М (филм)
| М | |
|---|---|
 Плакатот на филмот | |
| Режисер | Вардан Тозија |
| Сценарист | Вардан Тозија Даријан Пејовски |
| Главни улоги | Сашко Коцев Камка Тоциновски Тони Михајловски Владимир Тулиев Оливер Митковски Верица Недеска |
| Жанр | постапокалиптика хорор |
| Кинематографија | Влатко Самоиловски |
| Премиера | 13 јули 2023 (фестивал Синедејс) 5 октомври 2023 (Македонија) |
| Времетраење | 99 минути |
| Земја |  Македонија |
| Јазик | македонски |
М — македонски постапокалиптичен хорор-филм снимен во 2019 година во режија на Вардан Тозија, чија премиера филмот ја имал во 2023 година.[1] Филмот бил произведен од Focus Pocus Films. Главен лик е 8-годишниот Марко, кој во суровиот свет обземен од таен вирус, е во потрага по својата мајка. Сценариото е на Вардан Тозија и Даријан Пејовски, кинематографијата е на Влатко Самоиловски, сценографијата на Кирил Спасески-Кикич, а костимите се на Андреа Кустовиќ и Николина Костаншек. Маскер е Горан Игњатовски.[2]
Улогите ги толкуваат Матеј Сиваков, Сашко Коцев, Александар Ничовски, Тони Михајловски, Камка Тоциновска, и Бојана Грегориќ Вејзовиќ. Премиера на филмот била на 13 јули 2023 г. на Европскиот фестивал „Синедејс“ во Скопје, а низ цела Македонија на 5 октомври истата година.[3]
Содржина
[уреди | уреди извор]Светот надвор од шумата е пусто и опасно место. Шумата е сето она што го знае осумгодишниот Марко и единствената личност што ја познава е неговиот параноичен, заштитнички татко. Неговото најскапоцено нешто е сликовницата каде што верува дека може да ги најде одговорите на сѐ. Неговиот живот наеднаш се менува кога открива невино нежно момче со Даунов синдром по име Мико, кое живее на работ од шумата. Работите се влошуваат кога момчињата се оставени сами да се снаоѓаат против остатоците од човештвото. Марко нема јасна претстава што значи да се има мајка, но момчињата мораат да одат на патешествие за да ја најдат. Надвор од безбедноста на шумата, Марко се соочува со уништен свет обвиен во тишина и полн со опасност.
Улоги
[уреди | уреди извор]| Глумец | Улога |
|---|---|
| Сашко Коцев | таткото |
| Матеј Сиваков | Марко |
| Камка Тоциновски | Ана |
| Тони Михајловски | Јон |
| Владимир Тулиев | човекот во шинел |
| Александар Ничовски | Мико |
| Оливер Митковски | слабиот човек |
| Благој Веселинов | младиот војник |
| Ефтим Трајчов Ѓаурски | политичарот |
| Бојана Грегориќ Вејзовиќ | поручникот |
| Александар Ристоски | младиот дечко кај Јон |
| Верица Недеска | мајката на Марко |
| Жаклина Петровска | жената |
| Мирослав Петковиќ | брадестиот тип |
| Борис Дамовски | постариот војник |
| Јасмина Билаловиќ | жената во бел мантил |
| Михајло Миленкоски |
Наводи
[уреди | уреди извор]- ↑ М (филм) на Семрежната филмската база на податоци
- ↑ „„М" на Вардан Тозија е првиот македонски филм со постапокалиптична тема (трејлер)“. Независен Весник. 2023-07-06. Посетено на 2024-12-15.
- ↑ „ФИЛМОТ „М" НА ВАРДАН ТОЗИЈА ОД 5 ОКТОМВРИ ЌЕ ИГРА ВО КИНОТО СИНЕПЛЕКС ВО СКОПЈЕ“. Сакам Да Кажам. 2023-09-23. Посетено на 2024-12-15.
Надворешни врски
[уреди | уреди извор]- М (филм) на
Семрежната филмска база на податоци (англиски)
