Костим на изведувач на морешка на островот Корчула
Мореска (италијански: moresca) или морешка ― традиционална средновековна игра на жителите на островотКорчула. Потекнува од Шпанија кон крајот на 15 век во спомен на борбата со Маврите. Во тие битки учествувале и Корчулчани. Играта дојде во Корчула преку јужна Италија и Дубровник. Речиси целосно исчезнала во средоземните земји, освен на Корчула, каде што повеќе од 500 години, е изведувана секоја година во текот на летото.
Текстот на играта е на ијекавски изговор, а имињата на ликовите и фигурите се мешавина од италијански и шпански зборови. Содржината на играта е едноставна. Црниот крал, кој во играта се вика Моро (шпанскиот збор за Мавр) ја сака за жена девојката Була, која го сака белиот крал. За неа се борат кралевите и нивните војски. На крајот победува белиот крал и девојката се мажи за него. Изведувачите носат богата старинска облека и вешто ракуваат со сабји. Музиката што ја придружува играта била менувана низ вековите, бидејќи била композирана од неколку композитори од тоа време. Во 1937 година, хрватскиот композитор Крсто Одак компонирал нова музика што ја придружува играта од 1947 година.
Santarelli, Cristina (2000). „Immagini della danza moresca in Piemonte“. Music in Art: International Journal for Music Iconography. 25 (1–2): 39–50. ISSN1522-7464.
