Тале

Оваа статија се однесува на градот во во планините Харц во Германија. За други значења на поимот, погл. Тале (појаснување).

Тале
Тале
Управа
Земја	Германија
Покраина	Саксонија-Анхалт
Округ	Харц
Градоначалник	Томас Балцеровски (CDU)
Основни податоци
Површина	138 км2
Надм. височина	156 м
Население	18.878 (31 декември 2011)
- Густина	137 жит/км2
Други информации
Часовен појас	CET/CEST (UTC+1/+2)
Рег. табл.	HZ
Пошт. бр.	06502
Повик. бр.	03947, 03946, 039456
Портал	www.thale.de
Местоположбата на град Тале во рамките на округот Харц
Координати	51°45′00″ СГШ 11°03′00″ ИГД 51.75, 11.05

Тале (германски: Thale) е град во округот Харц во Саксонија-Анхалт во централна Германија.

Географија

Се наоѓа на реката Боде, приближно 8 километри западно од Кведлинбург. Тале е и завршна станица на железничка линија Магдебург-Тале.

Историја

Населбата Тале, веројатно се појавила во 10 век. Првпат била спомнато во 936 година во врска со соседната Опатија Вендхузен, која, била основана пред 840 и била една од првите опатии на саксонска земја. Во периодот кој следи, опатијата нашла заштита од опатијата Кведлинбург. Селото било опишано во 1231, како Dat Dorp to dem Dale (од 1288 му било даден опис de valle, и од 1303 како von Thale). Опатијата била уништена во 1525, во текот на Германската селанска војна.

Припојувања на други села

Варнштет бил припоен во 2003. Во 2009, вкупно седум општини биле припоени на четири различни датуми. Вестерхаузен бил додаден во 2010. Алроде станал дел од општината Тале во 2011.

Поранешна општина	Датум
Алроде	1 јануари 2011
Алтенбрак	1 јули 2009
Фридриксбрун	23 ноември 2009
Најнштет	1 јануари 2009
Штекленберг	23 ноември 2009
Трезебург	1 јули 2009
Варнштет	21 декември 2003
Ведерслебен	1 јануари 2009
Вестерхаузен	1 септември 2010

Површина на општината Тале

Датум	Површина
21 декември 2003	38,13 км2
1 јануари 2009	50,13 км2
1 јули 2009	78,47 км2
23 ноември 2009	102,79 км2
1 септември 2010	120,21 км2
1 јануари 2011	137,62 км2

Историја на населението

Растот на населението (од 1995, бројките се однесуваат од 31 декември):

1825 – 1.406 1875 – 3.311 1880 – 3.683 1890 – 6.292 1925 – 13.545 1933 – 13.557 1939 – 13.520 1946 – 18.082 (29 октомври) 1950 – 17.968 (31 август) 1960 – 17.391 (31 декември)

1971 – 17.620 (1 јануари) 1981 – 16.830 (31 декември) 1984 – 16.423 (31 декември) 1990 – 17.560 (3 октомври) 1995 – 16.230 2000 – 14.539 2001 – 14.167 2002 – 13.877 2003 – 13.631

Политика

Градски совет

Градски совет Тале

Според официјалните резултати од изборите за градскиот совет Тале на 7 јуни 2009; Учество на гласачите: 42,88 %.

• ЦДУ – 59,2 %, 17 места
• Левица – 13,3 %, 4 места
• ФДП – 8,2 %, 2 места
• СПД – 7,4 %, 2 места
• Зелените – 4,9 %, 3 места
• Изборна група – 4,1 %, 1 место

Грб

Грбот бил одобрен на 11 јули 1996 од Регионалниот совет Магдебург (Regierungspräsidium).

Партнерства

Од 1990, Тале има градски партнерства со Зесен (Долна Саксонија) на северозападното подножје на Харц, од 1998, со францускиот град Жувизи-сур-Орж, 18 км од Париз, како и Тилабери во Нигер, северозападно од реката Нигер.

Култура и места на интерес

Црква Свети Петар (1908)

Ветерница во Варнштет

Поглед од Хексентанцплац над Тале

Поглед од Хексентанцплац на Тале околу 1900

Слика во близина на железничката станица во Тале

Музеи

• Опатија Вендхузен.
• Музеј Тале
• Валпургис Хал

Згради

• Поранешната Опатија Вендхузен, потекнувајќи од каролиншкиот период
• Хотел Ценпфунд, изграден во 1863 и некогаш најголемиот летен хотел во Германија
• Црква Свети Петар, завршена во 1906
• Римокатоличката црква на Светото Срце (Herz-Jesu-Kirche), завршена во 1910 и 1911
• Прекрасната ветерница во селото Варнштет

Други културни места

• Хексентанцплац („Место на танцување на вештерките“)
• Харц Планински театар, Тале
• Див животински парк (Tierpark)
• Зомероделбан
• Бау-Шпил-Хаус
• Забавен парк
• Централен театар (кино)
• Стражарница Хомбург (Homburgswarte)

Природни споменици

• Клисура Боде - Тале е влезната точка на клисурата Боде, што излегува кај Хексентанцплац („Место на танцување на вештерките“), достапна со гондолата „Клисура Боде“ и Рострапе. На Hexentanzplatz е голем отворен театар и зоолошка градина.

• Тојфелсмауер - во близина на селата Ведерслебен и Варнштет, се наоѓа Тојфелсмауер („Ѕид на ѓаволот“), еден од најстарите природни резервати во Германија.

• Патека Вештерки Харц - патеката Вештерки Харц (Harzer Hexenstieg), долга патека, која води од Тале до Остероде, минувајќи низ различни знаменитости на патот, вклучувајќи ги и Брокен, Торфхаус, Дамграбен и езерцата на Горен Харц.

Медиум

Тале е местото на случување во романот на Теодор Фонтан, Сесил (Cécile). Фонтан останал во Тале, повеќепати помеѓу 1868 и 1884.

Надворешни врски

• Службена страница за градот Тале