Софија Полгар

Од Википедија — слободната енциклопедија
Прејди на прегледникот Прејди на пребарувањето
Софија Полгар
Sofivdk.jpg
ИмеСофија Полгар
Polgár Zsófia
ЗемјаУнгарија
Роден(а)ноември 2 1974 (1974-11-02) (44 г.)
Будимпешта, Унгарија
Титуламеѓународен мајстор
женски велемајстор
ФИДЕ-котирањенеактивна
Врвно котирање2505 (јули 1998)

Софиjа Полгар ( унгарски: Polgár Zsófia, pronounced [ˈpolɡaːr ˈʒoːfiɒ]); (Будимпешта, 2 ноември 1974) – женски унгарски, израелски и канадски шахист, учител и уметник. Таа е поранешно шаховско чудо.[1] Таа ги поседува титулите меѓународен мајстор и женски велемајстор на ФИДЕ и е средна сестра на велемајсторите Сузан и Јудит Полгар. Живее во Израел и работи како шаховски учител и уметник.

Биографија[уреди | уреди извор]

Полгар е родена во еврејско семејство во Будимпешта. Таа и нејзините две сестри биле дел од едукативен експеримент што го спровел нивниот татко Ласло Полгар, во обид да докаже дека децата можат да постигнат исклучителни достигнувања ако се обучуваат по специјалистички предмети од многу рана возраст - тезата на Ласло, која е дека „гениите се направени, не вродени". Тој и неговата сопруга Клара ги образувале своите три ќерки дома, со шахот како специјалност. [2] Тие ги научиле своите ќерки и на меѓународниот јазик есперанто.

Софија Полгар со нејзината сестра Јудит во 1988 година

На Светското првенство под 14 години завршила на второто место зад Жоел Лотје и била прогласена за светски шампион под 14 години. [3]

Во 1989 година, на 14-годишна возраст, го шокирала шаховскиот свет на нејзиниот настап на турнирот во Рим, кој станал познат како „Пљачка на Рим“. Таа победила на турнирот, на кој учествувале неколку силни велемајстори, со резултат од 8½ од 9. Нејзиниот рејтинг според Њу ин чес (New in Chess) бил 2879, еден од најсилните настапи во историјата. [4]

На Светското јуниорско првенство во 1994 година во Матињос, Бразил, Полгар завршила на второто место зад Хелги Гретарсон [5]

На 7 февруари 1999 година Полгар се омажила за израелскиот велемајстор д-р Јона Кошашвили и се преселила во Израел. Тие имаат две деца, Алон и Јоав. Родителите на Полгар подоцна им се придружиле во Израел. Целото семејство потоа емигрирало во Торонто, Онтарио, Канада, но околу 2012 година Полгар се вратила во Израел и се населила во Тел Авив. [6]

Своевремено, Полгар се рангирала како шести најсилен женски играч во светот. Таа одиграла една ФИДЕ-рејтинг игра во јули 2005 година. Пред тоа, нејзината последна игра со ФИДЕ била во септември 2003 година. Во еден момент го победила Виктор Корчној во партија брз шах. Корчној рекол дека „ова е првата и последната игра што ќе ја добие против него“. [7]

Белешки[уреди | уреди извор]

  1. Со оглед дека на својата веб-страница ја користи англизираната форма на своето име, претпоставка е дека истата ја претпочита. На унгарски понекогаш е позната под фамилијарната форма Софи (Zsófi).
  2. Shvidler, Eli (November 22, 2007). "All the right moves". Haaretz. Архивирано од изворникот на 22 November 2007. 
  3. San Juan 1986 - 2° World Championship u14 (boys/girls) BrasilBase
  4. Polgar, Susan; Truong, Paul (1 August 2005). Breaking Through: How the Polgar Sisters Changed the Game of Chess. Everyman Chess. 
  5. Matinhos 1994 - 33° Campeonato Mundial Juvenil BrasilBase
  6. Според нејзината страна на Фејсбук.
  7. https://www.youtube.com/watch?v=TxeiGipoFSE Video of Sofia Polgar defeating Victor Korchnoi

Надворешни врски[уреди | уреди извор]