Елеганцијата на ежот

Од Википедија — слободната енциклопедија
Прејди на прегледникот Прејди на пребарувањето
Елеганцијата на ежот  
Автор Мириел Барбери
Наслов на
оригиналот
L'Élégance du hérisson
Земја Франција
Јазик француски
Жанр(ови) роман
Издавач Gallimard
Страници 359 страници
OCLC 71336412

Елеганцијата на ежот (француски: L'Élégance du hérisson) — роман од француската писателка Мириел Барбери, кој бил издаден во 2006 година од страна на издавачката куќа „Gallimard“. Книгата се стекнала со бројни награди, меѓу кои и „Награда на книжарниците“ во 2007 година.

Содржина[уреди | уреди извор]

Самоуката куќна помошничка Рене во една елитна париска зграда ужива во магијата на уметноста, филозофијата, музиката и јапонската култура. Во истата зграда живее и богатата дванаесетгодишната Палома заситена од животот, која неуморно чита манга-стрипови, наоѓа утеха во јапонските поети и го презира целото семејство. Јапонскиот бизнисмен Озу се вселува во зградата и, како и Палома, ја насетува скриената префинетост на куќната помошничка. Низ едноставна нарација, овој роман ве води во светот на богаташката извештаченост, интелектуалните клишеа и надмените сопственици на кучиња со педигре, и ги возвишува тивките победи на ненаметливите меѓу нас.

Успех[уреди | уреди извор]

Иако критичарите слабо биле заинтересирани за почетокот од делото, романот бил изненадување за 2006 година. Всушност тој бил преиздаван 30 пати и кон август 2006 година имал повеќе од еден милион продадени примероци, заземајќи го првото место по продажба на 30 последователни недели. Романот бил преведен на 34 јазици. Во 2009 книгата на Мириел Барбери останала уште рангирана меѓу педесеттите најдобро продавани романи.

Делото немало голема реклама и единствениот начин на кој го постигнал овој спектакуларен успех се базирало на препораки меѓу читателите.

Филмска адаптација[уреди | уреди извор]

Романот послужил како основа за филмска адаптација во 2008 година, кога бил екранизиран од страна на Мона Ашаше. Филмот излегол на 3 јули 2009 година во француските кина и имал 750.000 гледања.

Надворешни врски[уреди | уреди извор]