Црвенокап мангабеј
| Црвенокап мангабеј | |
|---|---|
| |
| Научна класификација | |
| Царство: | Животни |
| Колено: | Хордови |
| Класа: | Цицачи |
| Ред: | Примати |
| Семејство: | Старосветски мајмуни |
| Род: | Мангабеј |
| Вид: | Црвенокап мангабеј |
| Биномен назив | |
| Cercocebus torquatus (Kerr, 1792) | |
| |
| Распространетост | |
Црвенокап мангабеј или беловратен мангабеј (науч. Cercocebus torquatus) — вид примат од семејството на старосветските мајмуни (Cercopithecidae).[2] Примероци од ова животно можат да се погледаат во Зоолошката градина во Скопје.[3]
Опис[уреди | уреди извор]
Телото на овој мајмун е прекриено со сиво крзно, но има карактеристична црвена боја на главата во облик на капа и бел врат.[4].[4] Има црни уши и упадливи бели очни капаци, поради што се нарекува и „четириок мајмун“.[4] Опашката му е темносива и подолга од телото, и често ја држи со белиот врв над главата.[4] Има долги катници и многу големи секачи.[5] Во заробеништво, мажјаците тежат просечно 9-10 кг, а женките 7,5-8,6 кг.[5] Без опашката, мажјаците се долги 47–67 см, а женките 45–60 см.[4]
Живеалиште и распространетост[уреди | уреди извор]
Црвенокапиот мангабеј се среќава во шуми сместени во крајбрежни појаси, мочуришта, мангрови и долини, од западна Нигерија, на исток и запад во Камерун, како и ширум Екваторска Гвинеја, Габон и по атлантскиот брег на габонско-конгоанската граница.[1][4]
Поведение[уреди | уреди извор]
Овие мајмуни живеат во големи групи од по 10 до 35 единки, вклучувајќи неколку мажјаци.[4][6] Општат со кресоци и лаење, што служи за одржување контакт со ќленовите нха групата и означување на нејзината местоположба во однос на други групи.[4] Се храснат со плодови и семиња, но јадат ио листови, зеленило, цветови, без’рбетници, печурки, измет и смола.[5][6] Немаарт определена сезона на парење, а половата зрелост ја достигнуваат на возраст од 5 до 7 години. Во росек, бременоста трае 170 дена.[6]
Заштитен статус[уреди | уреди извор]
Црвенокапиот мангабеј се води како ранлив вид во црвениот список на МСЗП поради губитокот на живеалиштето и ловењето за месо.[1] Наведен е и во Прилог II од CITES и во класата Б на Африканската спогодба за заштита на природата и природните ресурси.[1]
Поврзано[уреди | уреди извор]
Наводи[уреди | уреди извор]
- ↑ 1,0 1,1 1,2 1,3 Oates, J. F., Gippoliti, S. & Groves, C. P. (2008). „Cercocebus torquatus“. Црвен список на загрозени видови на МСЗП. Верзија 2008. Меѓународен сојуз за заштита на природата. конс. 4 January 2009. (англиски)
- ↑ Groves, C. (2005). Wilson, D. E., & Reeder, D. M (уред.). уред. Mammal Species of the World (III издание). Baltimore: Johns Hopkins University Press. стр. 154. ISBN 0-801-88221-4. http://www.bucknell.edu/msw3/browse.asp?id=12100433.
- ↑ „Мангаби“. Зоо Скопје. конс. 16 мај 2015.
- ↑ 4,0 4,1 4,2 4,3 4,4 4,5 4,6 4,7 Matthew Richardson (26 March 2009). „Red-capped mangabey (Cercocebus torquatus)“. ARKive. конс. 6 January 2012.
- ↑ 5,0 5,1 5,2 The Primata (17 June 2007). „White-collared Mangabey (Cercocebus torquatus)“. The Primata. конс. 6 January 2012.
- ↑ 6,0 6,1 6,2 Nguyen, Khoa Huu (1999). „Cercocebus torquatus“. Animal Diversity Web. конс. 6 January 2012.
Надворешни врски[уреди | уреди извор]
 |
„Црвенокап мангабеј“ на Ризницата ? |
Црвенокап мангабеј на Викивидовите ?- Црвенокап мангабеј (Cercocebus torquatus) — Енциклопедија на живиот свет
|
