Џулијан Асанж

Од Википедија — слободната енциклопедија
Прејди на: содржини, барај
Џулијан Асанж
Julian Assange (Norway, March 2010).jpg
Роден Џулијан Пол Асанж
3 јули 1971[1][2][3]
Таунсвил, Австралија
Познат Уредник на Викиликс
Занимање Главен уредник и основач на Викиликс
Деца Даниел Асанж[4]
Награди Economist Index on Censorship Award (2008)
Amnesty International UK Media Award (2009)
Sam Adams Award (2010)


Џулијан Пол Асанж (англ. Julian Paul Assange) (Таунсвил, Австралија, 3 јули 1971) — австралиски новинар и семрежен активист. Тој е најдобро познат по неговата работа на мрежното место Викиликс, чиј портпарол и уредник e. Бил студент по физика и математика, а се занимавал и со програмирање.[5]

На 16 години започнал да се занимава со хакерство. Бил уапсен во 1991 година за неовластен упад во компјутерски систем. На судењето се изјаснил за виновен по сите точки од обвинението. Поради доброто однесување бил осуден на парична казна од 2100 австралиски долари.

Јулијан Асанж во 2006 година го основал мрежното место Викиликс и го вдомувал на домашен опслужувач. Од тогаш на Викиликс има објавено стотици документи поврзани со војните во Ирак и во Авганистан.

На 30 ноември 2010 година бил ставен на црвениот список на Интерпол за лица[6][1] по кои се трага на барањето на Шведска, каде против него започнала, потоа била стопирана, а потоа уште еднаш била започната истрага за наводно силување извршена во текот на летото 2010. На 7 декември Асанж ѝ се предал на лондонската полиција.

Работата на Викиликс[уреди]

Асанж го основал мрежното место Викиликс во 2006 година и е член на неговиот советодавен одбор. Во Викиликс тој е вклучен во публикувањето на документи за незаконски убиства во Кенија, извештаи за исфрлање на токсичен отпад африканскиот брег, прирачници на црквата на Скиентологија, процедури кои се одвиваат во затворот на Гвантанамо, вклучувајќи и материјални големи банки и др.[7] Тој од почетокот на декември 2010 е во центарот на вниманието на светската јавноста поради објавувањето на тајни документи на Викиликс кои содржат детали за инволвираноста на САД во војните во Авганистан и Ирак. На 28 ноември 2010 година, Викиликс и медиумите кои ја поддржуваат започна да публикуваат тајни дипломатски документи на САД. Според британскиот весник "Гардијан", ова го довело „Асанж во центарот на интензини медиумски шпекулации и кампања на омраза против него во Америка“.[8]

Наводи[уреди]