Државен универзитет во Тетово

Државен универзитет во Тетово

Ректор	Фехари Рамадани
Место	Тетово, Република Македонија
Мреж. место	www.unite.edu.mk

Државниот универзитет во Тетово (албански: Universiteti Shtetëror i Tetovës) е еден од трите државни универзитети во Република Македонија и се наоѓа во градот Тетово. Основан е на 4 јуни 1994, на основачкото собрание свикано од Културната Заедница на Албанците во Македонија, во својство на основач, додека иницијатор, идеатор и потписник на документите за основање на Универзитетот и за именување на привремените органи на универзитетот беше проф. Абдула Мехмети, претседател на Културната Заедница на Албанците во Македонија. Како државен универзитет останува непризнаен од властите сè до јануари 2004 кога се донесе Законот за основање на Државниот универзитет во Тетово од страна на Собранието на Република Македонија. Прв ректор на Тетовскиот Универзитет беше проф. д-р Фадил Сулејмани, а потоа и проф. р-р Рамиз Абдули, проф. д-р Неџбедин Беадини, проф. д-р Сади Беџети, проф. д-р Агрон Река. Моментален Ректор на универзитетот е проф.д-р Вулнет Амети. Наставата главно се одвива на албански јазик, но исто така и на македонски и други јазици.

Во моментов при универзитотот има 11 факултета:

• Филозофски Факултет
• Филолошки Факултет
• Правен Факултет
• Економски факултет
• Факултет за природно-математички науки
• Факултет за медицински науки
• Факултет за применети науки
• Факултет за уметности
• Факултет за прехранбена технологија и исхрана
• Факултет за јавна администрација

Надворешни врски

• Официјален веб-сајт на универзитетот