Пивски џем
Пивски џем, познат и како пивско желе[1] — џем приготвен од пиво како главна состојка.[2] Тој може да биде благ или солен џем и понекогаш може да има течен состав. Џемот може да се користи за премачкување на месо и зеленчук или како зачин. Некои претпријатија произведуваат пивски џем за малопродажба.
Опис[уреди | уреди извор]
Основната состојка на пивскиот џем е пиво. Како последица на испарувањето на алкохолот при приготвувањето,[1] пивскиот џем може да биде безалкохолен.[3] Притоа, за негово приготвување може да се користат разни видови на пиво, како на пример ел, темно пиво и стаут.[2][4]
Некои видови на пивски џем се со течен состав наместо како џем или желе,[4] при што течните видови се користат за приготвување на мешани пијалаци и коктели.[4] Од друга страна, некои видови може да содржат само пиво и пектин[1] или да бидат посложени со мешање на благи и солени состојки. Благите видови може да содржат: шеќер, пимент, каранфил, портокалова сладина, ѕвезден анасон, лимон и ванила;[4] солените видови, пак, може да содржат: домат, кромитче, мелен пармезан, маслиново масло, рузмарин, балзамичен оцет и шеќер или кафен шеќер.[2]
Примена[уреди | уреди извор]
Пивскиот џем може да се користи како полнење за пецива,[2] како средство за премачкување на месо и зеленчук[1] или како додаток на прехранбени производи, како сирење, сувомеснати производи и двопек.[1][3][4][5]
Галерија[уреди | уреди извор]
-
Пивски џем од малина и ванила со лепче и смрдливо сирење -
Пивски џем со пача и паштета од сланина -
Француски тост и свинско месо послужени со пивски џем
Поврзано[уреди | уреди извор]
Наводи[уреди | уреди извор]
- ↑ 1,0 1,1 1,2 1,3 1,4 „Do you fancy an IPA or oatmeal stout jam on your toast? You're in luck“. Daily Mirror. August 20, 2015. Посетено на 18 декември 2015.
- ↑ 2,0 2,1 2,2 2,3 Dodd, J. (2015). The Craft Beer Bites Cookbook. Adams Media Corporation. стр. 109–110. ISBN 978-1-4405-8167-0.[мртва врска]
- ↑ 3,0 3,1 Chubb, Christabel (14 August 2015). „Would you try spreadable beer?“. The Telegraph. Посетено на 18 декември 2015.
- ↑ 4,0 4,1 4,2 4,3 4,4 Leahy, K.; Virant, P. (2012). The Preservation Kitchen. Ten Speed Press. стр. 60–61. ISBN 978-1-60774-100-8.
- ↑ Quirk, Mary Beth (24 September 2014). „Someone Made Craft Beer Jelly Because That Is Clearly What Peanut Butter Has Been Missing“. Consumerist. Посетено на 18 декември 2015.
Надворешни врски[уреди | уреди извор]
Пивски џем на Ризницата ?
