надворешни врски

• Католичка бискупија во Банџул Архивирано на 25 мај 2013 г.
• Англиканска бискупија во Гамбија Архивирано на 23 јули 2019 г.