Мус

Мус

Чоколаден Мус.
Дел од оброкот	десерт
Место на потекло	Франција
Главни состојки	Матени белки или шлаг, чоколадо или пасирано овошје
Варијанти	Чоколадо, ванила, јагода, чоко ванила итн.

Мус (на француски: mousse или во превод „пена“) — лесен за јадење десерт кој содржи воздушни меурчиња кои му даваат воздушеста текстура и сунѓерест изглед. Може да варира од светол и мек до кремаст и густ, во зависност од техниките на подготовка. Мусот може да има сладок или солен вкус.

Слаткиот мус најчесто се прави од изматени белки или шлаг, и се додава чоколадо, кафе, карамела, пасирано овошје или разни тревки и зачини, како нане или ванила. Понекогаш во чоколадниот мус, се додаваат и жолчки кои се мешаат во претходно стопено чоколадо за да се добие помоќен вкус на финалниот производ. Мусот, се сервира како ладен десерт, а може да се користи и како фил за торта. Понекогаш се зацврснува со желатин.

Солениот мус може да се направи од месо, риба, морски плодови, паштета, сирење или зеленчук.

• 
  Мус од лимон со компот од праски
• 
  Солен мус од лосос
• 
  Мус-торта со шумско овошје
• 
  Мус со гриз од црвена рибизла