Големиот диктатор (филм од 1940)

Од Википедија — слободната енциклопедија
Прејди на: содржини, барај

Големиот диктатор (англиски: The Great Dictator) - американски филм од 1940 година, во режија на Чарли Чаплин, кој е и автор на сценариото. Главните улоги ги играат: Чарли Чаплин, Џек Оуки, Реџиналд Гардинер, Хенри Дениел, Били Гилберт и Полет Годард.[1]

Содржина[уреди | уреди извор]

За време на Втората светска војна, еден сиромашен еврејски бербер (го игра Чаплин) служи како обичен војник во војската на Томанија. Тој спасува еден пилот (го игра Гардинер) на томанската авијација, но притоа ја повредува главата, поради што го губи сеќавањето. По војната, во Томанија доаѓа на власт диктаторот Хинкел (го игра Чаплин), кој обожува големи паради и потресни говори, иако во суштина се работи за многу несигурен и плашлил човек. По излегувањето од болницата, берберот повторно започнува да работи во својот дуќан што се наоѓа во еврејското гето. Додека полицијата го обележува неговиот дуќан како еврејски, тој започнува тепачка со полицајците, при што му помага убавата, сиромашна Хана (ја игра Годард). Неволјите на берберот со полицијата продолжуваат и понатаму, но во една прилика, кога полицајците сакаат да го обесат, случајно тука поминува високиот офицер во томанската армија, Шулц (го игра Гардинер), кој го препознава својот спасител. Тогаш на берберот му се враќа сеќавањето и тој го препознава пилотот. Оттогаш, полицајците започнуваат да се однесуваат пријатно кон берберот и кон Хана.
Сепак, добрите денови не траат долго, зашто Шулц паѓа во немилост кај диктаторот, зашто одбива да го уништи еврејското гето. Диктаторот наредува да го затворат Шулц, но тој успева да се скрие во гетото. Полицијата започнува голем претрес и ги затвора Шулц и берберот, додека Хана и нејзините блиски пријатели успеваат да избегаат во соседната земја Остерич. За тоа време се заоструваат односите меѓу Томанија и Бактерија, којашто ја распоредила својата војска на границата со Остерич. Затоа, Хинкел го пречекува диктаторот на Бактерија, Напалони при што меѓу нив доаѓа до остра кавга, но најпосле тие потпишуваат мировна спогодба. Шулц и берберот успеваат да избегаат од затворот, облечени во офицерски униформи, а војската започнува потрага по нив. По грешка, таа го апси диктаторот Хинкел, кој во близината лови патки, а свечено го пречекува берберот, мислејќи дека се работи за диктаторот. Тогаш, војската на Томанија влегува во соседната земја Остерич, каде народот им приредува воодушевен пречек. Диктаторот треба да одржи говор, а берберот (заменувајќи го диктаторот Хинкел) зборува за потребата од мир и напредок во светот и слога меѓу луѓето.[2]

Наводи[уреди | уреди извор]