Пежо 107

Пежо 107
Peugeot 107
Произведувач	Пежо
Познат и како	Ситроен Ц1; Тојота Ајго
Производство	2005–2014
Склопување	Колин, Чешка
Претходник	Пежо 106; Пежо 1007
Наследник	Пежо 108
Класа	мал градски автомобил (А)
Вид каросерија	3 врати хечбек; 5 врати хечбек;
Распоред	мотор напред, погон напред
Мотор	1,0 L трицилиндричен бензински; 1,4 L четирицилиндричен дизел;
Пренос	5-брзински мануелен; 5-брзински полуавтоматски
Меѓуоскино раст.	2340 mm
Должина	3430 mm
Ширина	1630 mm
Висина	1470 mm
Конструктор	Донато Коко

Пежо 107 (француски: Peugeot 107) – мал автомобил што го произведувала француската фабрика за автомобили Пежо во соработка со Тојота. Се произведувал од 2005 до 2014 година.

Историјат

Тојота и групата ПСА во 2001 година долучиле да направат мал заеднички автомобил за да ги поделат трошоците за развој. На саемот за автомобили во Женева во 2005 година претставиле три автомобили, Тојота Ајго, Ситроен Ц1 и Пежо 107. Биле развиени на заедничка платформа и сите три се произведувале во иста фабрика во Колин, во Чешка.

Ајго, 107 и Ц1 ја делат основната платформа, но веќе на прв поглед видливо е дека дизајнерите за поедините марки одлично ја завршиле работата и ги поврзале овие автомобили со автомобилите од својата марка. Сите три возила се долги околу 3,4 метри, широки 1,6 метри и високи околу 1,4 метри. Возилата биле наменети за 4 лица и имало модели со 3 и 5 врати. Овие штедливи возила поседувале напредни технологии во поглед на безбедноста и заштитата на околината. Производниот капацитет на погонот била 300.000 возила годишно, по 100.000 од секој автомобил. Продажбата почнала во јули 2005.^[2]

Пежо 107 двапати, во исто време со Ц1 и Тојота, во 2009 и 2012 година, бил редизајниран.^[2] Производството било прекинато во 2014 година, кога го наследил Пежо 108.