Поату-Шаранта
| Поату-Шаранта | |||
|---|---|---|---|
| — Регион на Франција — | |||
|
|||
 |
|||
| Земја | Франција | ||
| Префектура | Поатје | ||
| Департмани | |||
| Управа | |||
| - Претседател на советот | Сеголен Ројал (PS-Социјалистичка партија) | ||
| Површина | |||
| - Вкупна | 25.809 km2 (9.964,9 sq mi) | ||
| Население (2007-01-01) | |||
| - Вкупно | 1.722.000 | ||
| - Густина | 66,7/km2 (172,8/sq mi) | ||
| Часовен појас | CET (UTC+1) | ||
| - Лете (DST) | CEST (UTC+2) | ||
| NUTS-регион | FR5 | ||
| Мреж. место | poitou-charentes.fr | ||
.png&filetimestamp=20080819060911)
Поату-Шаранта (француски изговор: [pwatu ʃaʁɑ̃t] (
слушнете)) е сдминистративен регион во централнозападна Франција кој се состои од 4 департмани: Шаранта, Приморска Шаранта, Де-Севр и Виена. Регионот се наоѓа на територијата на Големиот француски југозапад со население од 1.752.708 жители во 2008[1], со средна густина од 68 жители на км². На север се граничи со регионите Центар и Лоарски Крај, на исток со Лимузен а на југ со Аквитанија. На западната страна излегува на Атланскиот океан. Главен град на регионот е Поатје.
Содржина |
[уреди] Историја
Поату е историски регион во централнозападна Франција. Главен град е Поатје, воедно и поранешна престолнина на провинцијата. Регионот најпрво бил населен со Пиктони, галско племе, а потоа бил освоен од страна на Римјаните во 56 п.н.е. кои областа ја припоиле кон Галија како дел од провинцијата Аквитанија. Визиготите го освоиле регионот во 418 а под власта на Франките потпаднал во 507. Во 732- 733, Карло Мартел ја сопрел муслиманската инвазија на Западн Европа со победата во битката кај Поатје. Од 10 до средината на 12 век, грофовите на Поату биле воедно и војводи на Аквитанија, а градот Поатје станал значаен центар. Во 1152, Поату потпаднал под англиска контрола преку бракот на Елеонора Аквитанска со Хенри II (подоцна крал на Англија). Регионот се обединил со француската Круна во 1416 и постоел како провинција на Франција сé до Француската револуција (1789–95), кога бил поделен на три департмана, Виена, Де-Севр, и Вeнде.
[уреди] Демографија
Се верува дека од овој регион потекнуваат најмногу Акадијци и Кажуни од населението во Северна Америка (во местата Њу Бранзвик, Луизијана, Нова Шкотска, Островите Принц Едвард, Гасп (полуостров) полуостровот Гасп во Квебек, Мејн и Њуфаундленд .[2] Нивните претци имигрирале од овој регион во Америка во текот на 17 и 18 век. Отпрвин, овие француски имигранти од Поату се населиле во источна Канада, и воспоставиле земјоделско и приморско стопанство (сточарство и риболов). Ова подрачје на "Новиот Свет" Французите го нарекувале Аркадија според митот за изгубениот континент Аркадија. Потоа, после депортацијата во 1755 на Аркадијците од страна на Англичаните, истиот бил наречен Нова Шкотска (Nova Scotia). Денес во Франција населението што живее во овој регион се нарекува Пикто-Шаранти (Picto-Charentais).
[уреди] Политика и администрација
Регионалниот совет е составен од 56 члена. Со регионот раководи Сеголен Ројал припадничка на Социјалистичката партија на Франција и кандидат за претседател на претседателските избори во 2007.
[уреди] Јазик
Три регионални јазици, поатевински, сентожески јазик и лимузенски дијалект се зборуваат од помала група во регионот. Главно се користи официјалниот француски јазик.
[уреди] Клима
Климата во Поату-Шаранта е океанска [3]. Врнежите во текот на годината варираат меѓу 650 мм и 900 мм, повеќе застапени на североисток на регионот (северно во департманот Виена) помалку на југозапад (брегот кај Приморска шаранта). Зимите се благи а летата топли. Забележани се, особено на брегот 2000 часови сончеви денови годишно. Снеговите и мразот се повремени и не траат долго.
[уреди] Луѓе од Поату-Шаранта
- Карло Мартел: Дедото на Карло Велики кој ги поразил Арапите кај Поатје.
- Елеонора Аквитанска: родена во 1122, ќерка на грофот на Поату која се омажила за францускиот крал Луј VII од Франција, а потоа и за идниот крал на Англија Хенри II. На тој начин индиректно е една од клучните фигури за почетокот на Стогодишната војна.
- Франсоа I од Франција, роден како Франсоа Ангулемски, крал на Франција, роден во Коњак
- Франсоа Равајак, роден во 1577 близу Ангулем, познат по тоа што го убил кралот Хенри IV.
- Маркизата Франсоаз-Атенаис де Монтеспан е родена во овој регион (1640 -1707). Таа била позната љубовница на Луј XIV;
- Жан Моне : "таткото на Европа" е роден во Коњак во 1888.
- Франсоа Митеран Претседател на Република Франција од 1981 до 1995, роден во 1916 во Жарнак, каде воедно е и погребан.
[уреди] Поголеми градови
[уреди] Наводи
- ↑ Système d'Information Régional Poitou-Charentes
- ↑ source: Dr. Carl Brasseaux, director of the Center for Louisiana Studies at The University of Louisiana in Lafayette, LA
- ↑ Habitats faune-flore Natura2000 en Pays-de-Loire
[уреди] Надворешни врски
- (француски) Официјална страна на Регионалниот совет
- Офизијална страна за регионален туризам
- Краток туристички водич за Поату-Шаранта
- (француски) Младински портал за Поату-Шаранта
Аквитанија • Алзас • Бретања • Бургундија • Горна Нормандија • Долна Нормандија • Ил-де-Франс • Југ-Пиринеи • Корзика • Лангдок-Русијон • Лимузен • Лоарски Крај • Лорена • Оверњ • Пикардија • Прованс-Алпи-Азурен Брег • Поату-Шаранта • Рона-Алпи • Север-Па де Кале • Франш-Конте • Центар • Шампањ-Ардени
Прекуморски региони: Француска Гвајана • Гваделуп • Мартиник • Реинион • Мајот
