Онгерман

Онгерман
Изворно име	Ångermanälven
Местоположба
Земја	Шведска
Физички особености
Устие	Ботниски Залив
• координати	62°48′N 17°56′E
• надм. вис.	0 м
Должина	460 км
Големина на сливот	31.864 км2
Проток
• просечен	500 м3/с
Особености на сливот

Онгерман (шведски: Ångermanälven) — една од најдолгите реки во Шведска со должина од 460 км. Таа е трета по полноводност во земјата, по Јета и Луле.

Име

Името на реката доаѓа од старонордискиот поим anger, што значи „длабок фјорд“ и се јавува како топонимска составница во Норвешка и Норланд во Шведска.

Течение

Реката извира од Скандинавските Планини на југот на шведската покраина Лапонија. Потоа тече низ Јемтланд, и станува пополноводна во покраината Онгерманланд, чие име е земено од реката. Главни притоки се Војмон, Фјелше и Факс. По течението од Онгерман се двои растоката Венгел.

Онгерман е пловен околу 80 км од морето. Во последните 30 км (по гратчето Сулефтео) тече низ живописната долина Одален. Реката завршува во Ботнискиот Залив на Балтичкото Море близу гратчето Крамфорс.

Наводи

Бибиографија

• „Angermann“ , Encyclopædia Britannica, 9th ed., Vol. II, New York: Charles Scribner's Sons, 1878, стр. 29.
• „Ångermanälven“, Nationalencyklopedin, Посетено на 11 јули 2010. (бара претплата) (шведски)
• „Län och huvudavrinningsområden i Sverige“ (PDF), SMHI, Swedish Meteorological and Hydrological Institute, Посетено на 11 јули 2010. (шведски)

Надворешни врски

• Онгерман на Ризницата ^?