Прејди на содржината

Дрвовидна чуваркуќа

Од Википедија — слободната енциклопедија
Дрвовидна чуваркуќа
Научна класификација
Царство: Растенија
Ред: Каменоломковидни
Семејство: Crassulaceae
Род: Aeonium
Вид: A. arboreum
Научен назив
Aeonium arboreum
(К. Линеј) Ф.Б. Веб и С. Бертло
Синоними[1]
  • Aeonium doramae Webb ex A.Berger nom. inval.
  • Aeonium doremae Webb ex Christ
  • Aeonium holochrysum Webb & Berthel.
  • Aeonium manriqueorum Bolle
  • Aeonium rubrolineatum Svent.
  • Aeonium vestitum Svent.
  • Sempervivum arboreum К. Линеј
  • Sempervivum urbicum Lindl. nom. illeg.

Дрвовидна чуваркуќа (науч. Aeonium arboreum) ― сукулентна, суптропска полугрмушка од семејството на цветни растенија Crassulaceae.

Тоа е инвазивено плевелно растение на места надвор од неговата природна распорастранесот, на пример како раширување надвор од градината во умерената зона на јужна Австралија.

Опис

[уреди | уреди извор]
Дрвовидна чуваркуќа како грмушка.

Дрвовидната чуваркуќа расте како малку разгранета мала грмушка и достигнува висина до 2 метри. Повеќе или помалку исправена со нагорен раст, мазни стебла кои имаат пречник од 1 до 3 центиметри.

Нивните листови се собрани во розети прилегнати за подлогата со пречник од 10 до 25 см. Младите листови се цврсто притиснати заедно. Формата на листот е од јајцевидна до ланцетна, а во основата е во облик на клин. Тие се од 130-380 мм долги, 25-115мм широки и дебел од 1,5 до 3мм. Површината на листовите е зелена, обично виолетова, сјајна и е речиси гола. На рабовите на листот се наоѓаат заоблени трепки.

Конусното до овално соцветие има должина од 10 до 25см и пречник од 10 до 15 см. Дршката на соцветието е 130 до 510 мм долга. Цветовите се приседнати на 2 до 12мм долго, малку меко цветно стебло. Чашкините ливчина се исто така малку влакнести со зашилен врв и основа во облик на клин, мазни, сјајни, зелени, црвени или виолетови. Жолтите, тесни, долгнавести до ланцетни, зашилени венечни ливчиња се долги 5 до 7мм и широки 1,5 до 2мм. Прашниците се голи. Напролет се развиваат розети од листови и големи пирамидални соцветија со светло жолти цветови.[2]

Распространетост

[уреди | уреди извор]

Растението е ендемско на западните Канарски острови, Тенерифе, Ла Палма, Ел Јеро, Гомера и Гран Канарија. Популациите пронајдени на Пиринејскиот Полуостров, Мароканскиот брег и Средоземјето веројатно ќе се сметаат за алохтони.[3] Во умерените региони треба да се одгледува заштитено под стакло или во домашни услови.

Одгледување

[уреди | уреди извор]

Дрвовидната чуваркуќа расте на сончеви или малку засенчени места на вулканска почва.[4] Виолетовата сорта 'Zwartkop' ('Schwartzkopf') ја добила Наградата за градинарски заслуги на Кралското хортикултурно друштво.[5] Шарениот облик се одгледува како сорта 'variegatum'.

Сорти

[уреди | уреди извор]

Следниве имиња на сорти се прифатени.[1]

  • Aeonium arboreum var. arboreum
  • Aeonium arboreum var. holochrysum HYLiu
  • Aeonium arboreum var. rubrolineatum (Sevnt.) HYLiu

Галерија

[уреди | уреди извор]

Наводи

[уреди | уреди извор]
  1. 1 2 The Plant List: A Working List of All Plant Species, Посетено на 13 мај 2022
  2. ↑ Reto Nyffeler: Aeonium .
  3. ↑ „International Crassulaceae Network: Aeonium arboreum“. International Crassulaceae Network. Посетено на 19 February 2017.
  4. ↑ RHS A-Z encyclopedia of garden plants. United Kingdom: Dorling Kindersley. 2008. стр. 1136. ISBN 978-1405332965.
  5. ↑ „Aeonium 'Zwartkop' AGM“. Архивирано од изворникот на 2014-03-28. Посетено на 2022-05-13.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Дрвовидна_чуваркуќа&oldid=5567144“