Христо Белчев

Од Википедија — слободната енциклопедија
Прејди на прегледникот Прејди на пребарувањето
Christo Belchev.jpg
Роден 1857
Трново, Бугарија
Починал 27 март 1891
Софија, Бугарија

Христо Белчев Минчев бил политичар од Бугарија од Народнолибералната партија. Како поет го користел псевдонимот Чебел, бил оженет за поетеса Мара Белчева.

Биографија[уреди | уреди извор]

Христо Белчев е роден во 1857 година во Трново. Завршил трновското класно училиште во 1869 година и гимназија во Загреб (1872-1876), каде што објавува песни на хрватски јазик. Студирал околу една година на Универзитетот во Загреб, но ги прекинал студиите и работел како службеник во Севлиево, Трново и Софија (1878-1881), а дипломирал економија во Париз (1881-1884), како стипендист на бугарската влада. Од 1885 до 1890 година е службеник во Министерството за финансии, како главен ревизор и главен секретар. Во 1890 година станува министер за финансии во владата на Стефан Стамболов.

Во 1891 година при обид за атентат врз бугарскиот премиерот Стефан Стамболов, Белчев бил убиен во центарот на Софија [1]. На последниот процес на 11 јули се донесени 4 смртни казни. Како потикнувач е осуден Петко Каравелов, кој е затворен во Црната џамија. Друг осуден на процесот е Трајко Китанчев [2]. Вистинските извршители на нападот се Наум Туфекчиев, Димитар Ризов, Крсто Ножаров, Михаил Ставрев (Хаљо) и Никола и Димитар (Денчо) Туфекчиеви [3].

Во 1905 Пенчо Славејков објавува дел од творештвото на Христо Белчев во "Избрани дела" со опширен предговор (препечатено и во "Мисла")[4].

Извори[уреди | уреди извор]

  1. Ташев, Ташо. Министрите на България 1879-1999. София, АИ „Проф. Марин Дринов“ / Изд. на МО, 1999
  2. Иван Богаднов: Критика и антикритика: литературни въпроси, Народна просвета, 1967 стр. 221
  3. Благоев, Крум, „50-те най-големи атентата в българската история“, Убийството на Христо Белчев
  4. БОРИС АНГЕЛОВ ДЕБАТЪТ СЛАВЕЙКОВ - ВАЗОВ ИЛИ ИДЕОЛОГЪТ НА "МИСЪЛ" СРЕЩУ ИДЕОЛОГЪТ НА НАЦИЯТА