Седум (филм)

„Седум“
Филмскиот плакат
Режисер	Дејвид Финчер
Продуцент	Арнолд Копелсон Филис Карлајл
Сценарист	Ендру Кевин Вокер
Главни улоги	Бред Пит Морган Фриман Гвинет Палтроу Џон Макгинли
Музика	Хауард Шор
Студио	Arnold Kopelson Productions
Дистрибутер	New Line Cinema
Премиера	22 септември 1995 г.
Времетраење	127 минути
Земја	САД
Јазик	англиски + македонски (титла)
Буџет	33 — 34 милиони долари
Бруто заработка	327,3 милиони долари

Седум (англиски: Seven, стилизирано како Se7en) — американски трилер во стил неоноар, режиран од Дејвид Финчер и сценарио на Ендру Кевин Вокер. Филмот раскажува за истрагата на двајца детективски партнери за серија убиства што се поврзани со седумте смртни гревови. Улоги: Бред Пит, Морган Фриман, Гвинет Палтроу и Кевин Спејси. Кинокритичарите ја пофалиле работата на режисерот и снимателите, глумата и музиката за филмот. Филмот „Седум“ и членовите на филмската екипа биле наградени и со голем број престижни филмски награди. Врз основа на филмот е создадена стрип-серија со исто име.

Содржина

Кога пензионираниот полициски детектив Вилијам Сомерсет (Морган Фриман) се справува со последен случај со помош на новопрефрлениот Дејвид Милс (Бред Пит), тие откриваат голем број сложени и жестоки убиства. Наскоро сфаќаат дека имаат работа со сериски убиец (Кевин Спејси), кој е насочен кон луѓе за кои мисли дека ги претставуваат седумте смртни гревови. Сомерсет, исто така, се спријателува со сопругата на Милс, Трејси (Гвинет Палтроу), која е бремена и се плаши да го одгледа своето дете во злосторнички град.

Улоги

Глумец	Улога
Морган Фриман	детективот поручник Вилијам Сомерсет
Бред Пит	детектив Дејвид Милс
Гвинет Палтроу	Трејси Милс
Кевин Спејси	Џон Доу
Џон К. Макгинли	Калифорнија

Надворешни врски

• Седум (филм) на Семрежната филмска база на податоци (англиски)

• Седум (филм) на Rotten Tomatoes.