Казанка

Казанка или Казансу (руски: Каза́нка; татарски: Казансу) е река во Татарстан, Русија, лева притока на Волга. Изворот на реката се наоѓа во близина на селото Бимери во Арскиот рејон и се влева во Кјубишевското Езеро во Казањ, во близина на Казанскиот кремаљ. Реката поминува низ градот Арск како и низ историскиот град Иске Казањ. Реката е долга 142 километри. Најголеми притоки на Казанка се реките Ија, Кисмес, Шимјаковка и Сула. Историски гледано, реката Булак се влевала во Казанка сè додека не била иградена браната во 1957 година. Во Татарстан, Казанка има статус на споменик на природата.

Казанка го дели Казањ на два еднакви дела. Во рамките на градот се изградени шест мостови, од кој најзначаен меѓу нив е Милениумскиот мост.