Епископско Кнежевство Ајхштет
Епископско Кнежевство Ајхштет Hochstift Eichstätt
| |||||||||
|---|---|---|---|---|---|---|---|---|---|
| 1305–1802 | |||||||||
 Coat of arms
| |||||||||
 Епископското Кнежевство Ајхштет, Јохан Хоман, околу 1717 г. | |||||||||
| Статус | вазален | ||||||||
| Главен град | Ајхштет | ||||||||
| Говорени јазици | среднобаварски дијалект | ||||||||
| Уредување | Епископско кнежевство | ||||||||
| Историски период | среден век | ||||||||
• основање на епископијата | 741 | ||||||||
• епископско кнежевство | 1305 | ||||||||
• се приклучило кон Франконскиот округ | 1500 | ||||||||
• се приклучило кон Католичката лига | 1617 | ||||||||
• медијатизирано кон Баварија | 1802 | ||||||||
| |||||||||
Изборно Кнежевство Ајхштет или Епископија Ајхштет — мало верско кнежевство на Светото Римско Царство. Со седиште во градот Ајхштет, се наоѓало во денешната сојузна покраина Баварија, западно од Регенсбург, северно од Нојбург на Дунав и Инголштат, јужно од Нирнберг и југоисточно од Ансбах.
Географија
[уреди | уреди извор]Географски, територијата на епископското кнежевство била многу распрскана и до 1789 година, се состоела од еден главен дел на исток, кој се граничел со Баварија на север, исток и на југ, и со Папенхајм и Бранденбург-Ансбах на запад. Остатокот од кнежевството било сместено на запад и се состоело од неколку делови со различни големини главно сместени во рамките на Бранденбург-Ансбах. Вкупната површина изнесувала 1.100 км², со население од 58.000 (во 1855 г.).
Историја
[уреди | уреди извор]Епископијата Ајхштет била основана во 741 година, кога англосаксонскиот мисионер Вилибалд бил хиротонисан за епископ од Свети Бонифациј и влегол во црквата во Ајхштет во германското племенско војводство Баварија. Неговите наследници го достигнале статусот на епископски кнез, кога ги наследиле франконските територии на нивните поранешни кнезови од исчезната династија Хиршберг (замокот Хиршберг во денешниот град Бајлнгрис). Како реакција на реформацијата, Ајхштет се приклучил на Католичката лига во 1617 година. Поседите на епископијата биле средиште на контрареформацијата и место на бројни судења на вештерки.
Со медијатизацијата во 1802 година, епископијата била секуларизирана и во 1803 година, заедно со Архиепикоспијата Салцбург, била доделена како компензација на надвојводата Фердинанд, брат на царот Франц II и поранешен голем војвода на Тоскана. Три години подоцна, по австрискиот пораз од Наполеон, областа била доделена на Кралството Баварија според Пресбуршкиот мир. Од 1817 до 1855 година, кнежевството било водено како феуд на Баварија во корист на посинокот на Наполеон, Ежен де Боарне.
Галерија
[уреди | уреди извор]-
Вилибалсбург, резиденција на епископите од 1360 до 1725 година -
Замокот Хиршберг близу Бајлнгрис, втора резиденција од 1305 година -
Ајхштетска катедрала, основана од првиот епископ Вилибалд во 741 година
Поврзано
[уреди | уреди извор]Надворешни врски
[уреди | уреди извор]- Ајхштет во Meyers Konversationslexikon, 1888 ((германски))
- „Ајхштет“. Католичка енциклопедија. Посетено на 18 февруари 2007.
| ||||||||||||||||||||
.svg)
.svg){kind=small}