Росен Плевнелиев

Од Википедија — слободната енциклопедија
Прејди на: содржини, барај
Росен Плевнелиев
BG President Rosen Plevneliev.JPG

Стапил
22 јануари 2012
Премиер Бојко Борисов
Потпретседател Маргарита Попова
Претходник Георги Прванов

Министер за регионален развој
Во служба
27 јули 2009 – 9 септември 2011
Премиер Бојко Борисов
Претходник Асен Гагаузов
Наследник Лилјана Павлова
Лични податоци
Роден(а) 14 мај 1964 (1964-05-14) (49 г.)
Гоце Делчев, Бугарија
Сопружник Јулијана
Образование Технички универзитет во Софија
Вероисповед Православие

Росен Асенов Плевнелиев (14 мај 1964) е бугарски бизнисмен, политичар и моментен претседател на Бугарија со македонско потекло. Во периодот 1990-2009 развива успешна кариера во областа на градежниот бизнис во Германија и Бугарија, а од 2009 до 2011 е министер за регионален развоj во владата на Бојко Борисов. Влегува во владата како непартиски експерт, не е член на владејачката партија ГЕРБ.[1] На 30 октомври 2011 е избран за претседател на Бугарија.[2]

Биографија[уреди]

Росен Плевнелиев е роден на 14 мај 1964 година во градот Гоце Делчев, Пиринска Македонија. Неговата фамилија потекнува од селото Плевна во Егејска Македонија, денес Петруса во Република Грција. За време на Балканските војни неговите предци го продале нивниот имот и побарале засолниште во Бугарија.[3] Своето средно образование го добил во природно-математичката гимназија "Академик Сергеј Павлович Корољов" во Благоевград од 1978 до 1982 година. Во периодот 1984-1989 година го завршил ВМЕИ "В. И. Ленин" во Софија (денес Технички универзитет), со специјалност "компјутери".[4]

Деловна кариера[уреди]

Во 1990 година, Плевнелиев ја основал Ирис Интернешанал, првата бугарска градежна фирма, која го добила сертификатот ISO 9001. Помеѓу 1991 и 1998 година, тој работел во Германија како ко-сопственик на градежна фирма, која работела како подизведувач за Линднер. Во 1998 година станал основач и менаџер на бугарските градежни компании кои се дел од групата Линднер Бугарија. Плевнелиев бил менаџер на Бизнис Парк Софија[5], кој бил изграден под негова надлежност во софиската населба Младост 4, како и член на Одборот на директори на Конфедерацијата на работодавци и индустријалци во Бугарија.[6]

Политичка кариера[уреди]

На 27 јули 2009 бил назначен за министер за регионален развој. Под негово раководство во државата започнала изградба на речиси 200 километри нови автопатишта.[7] Со неговата активност во 2010-2011 година, Плевнелиев станал најпопуларен министер во бугарската влада.[8] На 4 септември 2011 година, Плевнелиев бил прогласен како официјален кандидат на ГЕРБ за претседателските избори во Бугарија, закажани за октомври. На 30 октомври 2011 победил на изборите и бил избран за претседател на Република Бугарија.[9]

Во октомври 2013 година избувнал голем скандал поврзан со Плевнелиев, кога бугарската телевизија ТВ7 објавила документи според кои, во 2007 година, Плевнелиев купил луксузна куќа на грчкиот полуостров Халкидики, во вредност од 700 000 евра. Притоа, тој ја платил куќата во готово, со што ги прекршил бугарските закони кои бараат, за секое изнесување пари во странство во износ над 10 000 лева, да се докаже потеклото и платениот данок. Истовремено, Николај Бареков, претседател на "Бугарија без цензура", објавил и документи со кои Плевнелиев се обвинува за криминал поврзан со трансакциите на неговата поранешна фирма "Линднер Ирис". Притоа, ТВ7 објавила и дополнителни документи, тврдејќи дека и неговата сопруга Јулија била замешана во шемите со офшор-команиите.[10] [11]

Семејство[уреди]

Во 1990 година се оженил за својата прва жена Вероника, со која подоцна се разведиле. Со втората сопруга, Јулија, имаат три момчиња.[12]

Извори[уреди]

  1. Плевнелиев: За разлика от Първанов аз съм независим, www.mediapool.bg, 21.10.2011. (бугарски)
  2. Росен Плевнелиев победник на преседателските избори во Бугарија, 24vesti.com.mk, 31-10-2011.
  3. Росен Плевнелиев в „Нека говорят с Росен Петров”, бТВ, 06.11.2011. (бугарски)
  4. Биографиjа на страницата на Министерството за регионален развоj на Република Бугариjа. (бугарски)
  5. Историја на Бизнис Парк Софија, www.businesspark-sofia.com, 31-10-2011. (англиски)
  6. Who Is Who: Bulgaria's President-Elect Rosen Plevneliev, novinite.com, 30-10-2011. (англиски)
  7. €3 млрд. даваме за магистрали до 2020-та, news.ibox.bg, 29.03.2011, 31-10-2011. (бугарски)
  8. Who Is Who: Bulgaria's President-Elect Rosen Plevneliev, novinite.com, 31-10-2011. (англиски)
  9. Centre Right Wins Bulgarian Presidency, novinite.com, 31-10-2011. (англиски)
  10. "Плевнелиев има палата на Халкидики од 700.000 евра", Дневник, број 5292, година XVII, четврток, 17 октомври 2013, стр. 1-3.
  11. Искра Коровешоска, "Сегашната и поранешната сопруга на Плевнелиев 'вредно' работеле со него", Дневник, број 5293, година XVII, петок, 18 октомври 2013, стр. 3.
  12. Новородени новини“, www.bm-businessmagazine.bg, 27 февруари 2008 (конс. 12 август 2009). (бугарски)