Треблинка

Од Википедија — слободната енциклопедија
Прејди на: содржини, барај

Треблинка бил логор за уништување на луѓе на Нацистичка Германија во окупираната Полска за време на Втората светска војна. Повеќе од 750.000[1] Евреи, Роми и други жртви на холокаустот биле убиени во Треблинка помеѓу јули 1942 и октомври 1943 г. Логорот бил сместен 100 km североисточно од Варшава[2], 2,5 km од местото Треблинка. Логорот бил организиран во два дела: Треблинка I и Треблинка II.

Распоред на објектите во логорот Треблинка изработен од командантот Франц Штангл

Треблинка бил еден од логорите за уништување на луѓе создадени во рамки на Операцијата Рајнхард наменета за целосно уништување на Евреите во Полска. Другите три логори во таа операција биле Белзец, Собибор и Мајданек.[3] Операцијата директно ја раководел Хајнрих Химлер. Пред Операцијата Рајнхард, Евреите биле затварани во гета и биле убивани, најчесто од групи на СС. Но, станало јасно дека планот за целосно уништување на Евреите не може да се изведе на овој начин. Затоа била смислена Операцијата Рајнхард и биле формирани 4 логори за уништување на Евреите од гетата. Треблинка била готова на 24 јули 1942. Само за два и пол месеци, од отворањето до 3 октомври 1942, во Треблинка биле донесени преку 310.000 Евреи од Варшавското гето. [4]

Меморијалниот центар Треблинка. Секој камен означува по еден град од кој биле носени Евреи и истребувани во логорот

На 22 март 1943 Евреите од Македонија, околу 7200 на број, биле насилно одведени од страна на Бугарскиот окупатор од нивните домови и собрани во скопскиот монопол. Оттука биле транспортирани во Треблинка и сите биле убиени.

Во август 1943 затворениците во Треблинка се побуниле, дошле до оружјето на стражарите и го запалиле логорот. Германците крваво го задушиле бунтот: од 1.500 затвореници, само 40 останале живи. Наскоро логорот престанал да работи, а дотогаш и неговата задача била завршена: речиси сите Евреи во Полска и низ Европа биле убиени. Операцијата Рајхард завршила и четирите логори биле затворени во октомври 1943.

Координати: Erioll world.svg 52°37′35″N, 22°2′49″E


Наводи[уреди]

  1. Treblinka - ein Todeslager der "Aktion Reinhard", in: "Aktion Reinhard" - Die Vernichtung der Juden im Generalgouvernement, Bogdan Musial (ed.), Osnabrück 2004, pp. 257-281.
  2. Steiner, Jean-Francois, and Weaver, Helen. Treblinka.
  3. Höfle Telegram Public Record Office, Kew, England, HW 16/23, decode GPDD 355a distributed on 15 јануари, 1943, radio telegrams nos 12 and 13/15, transmitted on 11 јануари, 1943.
  4. Court of Assizes in Düsseldorf, Germany. Excerpts From Judgments (Urteilsbegründung). AZ-LG Düsseldorf: II 931638.