Среќа (ТВ-серија)

Од Википедија — слободната енциклопедија
Среќа
Плакатот на серијата
Жанртрилер
Создадена од
  • Јанг Џи Ул (Tving)
  • Ли Мјунг Хан (tvN)
Развиена од
  • Ким Јонг Кју
  • студио Dragon
Напишана одХан Санг Вун
Режирана одАн Гил Хо
Улоги
Земја на потеклоЈужна Кореја Јужна Кореја
Првичен јазиккорејски
Бр. на епизоди12
Производство
Извршен продуцент(и)Џо Мун Џу[1]
Продуцент(и)
  • Хонг Вон Џу
  • Џонг Се Ми
Времетраење70 минути
Продукциска куќастудио Dragon
Прикажување
Првична мрежаtvN
Првично прикажување5 ноември 2021 – 1 декември 2021
Надворешни врски
Мрежна страницаprogram.tving.com/tvn/happiness

Среќа (корејски: 해피니스) — јужнокорејска телевизиска серија од 2021 г., вклучувајќи ги глумците Хан Хјо Џу, Парк Хјунг Сик и Џо Ву Џин, произведена од студиото Dragon. Станува збор за апокалиптичен трилер што се одвива во време во кое заразните болести станале секојдневие.[2] Премиерата била на tvN на 5 ноември 2021 г. и се прикажувала секој петок и сабота во 22:40 часот (корејско време) во 12 епизоди.[3][4] Достапна е и за гледање на Viki, Viu, Netflix и iQIYI во избрани земји.[5]

Содржина[уреди | уреди извор]

Разоткривачко предупредување: Следат подробности што го разоткриваат дејството и/или заплетот.

Опкружување[уреди | уреди извор]

Дејството на „Среќа“ се случува во блиската иднина, каде што ослободувањето на неуспешниот препарат за лекување „Next“ предизвикал светска пандемија позната како вирус лита (англ. Lytta Virus), односно „болест на лудаците“. Оние што се заразени од лита доживуваат кратки напади на лудило и крвожедност, пред целосно да се повлечат во состојба слична на зомбија. Јужнокорејските воени и полициски сили се обидуваат да го спречат распространувањето на лита и „Next“ преку опсежна истрага и авторитативни карантински мерки, додека групите за граѓански права протестираат против нив, верувајќи дека заразените сè уште се способни за нормално човечко заемнодејство.

Заплет[уреди | уреди извор]

Јун Се Бом (ја глуми Хан Хјо Џу) запознава приправник заразен со опасна болест додека работи во Единицата за специјални операции. Во борбата да го смири приправникот, таа се гребе. Ова ја води до Хан Те Сок (го глуми Џо Ву Џин) во истражувачка установа каде се чуваат заразени пациенти. Тие учат дека симптомите на болеста вклучуваат неизгаслива жед, бели зеници и желба за човечка крв. Се шири преку гребнатинки и каснувања, но Се Бом изгледа дека е имуна. Некои пациенти накратко се враќаат во нормала. Се Бом склучува договор со Те Сок за да добие стан во нова зграда, но прво треба да се омажи. Го убедува својот пријател од средно Џунг Ји Хјун (Парк Хјунг Сик), поранешна бејзболска ѕвезда, сега детектив, да се преправа дека е нејзин маж. Зградата е поделена на јавни изнајмувања на долните катови, и станови во лична сопственост на горните. Класните поделби се очигледни, при што претставничката на горниот кат О Јон Ок се бори да го одржи редот. Се Бом се зближува со ќерката на нејзиниот сосед среде чудните и интригантни станари.

Џунг Ји Хјун наоѓа болна личност за која мисли дека ја добила на тој начин од лошиот препарат наречен „Next“. Тој дознава дека некој во зградата тајно ја продавал оваа дрога, која ја предизвикала болеста. Ова започнува епидемија низ комплексот. За да ги зачуваат сите безбедни, Ји Хјун и Јун Се Бом прават правила и ја затвораат зградата со помош на капетанот Ким Џунг Гук. Ји Хјун не се согласува со О Џу Хјунг, станар што поттикнува лошо однесување. Се Бом, Ји Хјун и Те Сок се борат со тоа дали да се однесуваат со болните како со луѓе.

Отпрвин, Хан Те Сок ја чува во тајност болеста на лудаците, но како што сѐ повеќе луѓе се разболуваат и се зголемува паниката, тоа им е објавено на сите. Те Сок и неговата воена екипа се борат да одлучат дали да ги спасат или убијат заразените. Тој наредува целосно заклучување на комплексот згради каде што живеат Се Бом и Ји Хјун, давајќи им можност да си заминат пред да биде затворен, но тие одбиваат. Крвта на Се Бом може да го има лекот што Те Сок сака да го користи. Дознаваме дека жената на Те Сок се заразила откако ја каснал претседателот на фирмата што го снабдувала „Next“. Тој бара лек за да ја спаси неа и нивното неродено дете.

Улоги[уреди | уреди извор]

Главен состав[уреди | уреди извор]

  • Хан Хјо Џу како Јун Се Бом — Припадничка на Полицискиот одред на Единицата за специјални операции. Таа е одлучна, решителна, умна и не се нервира лесно. Возбудена е што ќе се всели во нејзиниот нов стан, но штом ќе се пресели таму се соочува со криза.
  • Парк Хјунг Сик како Џунг Ји Хјун — Паметен и искрен детектив што долго време има љубовни чувства кон Се Бом. Завршиле во истото средно училиште. Тој се труди да ја заштити Се Бом и другите луѓе.
  • Џо Ву Џин како Хан Те Сок — Потполковник што принадлежи на Командата на здравствената служба. Тој го држи клучот за појавата на заразната болест.

Наводи[уреди | уреди извор]

  1. ↑ „STUDIO DRAGON“. www.studiodragon.net (корејски). Посетено на 2021-10-19.
  2. ↑ „한효주 박형식 조우진 '해피니스' 출연 확정, 안길호 감독 만난다(공식)“. Naver (корејски). Newsen. Посетено на 2021-06-27.
  3. ↑ „한효주X박형식 '해피니스', 메인 포스터 공개“. Ten Asia (корејски). Посетено на October 7, 2021 – преку Naver.
  4. ↑ „'해피니스' 한효주·박형식·조우진, 공포와 혼돈 담은 메인포스터“ (корејски). News1 Korea. Посетено на October 7, 2021 – преку Naver.
  5. ↑ „Happiness“. Viu Hong Kong. Посетено на 14 November 2021.„Happiness“. Viu Philippines. Посетено на 14 November 2021.„Happiness“. Viu Singapore. Посетено на 14 November 2021. „Happiness“. Viu Indonesia. Посетено на 14 November 2021.„Happiness“. Viu Malaysia. Посетено на 14 November 2021.„Happiness“. Viu Thailand. Посетено на 14 November 2021.„Happiness“. Viu Myanmar. Посетено на 14 November 2021.„Happiness“. IQIYI. Посетено на 16 October 2021.

Надворешни врски[уреди | уреди извор]


Преземено од „https://mk.wikipedia.org/w/index.php?title=Среќа_(ТВ-серија)&oldid=5196709“