Европска фармакопеја

Од Википедија — слободната енциклопедија

Европската фармакопеја (Ph. Eur.) на Советот на Европа е фармакопеја, која препишува голем број на активни супстанци и ексципиенси кои се користат за подготовка на фармацевтски производи во Европа. Таа вклучува повеќе од 2000 специфични и општи монографии, за повеќе супстанци како: антибиотици, биолошки супстанци, вакцини за хумана и ветеринарна употреба, имуносеруми, радиофармацевтски препарати, хербални дроги, хомеопатски препарати.

Земји во кои Европската фармакопеја е официјална фармакопеја

Моментално Комисијата за Европска фармакопеја има 37 земји-членки: Австрија, Белгија, Босна и Херцеговина, Бугарија, Хрватска, Кипар, Чешка, Данска, Естонија, Финска, Франција, Германија, Грција, Унгарија, Исланд, Ирска, Италија, Летонија, Литванија, Луксембург, Малта, Црна Гора, Холандија, Норвешка, Полска, Португалија, Романија, Србија, Словачка, Словенија, Шпанија, Шведска, Швајцарија, Република Македонија, Турција, Велика Британија и Европската Унија [1].
Во овие земји и Европската Унија Ph. Eur. е официјална фармакопеја.

Република Македонија стана член на Комисијата за Европска фармакопеја во 1994 година на нејзиното 89 заседание во Стразбур со потпишување на Конвенцијата за Европска фармакопеја и оттогаш официјална фармакопеја во Македонија е Европската.

Изданија[уреди | уреди извор]

Од 5-то издание Европската фармакопеја се објавува во 2 дела. Делот 1 содржи општи поглавја (на пр. дозажни форми, методи за анализа, реагенси), а делот 2 ги содржи монографиите за супстанците.

  • 1-во издание: објавено во 1967
  • 2-ро издание: објавено во 1980
  • 3-то издание: објавено во 1997
  • 4-то издание: објавено во 2001, валидно од 1 јануари 2002
  • 5-то издание: објавено на 15 јуни 2004, валидно од 1 јануари 2005
  • 6-то издание: објавено на 16 јули 2007, валидно од 1 јануари 2008
  • 7-то издание: објавено во јули 2010, валидно од 1 јануари 2011 [2]

Наводи[уреди | уреди извор]

  1. „EDQM“. Архивирано од изворникот на 2015-11-26. Посетено на 13 July 2010.
  2. European Pharmacopoeia, 7th edition Архивирано на 8 октомври 2011 г. PDF: Products and Services, Catalogue 2010 Архивирано на 7 јуни 2011 г.