The Black Keys

The Black Keys
The Black Keys на настап во 2010
Животописни податоци
Потекло	Акрон, Охајо, САД
Жанрови	Гаражен рок блуз рок панк блуз инди рок
Период на активност	2001–денес
Издавачи	Easy Eye Sound Nonesuch Alive Fat Possum V2
Мреж. место	theblackkeys.com
Членови
Ден Ауербак Патрик Карни

The Black Keys ― американско рок дуо основано во Акрон, Охајо, во 2001 година. Групата ја сочинуваат Ден Ауербак (гитара, вокал) и Патрик Карни (тапани). Дуото прво започнало како инди група, снимало музика во подруми и сами ги продуцирале своите плочи, а потоа станале една од најпопуларните гаражни рок групи за време на вториот бран на заживување на жанрот во 2000-тите. Блуз рок музиката на групата најмногу се должи на блуз влијанијата врз Ауербах од музичари како Џуниор Кимброу, РЛ Бурнсајд, Хаулин Волф и Роберт Џонсон.

Ауербак и Карни биле другари уште од детство, а групата ја основале по завршување на колеџ. Откако потпишале со независниот издавач Alive, го објавиле нивниот деби албум, The Big Come Up (2002), по кој склучиле договор со Fat Possum Records. Оттогаш, во следната деценија, Black Keys преку долги турнеи по мали клубови, често издавање на албуми и настапи на музички фестивали изградиле андерграунд база на обожаватели. Нивниот трет албум, Rubber Factory (2004), бил позитивно оценет од критиката и го зацврстил угледот на групата, и поради тоа во 2006 година потпишале договор за снимање со големата издавачка куќа Nonesuch Records. По четири самопродуцирани албуми во импровизирани студија, дуото албумот Attack & Release (2008) го објавило во професионално студио и бил ангажиран продуцентот Danger Mouse, кој подоцна станал нивен чест соработник.

Во 2010 година, по објавувањето на албумот со Brothers, на кој е и песната „Tighten Up“ групата стекнала поширока популарност, а освоиле и освои три Греми награди. Следниот албум El Camino од 2011 година добил огромни пофалби од критиката и се искачил на второ место на Билборд 200, по што групата се одлучила за ја започне својата прва концертна турнеја во кариерата, турнејата El Camino. Албумот El Camino и хит песната на него „Lonely Boy“ на групата ѝ донеле три Греми награди. Во 2014 година, тие го издале својот осми албум, Turn Blue, нивен прв албум кој се искачил на прво место во САД, Канада и Австралија. По завршувањето на турнејата Turn Blue во 2015 година, дуото направило пауза од неколку години за да се посветат на споредни проекти и да продуцираат музика за други пејачи. Се вратиле во 2019 година со нивниот деветти албум, Let's Rock. Оттогаш објавиле уште два студиски албума: Delta Kream (2021), на кој има преработки на хил-кантри блуз; и Dropout Boogie (2022).

Дискографија

Студиски албуми

• The Big Come Up (2002)
• Thickfreakness (2003)
• Rubber Factory (2004)
• Magic Potion (2006)
• Attack & Release (2008)
• Brothers (2010)
• El Camino (2011)
• Turn Blue (2014)
• 'Let's Rock' (2019)
• Delta Kream (2021)
• Dropout Boogie (2022)

Надворешни врски

• Матична страница
• The Black Keys discography at Discogs