Александар Балабанов

Од Википедија — слободната енциклопедија
Александар Балабанов
Роден 18 јануари 1879
Штип, денес Република Македонија
Починал 30 ноември 1955
Софија, Бугарија

Александар Балабанов (18 јануари 1879 во Штип30 ноември 1955 во Софија, Бугарија) — македонски врвен литерат, преведувач и критичар.[1]

Долги години бил професор на Софискиот универзитет „Св. Климент Охридски“ и член на Македонскиот научен институт. Исполнувал важни мисии кои му биле доверувани од ВМРО.

Александар Балабанов завршил класична филологија во 1904 година во Лајпциг и Ерланген, Германија. Во 1904-1912 работел како учител по класични јазици во Прва машка гимназиjа во Софија. Во 1921 година е основач на Катедрата за класична филологија на Софискиот универзитет.

Балабанов ги објавил книгите „Еволуција на мотивите во грчката поезија“ (1911), „Историја на класичната литература“ (1914, 1917, 1931), „Љубов и поезија“ (1939).

Покрај научната дејност Балабанов се занимавал со новинарство и бил уредник на списаниjата „Художник“ („Уметник“, 1905-1906) и „Прометеj“ (1937-1943), на весниците „Време“ (1908-1909) и „Развигор“ (1921-1937).

Наводи[уреди | уреди извор]

  1. Ристовски, Блаже (2009). Македонска енциклопедија. Скопје: МАНУ. стр. 121. ISBN 978-608-203-023-4. OCLC 499142958.CS1-одржување: датум и година (link)

Литература[уреди | уреди извор]