Политичка партија

Плакат за изборите во Европскиот парламент, 2004 г. во Италија, на кој се гледа списокот на партии

Серијал за Политика:
Политика по земја Политикологија Политичка историја Политички научници Компаративно владеење Меѓународни односи Политичка економија Политичка философија Политичка психологија Форми на владеење Сувереност Јавна администрација Согласност на владеените Теории за политичко однесување
Подсерии од Политика
Форми на владеење Анархија Аристократија Автократија Демократија Деспотизам Диктатура Монархија Апсолутна монархија Уставна монархија Олигархија Едно-партиска држава Текратија Тиранија Извршна власт Легислатура Избори Гласање Гласачки системи Идеологија Политичка партија

Политичка партија или политичка странка е здружение на луѓе со исти политички цели и убедувања, кои се стремат да ја освојат државната власт за да ги остварат своите цели. Политиката на партијата често претставува агрегација на интересите во рамките на партијата, кои неизбежно варираат дури и помеѓу членовите на иста партија. При одредени изборни ситуации, потипични при пропорционални отколку при мнозински избори, владата може да биде формирана од повеќе партии, при што таквата влада се вика коалициона влада.

Партиски системи

Партиските системи можат да бидат еднопартиски, двопартиски и повеќепартиски.

• Во еднопартиските системи само една партија може да биде на власт. Во одредена држава со еднопартиски систем може да биде дозволено постоењето и на други партии, но во тој случај тие не можат да дојдат на власт. Ваква беше ситуацијата со неколку источноевропски комунистички системи како Источна Германија, Полска, Чехословачка и Бугарија.
• Двопартиски системи има во оние држави каде што се доминантни само две политички партии и каде победник на изборите може да биде само една од нив. Типичен пример за двопартиски системи се САД и Јамајка.
• Повеќепартиски системи се системи каде што врз политичките процеси во земјата влијаат три и повеќе партии. Најголемиот број демократски системи имаат повеќепартиски системи.

Политичките партии во светот

Бројот на политичките партии се разликува од земја до земја. така, во 2016 година, во Бугарија имало 137 партии, во Босна и Херцеговина имало 130 партии, а во Хрватска 122 партии. Во Србија биле регистрирани 90 партии, во Шведска имало 75 партии, во [[Македонија 58, во Црна Гора 45, а во Словенија имало 30 партии. Како земји со помал број партии се издвојуваче: Албанија (13), Косово (18) и Велика Британија, со 12 партии.

Поврзано

• Список на политички партии
• Список на политички партии во Македонија
• Политика (Македонија)
• Политички науки

Надворешни врски

• Политички партии низ светот Архивирано на 23 јули 2005 г.
• Политички ресурси на мрежата
• Леви политички партии низ светот Архивирано на 1 јули 2019 г.