Хилеред

Хилеред
Хилеред
	град
	Замок Фредериксборг
	Грб
	Грб
	Грешка во Lua во Модул:Location_map, ред 526: Unable to find the specified location map definition: "Module:Location map/data/Denmark" does not existМестоположба во Данска
	Координати: 55°56′N 12°19′E / 55.933°N 12.317°E
Управа
• градоначалник	Кирстен Јенсен
Население (2012)
• Вкупно	30.570
Час. појас	CET (UTC+1)
• Лето (ЛСВ)	CEST (UTC+2)
Мреж. место	http://www.hillerod.dk

Хилеред е значаен град во Данска, поточно во североисточниот дел на државата. Градот е средиште на покрајната Престолнинскиот регион, каде со околните населени места, претставува општина, Општина Хилеред. Денес Хилеред има околу 30.000 жители во градот и околу 57.000 во поширокото градско подрачје.

Главна знаменитост на Хилеред е замокот Фредериксборг, една од најраскошните градби во цела Данска и поранешно седиште на кралското семејство.

Природни услови

Хилеред се наоѓа во североисточниот дел на Данска. Од главниот град Копенхаген, градот е оддалечен само 40 километри северно.

Релјеф: Градот Хилеред се наоѓа во североисточниот дел на данскиот остров Зеланд. Градското подрачје е типично за дански услови. Надморската височина на средиштето на град се движи помеѓу 20-70 метри.

Клима: Климата во Хилеред е умерено континентална под големо влијание на Атлантикот и топлата Голфска струја.

Води: Хилеред се наоѓа во внатрешноста на островот, без допир со поголема површина вода. Затоа градот се формирал околу мало езеро, на кое денес се наоѓа замокот Фредериксборг.

Историја

Подрачјето околу Хилеред било населено уште во времето на праисторијата. Денешната населба првпат се споменува во 1200 година. Поголемиот дел од минатото на градот е поврзан со замокот Фредериксборг.

И покрај пет годишната окупација над Данска (1940-1945) од страна на Третиот Рајх, градот и неговото население не претрпеле големи страдања.

Население

Денес Хилеред има околу 30.000 жители во градските граници и околу 57.000 со околните населени места.

Етнички состав: Населението на Хилерод до пред неколку децении било типично населено со етнички Данци. И денес етничките Данци се поголемото мнозинство во градот, но мал дел од населението се доселеници.