Славка Фиданова

Од Википедија — слободната енциклопедија
Прејди на прегледникот Прејди на пребарувањето

Славка Фиданова (Тетово, 1 февруари 1920) е македонски првоборец, историчар и универзитетски професор.[1]

Биографија[уреди | уреди извор]

Фиданова е родена на 1 февруари 1920 година во Тетово. Била припадничка на прогресивното младинско и студентско движење, организатор и учесник на Летната студентска колонија во Охрид (1939/40), член на КПЈ од 1940, учесник на Покраинската конференција на КПЈ во Македонија на 8 септември 1940 и секретар на МК на КПЈ за Тетово во 1941 година. Поради полициски прогон, преминала во Скопје некаде во јуни 1941 година, а подоцна пак се вратила на партиска работа во Тетово во декември 1942 година. Како илегалци, Фиданова, Коле Чашуле, Веселинка Малинска и членови на Покраинското раководство, меѓу кои и Бане Андреев биле засолнувани во еврејски куќи во Скопје.[2] По Ослободувањето била професор на Катедрата по историја на Филозофскиот факултет и проректор на Универзитетот „Св. Кирил и Методиј“ во Скопје. Објавила повеќе трудови за поновата историја на Македонија. Носител е на Партизанска споменица 1941.

Наводи[уреди | уреди извор]

  1. ДАРМ – Скопје, ракописна биографија, ф. „Биографии“
  2. Колономос, Жамила (1995) (на македонски). СЕФАРДСКИ ОДГЛАСИ Студии и сеќавања за Евреите од Македонија. Скопје. http://www.jewish.org.mk/Etnogen/Doseluva/Period/Nob/nob.htm.