Теодорокан

Теодорокан — визнатиски војсководец со ерменско потекло кој служел под царот Василиј II како на истокот така и на Балканот.

Живот

Карта на Византиско-бугарските војни за време на владеењето на Василиј II и цар Самоил

Неговото име е хеленизиран облик на ерменското T‘ot‘orakan („припаѓа на Теодор“). Низа на печати кои му се придаваат на него од страна на Иван Јорданов овозможуваат детална реконструкција на неговата првична кариера, при што тој бил протоспатариј и служел како стратег (воен управител) на Арце и како архегет на истокот. Најверојатно е дека тој бил стратег на Арце во периодот од 975 до 979 година, кога тврдината била под византиска власт, за подоцна да биде унапреден во архегет, служба која неодамна била создадена која имал команда нас порфесионалната (целосно ерменска) пешадија на источните армии.

Првпат директно се спомнува во изворите (историја на Јован Скилица) во 990-ите (околу 994 година според Николас Адонц), кога бил назначен од царот Василиј II, кој во тој период бил во војна со бугарите, како стратег во Пловдив. Во 1000 година, заедно со Никифор Ксифиј, тој водел армија која набрзина ја освоила тврдината Велики Преслав, Мал Преслав и Плиска, со тоа воспоставувајќи византиска власт на североисточниот дел на Бугарија, првично освоен од царот Јован I на почетокот на 970-ите. Кус период подоцна, Теодорокан се повлекол поради својата возраст, и бил заменет од Ксифиј.

Војководците Ѓорѓи Теодорокан и Василиј Теодорокан, кои служеле при крајот на XI век, се претставени како негови синови од страна на Адонц, но, иако е можно, таквата роднинска поврзаност не може да се докаже.

Извори

• Cheynet, Jean-Claude (2003). „Basil II and Asia Minor“. Во Magdalino, Paul (уред.). Byzantium in the Year 1000. Leiden: Brill. стр. 71–108. ISBN 90-04-12097-1.
• Kazhdan, Alexander, уред. (1991). The Oxford Dictionary of Byzantium. Oxford University Press. ISBN 978-0-19-504652-6.
• Lilie, Ralph-Johannes; Ludwig, Claudia; Zielke, Beate; Pratsch, Thomas, уред. (2013). Prosopographie der mittelbyzantinischen Zeit Online. Berlin-Brandenburgische Akademie der Wissenschaften. Nach Vorarbeiten F. Winkelmanns erstellt (German). De Gruyter http://www.degruyter.com/view/db/pmbz. CS1-одржување: display-уредници (link) CS1-одржување: непрепознаен јазик (link)
• Stephenson, Paul (2003). „The Balkan Frontier in the Year 1000“. Во Magdalino, Paul (уред.). Byzantium in the Year 1000. Leiden: Brill. стр. 109–133. ISBN 90-04-12097-1.