Пенелопе Круз

Од Википедија — слободната енциклопедија
Прејди на: содржини, барај


Пенелопе Круз
Penélope Cruz.jpg
Пенелопе Круз.
Роден(а) Пенелопе Круз Санчез
28 април 1974 (36 години)
Мадрид, Шпанија
Занимање Актерка

Пенелопе Круз Санчез (родена 28 април, 1974 во Мадрид), попозната како Пенелопе Круз, е шпанска актерка, добитник на Златен Глобус и номинирана за Оскар. Започнала како танчерка но наскоро започнала работа со шпанската телевизија, и оттогаш се појавила во низа шпански, англиски, француски, италијански и португалски филмови.

Биографија[уреди]

Живот во раните години[уреди]

Круз е родена во Сан Себастијан де лос Рејес, Мадрид, Шпанија. Нејзините родители се Едуардо Круз, продавач, и Енкарна Санчез, фризерка. Уште како дете таа веќе е страсен актер, повторувајки ги ТВ рекламите за фамилијарна забава, но сепак таа одлучува да ја насочи својата енергија кон данцувањето. По студирањето на класичен балет цели девет години на шпанската Национална Конзерваторија, таа продолжува да тренира со низа познати танцувачи. На петнаесет годишна возраст, сепак, таа следи друга страст откако победува повеќе од триста други девојки на аудиција за таленти. Притоа добива тригодишен тренинг на Шпански Балет со Ангела Гаридо.Исто така тренира џез данц со Раул Кабалеро и студира на училиштето Кристина Рота (мајка на Жуан Диего Бото) во Мадрид. Пенелопе течно зборува шпански, англиски, француски и италијански.

Кариера[уреди]

Круз за прв пат стекнува слава кога се појавува во видео клипот “La fuerza del destino” за шпанската група Мекано. Подоцна таа започнува љубовна врска со Начо Кано, член на оваа група.

Таа беше ТВ презентер за тинејџерски ориентираната емисија “La Quinta Marcha”. Исто така таа имаше рано разоткривање во “Serie Rose”, француска еротска ТВ серија во која таа играше улога на слепа проститутка. Таа исто така го режираше видео спотот на Начо Кано “El waltz de los locos” , во 1994.

Првиот голем филм на Пенелопе Круз беше “Jamon, jamon” и “Belle Epoque”, филм кој освои Оскар за Најдобар странски филм.

Во 1997, таа ја глуми Софија Пангиа, покрај Едуардо Нориега во “Abre los ojos” режисиран од Алехандро Аменабар, а во 2000 година глуми заедно со Мат Дејмон во “All the Preatty Horses”. Во 1999, таа глуми во филмот на Педро Алмодовар, “Todo sobre mi madre”, кој освојува Оскар за Најдобар Странски филм.

Во рана 2000 година таа глуми во филмот “Vanilla Sky”, холивудско преработка на “Abre los ojos”. Таа ја игра истата улога во двата филма.

Круз глуми заедно со нејзината најдобра пријателка, Селма Хајак, во филмот од 2006 година, “Bandidas”.

Во 2006 година Круз добива високо рангирани критики за нејзината глума во филмот “Volver” на Педро Алмодовар. Таа освојува награда за Најдобра Актерка на годината на Филмскиот Фескивал во Кан, и беше номинирана за Оскар, Златен Глобус и BAFTA Награда. Таа е првата шпанска актерка која е номинирана за Оскар за Најдобра главна улога во женска категорија.

Во мај 2007 година беше најавено дека Пенелопе и нејзината сестра Моника ќе дизајнираат колекција за Барселонскиот моден ланец Mango. На 7 јули 2007 година Круз беше една од водителките на Live Earth трансконтиненталното шоу.

Личен Живот[уреди]

Пенелопе Круз има помлад брат, Едуардо, кој е пејач, и помала сестра Моника, која многу личи на Пенелопе, сличност која е многу искористувана во некои шпански ТВ реклами. Во 2000 година Моника ја напушти танчерската кариера и беше забележана од јавноста во тинејџерски ориентираната ТВ серија “Un Paso Adelante”.

Пенелопе тврди дека е вегетеријанка од 2000 па напаму, иако овој факт е доста сомнителен и оспоруван. Таа зборува четири јазици: шпански, италијански, француски и англиски. Круз исто така има донирано доста пари и време во хуманитарни акции. Во 1997 таа волонтираше во Уганда во времетраење на два месеца.

По глумењето во 2001 во филмот “Vanilla Sky” заедно со Том Круз, тие започнаа тригодишна љубовна врска. Тие се разделија во јануари 2004 година.

По снимањето на “Sahara” во февруари 2005 година, таа започна врска со Метју Меконагли. Во мај 2006, тие изјавиа заедничка изјава за People, велејки дека “одлучиле да земат одмор од нивната врска”. Подоцна истата година тие изјавиа дека “повеќе не се блиски и дека разделбата е најдоброто нешто што можат да го сторат во тој момент”. Пенелопе Круз имаше кратка врска со актерот Орландо Блум во 2006 година.

Иако од една страна таа е блиска пријателка со актерката Селма Хајак, Круз исто така е блиска пријателка и со колумбиската пејачка Шакира.

Во април 2007 Пенелопе, која сега има 32 години, која сега не е во врска, изјавува: “Секако дека сакам да имам деца” за шпанскиот весник на Мариа Клер во априлското издание. “Сакам да имам свои деца, но исто така би сакала и да посвојам дете. Веќе некое време имам чувство дека мојот живот нема да биде целосен ако не посвојам дете”.

Позначајни Филмови[уреди]

Година Филм Улога
1992 Шунка, шунка Силвија
1997 Љубовта е штетна по здравјето Помладата Дијана / Ќерката на Дијана
Отвори ги очите Софија
Живо месо Исабел
1998 Девојката од твоите соништа Мацарена
2000 Сите убави коњи Луиса
Жени на врвот Изабела Оливеира
2001 Blow Марта Јунг
Мандолината на капетан Корели Пелажиа
Небо со боја на ванила Софија Серано
2003 Готика Клое Сава
2004 Глава во облаци Миа
Ноел Нина Васкез
2005 Сахара Ева Ројаз
2006 Бандидас Марија Алварес
Враќање Раимунда
2007 Добрата ноќ Ана
Елегија Консуела Кастиљо
2008 Вики Кристина Барселона Марија Елена

Номинации и Награди[уреди]

Оскари

  • Во 2007 беше номинирана за Оскар за Најдобра Главна Улога во женска категорија за нејзината улога во филмот “Volver” (Волвер) од 2006 година

ALMA Награди

  • Во 1999 година беше номинирана за АЛМА награда за Најдобра Актерка во филмот “Hi-Lo Country” од 1998 година
  • Во 2002 година исто така беше номинирана за ALMA награда за Најдобра Актерка во филмот “Vanilla Sky” од 2001 година

BAFTA Награди

  • Во 2007 година беше номинирана за BAFTA награда за Најдобра Актерка во Главна улога во филмот “Volver” (Волвер) од 2006 година

Филмскиот Фестивал во Канес

  • Во 2006 година на Филмсиот Фестивал во Канес освои награда за Најдобра Актерка за филмот “Volver” (Волвер), награда која ја делеше со Кармен Маура, Лола Дуенас, Бљанка Портиљо и Јохана Кобо

Европски Филмски Награди

  • Во 1999 година беше номинирана за награда за Најдобра Актерка за филмот “La niña de tus ojos” (Девојката од Твоите Соништа)
  • Во 2001 година беше номинирана за награда за Најдобра Актерка за филмот “Capetan Corelli’s Mandolin” (Мандолината на Капетанот Корнели)
  • Во 2006 година беше ниминирана за награда за Најдобра Актерка за филмот “Non ti muovere”
  • Во 2006 година беше номинирана за наградата Најдобра Актерка за филмот “Volver”

Златен Глобус

  • Во 2006 година беше номинирана за наградата Златен Глобус за Најдобра Актерка во Драматична Улога за филмот “Volver” (Волвер)

Goya Награди

  • Во 1993 беше номинирана за награда за Најдобра Актерка во Главна Улога за филмот “Jamon, Jamon”
  • Во 1999 година освои награда за Најдобра Актерка за филмот “La niña de tus ojos” (Девојката од Твоите Соништа)
  • Во 2005 година беше номинирана за награда за Најдобра Актерка во Главна Улога за филмот “Non ti muovere”
  • Во 2007 година освои Goya Награда за Најдобра Актерка во Главна Улога за филмот “Volver” (Волвер)

Извори[уреди]

Интернационална Вегетаријанска Унија

People Списанието