Компирови палачинки

Од Википедија — слободната енциклопедија
Прејди на прегледникот Прејди на пребарувањето
Компирови палачинки со сос од јаболка и крем

Компирови палачинки се плитки пржени палачинки од рендан или брашно од компир, и состојки како што се јајца или сос од јаболка, често зачинети со рендан лук или кромид и зачини. Тие можат да бидат сервирани со различни додатоци, почнувајќи од солени (како кисела павлака или сирење), до слатки додатоци (како сос од јаболка или шеќер), или може да се служат со обичен шеќер. Јадењето е некогаш направено од пире од компири за да се направат палачинки во облик на крокети.[1] Некои варијации може да се направат со сладок компир.[2][3]

Во различни култури[уреди | уреди извор]

Белоруски драники во традиционален сад

Компировите палачинки се поврзани со кујните на многу европски традиции, вклучувајќи ги и германската и австриската и многу други кујни.

Тоа е националното јадење во Белорусија и Словачка. Во Германија, компировите палачинки се јадат или солени (како гарнир) или слатки со јаболков сос,[4] или боровинки, шеќер и цимет. Тие се многу честа храна за време на отворени пазари и фестивали во постудени сезони (особено на божиќните пазари). Во швајцарската кујна овие палачинки се подготвуваат во варијација која никогаш не содржи јајца или брашно. Компировите палачинки се традиционално омилени во јужните делови на Индијана за време на празниците.[5]

Англиски колачиња од компири[уреди | уреди извор]

Колачињата се вообичаени во Обединетото Кралство. Во североисточниот дел на Англија (особено во округот Дурам) постои јадење познато како тетис риба, бидејќи палачинката наликува на пржено парче риба. Палачинката се состои од брашно, јајца, рендан компир и кромид. Некои луѓе додаваат домат или сирење во мешавината, во зависност од вкусот.

Британците ги донесле палачинките со компири во поранешните колонии, како што е Зимбабве, каде сè уште се прифатливо јадење.

Ирски боксти[уреди | уреди извор]

Форма палачинка од компир, позната како боксти (ирски: bacstaí) е популарно традиционално јадење во поголемиот дел од Ирска, особено во северен Конахт и Јужен Алстер. Се прави слично на британскиот тип, со повеќе скроб и често со матеница и прашок за пециво. Таа има мазна, грануларна конзистентност.

Еврејска латка[уреди | уреди извор]

Пржење на латка во масло

Латки се палачинки од компири коишто ашкеназиските Евреи ги подготвувале како дел од фестивалот Ханука[6] од средината на 1800-ти години,[7] врз основа на постара варијанта на јадењето што потекнува од средниот век.[8]

Латка не мора да биде направено од компири. Пред воведувањето на компирот во стариот свет, латките биле и во некои места сè уште се, направени од разни други зеленчуци, сирења, мешунки или скробови, во зависност од достапните локални состојки и храна од различни места каде што живееле Евреите.[9] Бројни денешни рецепти бараат додавање на состојки како што се кромид и моркови.[10][11] Варијации на латка може да вклучуваат тиквички, сладок кромид и некои варијации направени со сладок компир.[12]

Зборот latka е изведен (преку јидиш) од источнословенскиот збор ladka, oladka, со значење „мала палачинка“. Зборот leviva ( לביבה ), хебрејското име за латка, во книгата на Самуил се однесува на кнедла направена од тесто, како дел од приказната за Амнон и Тамар.[13] Некои преведувачи забележале дека хомонимниот levav ( לבב ) значи „срце“, а вербалната форма l-v-v се јавува и во Песната на песните. Во лексиконот на ашкеназиските Евреи од Удмуртија и Татарстан, за време на осумдневниот празник Ханука, се забележани верзии на кошерниот назив на латка (draniki, dranki, krezliki, kremzliki, aski, итн.).[14]

Корејски гамја-јеон[уреди | уреди извор]

Гамја-јеон

Гамја-јеон (감자전; lit. "палачинка од компир") е корејска палачинка направена од рендан компир и компиров скроб. Може да се направи без дополнителни состојки, но понекогаш се меша со кромид, чили и листови перлила. Општо земено, таа е зачинета со мало количество сол и се сервира со сос од соја.

Наводи[уреди | уреди извор]

  1. „Mashed potato pancake recipe“. All-about-potatoes.com. конс. 2011-12-25. 
  2. Moose, Debbie (2014-09-15). Southern Holidays: a Savor the South® cookbook. UNC Press Books. ISBN 978-1-4696-1790-9. 
  3. „Sweet Potato Latkes, 2 Ways“. Food Network. конс. 2018-11-08. 
  4. „Potato pancakes recipe at "Whats Cooking Dad?". Whatscookingdad.com. 2009-01-06. Архивирано од изворникот на 2012-02-20. конс. 2011-12-25. 
  5. „News Quiz: Special Holiday Edition“. 2011 Southern Indiana Current Magazine. конс. December 8, 2011. 
  6. Koenig, Leah. Modern Jewish Cooking: Recipes & Customs for Today's Kitchen. Chronicle Books. стр. 119. ISBN 9781452132327. https://books.google.com/books?id=Amg_BAAAQBAJ&lpg=PA1&pg=PA119. посет. 22 декември 2015 г. 
  7. Marks, Gil. Encyclopedia of Jewish Food. Houghton Mifflin Harcourt. стр. 707. ISBN 0544186311. https://books.google.com/books?id=gFK_yx7Ps7cC&lpg=PP1&pg=PT707. посет. 22 декември 2015 г. 
  8. „Discover the History of Latkes - PBS Food“. 12 December 2011. 
  9. Appelbaum, Yoni. „Everything You Know About Latkes Is Wrong“, „The Atlantic“, 11 декември 2015.
  10. Rachel Ray, Quick Potato and Carrot Latkes, The Food Network, December 20, 2008.
  11. Philip and Karen Selwyn, Potato-carrot-onion Latkes, rec.food.cuisine.jewish archives, Oct. 11, 1998, 1:00 AM.
  12. The only latke recipe video you'll ever need“, JTA, 1 февруари 2019.
  13. DLC (2006-12-18). „Analysis of the word "latke". Balashon. конс. 2011-12-25. 
  14. Altyntsev A.V., "The Concept of Love in Ashkenazim of Udmurtia and Tatarstan", Nauka Udmurtii. 2013. № 4 (66), p. 131. (Алтынцев А.В., "Чувство любви в понимании евреев-ашкенази Удмуртии и Татарстана". Наука Удмуртии. 2013. №4. С. 131: Комментарии.) (руски)

Надворешни врски[уреди | уреди извор]