Тапани

Тапан користен од 1823

Тапаните се дел од перкусионистичката група на инструменти, а технички се класифицираат како мембрафони. Тапанот е составен од мембрана, која е растегната преку школка и доволно затегната за да произведе звук кога врз нејзе се врши притисок. Тапанот е најстариот музички инструмент, и неговиот основен дизајн останува непроменет со илјадници години. Тапаните неможат да се штимаат, и звукот кој го произведуваат се одликува според физичкиот дизајн на самиот инструмент. Сепак тие се делат на долни и горни тонски тапани, а музичарите често користат комбинација од неколку тапани со цел да произведат музичка композиција.

Употреба

Најголемиот број тапани се свират со помош на раце,палици,четкици за тапани и др. Во многу традиционални култури, тапаните имаат симболична функција и се често користени во религиозни церемонии. Тие се користат и во музичката терапија, бидејќи нивната тактичка природа има разни влијанија врз човечката психа. Во подрачјето на популарната музика и џезот, тие се користат за изведување на музички композиции.

Историја

Во минатото тапаните не биле користени исклучиво само заради нивните музички квалитети, туку и како средство за комуникација, преку однапред определени сигнали. Во Африка тие се користеле за комуникација на големи далечини. Во Шри Ланка, тапаните биле користени за комуникација помеѓу државата и нејзините граѓани. Јапонските трупи ги користеле тапаните за мотивација на војниците, за да создадат такт и ред во марширањето. Најстарите познати тапани датираат од 6000 пред нашата ера.

Типови на тапани

• Абурукува
• Ашико
• Бас тапани
• Бодран
• Бонго
• Бугарабу
• Кахон
• Ченда
• Конга
• Давул
• Дол
• Џембе
• Донг Сон
• Дунун
• Еве
• Тарабука
• Рачен тапан
• Кпанлого
• Челичен тапан
• Табот
• Дајре
• Таико
• Табла
• Тапан
• Тар
• Тенор тапани
• Тимпани
• Том-том