Тава

Тава

Тава или тиган — метален плиток кујнски сад со продолжена рачка наменет за пржење храна. Тавата може да биде од челик, алуминиум, бакар или некоја метална легура.

Во поново време се произведуваат тави обложени од внатрешната страна со тефлон, керамика и друг материјал. За пржење во тава со тефлон потребно е помалку масло, а храната во текот на пржењето не се лепи за дното на садот.

Отоманска Македонија

Тавата, како и тепсијата, биле чест предмет од кујнскиот прибор во Отоманска Македонија, па и после тој период. Израбтоката на тавата била рачна, за разлика од денешно време, и често била бакарна или друг лесен материјал. Се сретнувале, најчесто, два вида на тави, во зависност од самиот облик и намена.

Тавата со округли рачки, фаќалки, била едниот вид кој често се наоѓал во ановите. Овој тип тави служат за пржење храна, во помали количини. По форма тркалезна, тавата е подлабока, со повисок бочен дел. Некои имале на дното вдлабнатинки. Чемберот е прав и тесен, под него на две спротивни страни се поставени две елипсовидни рачки. Рачките се направени од месинг во техниката леење, а за телото на тавата се прицврстени со бакарни чивии. Калаисана е само однатре, а тие што имале испакнатините на дното, не лежеле стабилно.

Тркалезната тава се користела за пржење во обичните македонски семејства. Се проширува од дното нагоре, а околу работ има прав и тесен чембер. Од едната страна однадвор има права, долга, железна рачка прикачена со чивии, која е зајакната со уште еден железен дел со полукружна форма кој насреде е споен со рачката. На горниот крај рачката има дупче што служи за закачување на тавата на ѕид.

Поврзано

• Електричен шпорет
• Тенџере
• Лонец
• Чинија
• Тепсија