Октопод

Од Википедија — слободната енциклопедија
Прејди на: содржини, барај

Октоподот спаѓа во типот мекотели, во класата главоноги со околу 600 видови, и во редот на осумноги главоноги. Се вбројува во фамилијата октоподи која брои 150 видови. Октоподот живее во топлите и во умерените мориња, на длабочина до 30 метри (лете) и до 100 метри (зиме), во води со карпесто и камчесто дно. Не поднесува ниски температури. Доволна е малку постудена зима, па да исчезне целата популација октоподи и да не може да се обнови во текот на неколкуте следни години. Должината им се движи од 3 сантиметри до 9 метри (од што 5 метри отпаѓаат на краците). Октоподите тежат од 200 грама до 5 килограми, дојдека најголемите единки можат да достигнат тежина и до 200 килограми. Живеат околу две години.