Српски воени гробишта (Скочивир)
Српските воени гробишта во 2017 година | |
Податоци | |
---|---|
Место | Скочивир |
Земја | Македонија |
Координати | 40°58′29.9″N 21°39′18.9″E / 40.974972° СГШ; 21.655250° ИГД |
Големина | 500 |
Српски воени гробишта во Скочивир или Српски воени гробишта 1912-1918[б 1] — воени гробишта во селото Скочивир на коишто се погребани војници кои загинале во Првата светска војна.
Местоположба[уреди | уреди извор]
Гробиштата се наоѓаат на 2 км од селото Скочивир, од десната страна по течението на Црна Река.[1]
Историја[уреди | уреди извор]
Во есента 1916 година, за време на Првата светска војна, селото Скочивир било на самата фронтовска линија, а потоа борбите се префрлиле неколку километри подалеку, па така тоа станало важна комуникациска точка за силите на Антантата. Во 1916 година, во Солун била формирана болница на руската принцеза Александра Наришкина, а следната 1917 година во близина на Скочивир работела и полската Болница на шкотските жени. Местоположбата на овие две болници даваат објаснување за големиот број гробови од Првата светска војна коишто се забележливи на две места: првото е во дворот на црквата „Св. Петка“, а второто се денешните воени гробишта покрај патот кој поминува низ излетничката населба Коњарка и води до врвот Кајмакчалан. Освен тоа, во близина на селото и денес постои т.н. „Француски пат“ кој го поврзувал Скочивир со денес напушеното село Чегел, а помеѓу овие две села постоела и жичница којашто служела за доставување воен материјал.[1]
Опис[уреди | уреди извор]
Гробиштата се простираат на површина од околу 3.500 м2 и на нив се погребани околу 500 српски војници кои загинале во битката на Кајмакчалан.[2]
Галерија[уреди | уреди извор]
-
Влезот на гробиштата
-
Натписна плоча до влезот
-
Гробиштата одвнатре
-
Гробиштата однадвор
Поврзано[уреди | уреди извор]
Белешки[уреди | уреди извор]
Наводи[уреди | уреди извор]
Надворешни врски[уреди | уреди извор]
- Српски воени гробишта (Скочивир) на Ризницата ?