Химна на Косово

Од Википедија — слободната енциклопедија
Прејди на прегледникот Прејди на пребарувањето
Европа

национална химна на  Косово[a]
Друг наслов„Himni i Republikës së Kosovës“
мак. „Химна на Косово“
"Evropa"
македонски: „Европа“
МузикаМенди Менѓиќи
Усвоена11 јуни 2008; пред 11 година (2008-06-11)
Звучен извадок
"Europe" (instrumental)

Химната на Косово или „Европа“ — национална химна на Република Косово[a][1]. Химната била составена од Менди Менѓиќи. Како и со националните химни на Шпанија, Босна и Херцеговина и Сан Марино[2][3], и косовската химната нема официјални стихови, туку за неа се напишани неофицијални текстови. Химната била усвоена на 11 јуни 2008 година[4], и била специјално избрана бидејќи не содржи референци за било која специфична етничка група која живее во земјата[5]. Химната била избрана од страна на Собранието на Косово, со 72 пратеници кои гласале за, додека 15 гласале против, а петмина гласале воздржани[6].

Конкурс за химна[уреди | уреди извор]

На 12 март 2008 година, Собранието на Косово објавил отворен конкурс за избор на химна преку приштинските весници[7] и на официјалната интернет-страница на Собранието[6]. Правилата вклучувале:

  • Составот на химната треба да се разликува, односно треба да биде уникатен и оригинален[6].
  • Должината на композицијата не треба да трае помалку од 30 секунди или повеќе од 60 секунди[6].
  • Текстовите можат да се вклучат во пријавата на кој било официјален јазик на Република Косово[6]. Изборот на текстот за химната бил тешка задача[8], бидејќи мнозинството од населението во Косово се Албанци, а Србите се втора по големина етничка група[9]. Владата нагласила дека ниту една етничка група не треба да биде дискриминирана, објавувајќи ја државата како „демократска, секуларна и мултиетничка република“, со што се отежнало да се најде текст кој не им дава предност на една етничка група врз друга. Слични проблеми се појавиле и при изборот на знамето[10]. Понатаму, правилата, исто така, наведувале дека предлогот „Не треба да се презентира или да биде сличен на химната или популарна песна на која било земја или химната на која било политичка партија, движење или институција на Република Косово или да имплицира каква било верност кон која било етничка заедница на Република Косово[6].
  • Предлозите мора да бидат доставени до 31 март 2008 година[6].
  • Композиторот на усвоениот проект ќе добие 10.000 евра, а два други квалификувани предлози ќе добијат 7.000 евра и 5.000 евра[6].

Предложени текстови[уреди | уреди извор]

Албанско (гегиско наречје) Македонски

O mëmëdhe i dashur, vend i trimnisë
Çerdhe e dashurisë
N`ty shqipet fluturojnë dhe yjet ndriçojnë
Vend i të parëve tonë

Ti qofsh bekue për jetë e mot
O nënë e jonë
Ne të dalim Zot

O mëmëdhe i dashur, vend i trimnisë
Çerdhe e dashurisë

О, мила татковино, земја на храброста
Гнездо на љубовта
На вас орлите летаат и ѕвездите сјаат
Земјата на нашите предци

Биди благословен за животот и годините
О, наша мајко
Ние ќе те заштитиме

О, мила татковино, земја на храброста
Гнездо на љубовта

Други кандидати за химна[уреди | уреди извор]

Ода на радоста[уреди | уреди извор]

Ода на радоста“, химната на Европската Унија, се пуштала на официјалните церемонии при прогласувањето на независноста на Република Косово. Привремената влада на Косово одлучила да го стори тоа како почит кон Европската Унија за нејзините напори да помогне во стекнувањето независност[11].

Химна на Албанија[уреди | уреди извор]

Националната химна на Албанија се користи во Косово заедно со други албански национални симболи[12]. Оваа химна била исто така химната на непризнаената Република Косово која постоела од 1990 до 1999 година кога провинцијата била под контрола на Обединетите нации.

Кур ка ра куштрими Косове[уреди | уреди извор]

Оваа песна, составена од Рауф Думи, била предложена од страна на поранешниот претседател на Косово, Ибрахим Ругова, како химна во 2000 година. Сепак, не била донесена одлука тогаш. Химната има стихови на албански јазик[13].

Поврзано[уреди | уреди извор]

a.   ^ Косово е предмет на територијален спор помеѓу Република Србија и Република Косово. Како странски протекторат, Косово прогласило независност на 17 февруари 2008 г, но Србија и понатаму не го признава и тврди дека е нејзина суверена територија. Независноста на Косово не е целосно признаена од меѓународната заедница. Досега го признале 113 од вкупно 193 земји членки на ООН.

Наводи[уреди | уреди извор]

  1. "Kosovo Parliament Adopts National Hymn" novinite.com 11 June 2008 Link accessed 11/06/08
  2. "Kosovo parliament approves new national anthem" rian.ru 11 June 2008 Link accessed 11/06/08
  3. "Kosovo MPs choose national anthem" bbc.co.uk 11 June 2008 Link accessed 11/06/08
  4. "Kosovo Gets National Anthem" redorbit.com 11 June 2008 Link accessed 11/06/08
  5. Kosovo adopts wordless national anthem“, „Hürriyet“, Reuters, 11 јуни 2008 (посет. 28 март 2009 г).
  6. 6,0 6,1 6,2 6,3 6,4 6,5 6,6 6,7 "Assembly approves Kosovo anthem" b92.net 11 June 2008 Link accessed 11/06/08
  7. Kosovo seeks own national anthem“, BBC, 12 март 2008 (посет. 12 март 2008 г).
  8. „BalkanInsight.com – Kosovo Searches New National Anthem“. Balkan Insight. 2008-03-12. Архивирано од изворникот на 2008-03-13. конс. 2008-03-12. 
  9. Full text: Kosovo declaration“, BBC, 17 февруари 2008 (посет. 11 март 2008 г).
  10. „Competition for the flag and emblem of Kosovo“ (PDF). Express. 2007. Архивирано од изворникот (PDF) на 2007-10-21. конс. 2008-03-29. 
  11. Kosovo declares independence - USATODAY.com“, USA Today, 17 февруари 2008 (посет. 12 март 2008 г).
  12. Kosovo contest for state symbols“, BBC, 4 јуни 2007 (посет. 11 март 2008 г).
  13. „Himni i Kosovës“. Trepca.net. 2002-12-23. конс. 2008-03-16. 

Надворешни врски[уреди | уреди извор]