Nationalencyklopedin

Од Википедија — слободната енциклопедија
Прејди на: содржини, барај
Nationalencyklopedin logo.svg  
Nationalencyklopedin.jpg
Том 1–10 (од вкупно 20), 1989–1996 г.
Земја Шведска
Јазик шведски
Предмет(и) општа
Жанр(ови) прирачна енциклопедија
OCLC 185256473

Nationalencyklopedin („Национална енциклопедија“) скрат. NE — најобемната современа енциклопедија на шведски јазик. Изготвувањето и издавањето започнало со владин заем од 17 милиони круни, отплатен кон крајот на 1990 г.[1] Во печатен облик, делото има 20 тома со 172.000 статии, а изданието на семрежјето опфаќа 260.000 статии (јуни 2005).

Историја[уреди | уреди извор]

Проектот започнал во 1980 г, со препорака од владината комисија за преговори со разни издавачи. Оваа фаза завршила во август 1985 г, избирајќи ги „Бра Бекер“ и „Хегнас“. Задачата на проектот била да се изработи современо прирачно дело во склад со научната парадигма, вклучувајќи проблематики како меѓуродовите односи и животната средина.

Уште пред да излезе, делото побудило огромен интерес. До моментот на издавањето на првиот том во декември 1989 г, енциклопедијата ја порачале дури 54.000 лица. Последниот том излегол во 1996 г, со три дополненија во 2000 г.

Во состав на проектот Nationalencyklopedin се издадени и следниве книги:

  • NE:s Ordbokречник во три тома (1995–1996)
  • NE:s Årsband — дополненија за понови информации и настани (секоја година, почнувајќи од 1997)
  • NE:s Sverigeatlasатлас на Шведска (1998)
  • NE:s Världsatlas — атлас на светот (1998)
  • NE-spelet — игра на знаење со 8.000 прашања (1999)

Во 1997 г. е издаден дигитален облик на енциклопедијата, на 6 диска (подоцна и на ДВД), а во 2000 г. е ставена на располагање на семрежјето, со претплата. Оваа верзија е тековна и осовремена, и го опфаќа и речникот. Има вкупно 356.000 ставки, од кои 183.000 се енциклопедиски статии. Во услугата се вклучени и неколку дополнителни можности како шведско-англиски речник.

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]