Мурат Улкер
| Мурат Улкер Murat Ülker | |
|---|---|
 Мурат Улкер | |
| Роден(а) | 21 март 1959 |
| Националност | Турчин |
| Образование | Универзитет Богазичи Американскиот банкарски институт Централен колеџ на германската кондиторска индустрија |
| Занимање | стопанственик |
| Богатство | $5.1 милијарди (јануари 2020)[1] |
| Звање | Претседател на Јилдиз Холдинг |
| Сопружник | оженет |
| Деца | 3 |
| Родители | Сабри Улкер Ѓузиде Иман |
| Страница ulker.com.tr/en | |
Мурат Улкер (роден во 1959 година) — турски стопанственик и претседател на Јилдиз Холдинг, најголемата компанија за храна во регионот ЦЕЕМЕА (Средна и Источна Европа, Блискиот Исток и Африка). Јилдиз е сопственик на деловни активности, вклучувајќи Годива, Пладис и Сок.[2]
Ран живот и образование[уреди | уреди извор]
Мурат Олкер е роден на 21 март 1959 година во Истанбул, Турција. Завршил средно училиште во Истанбул на Еркек Лисеси и дипломирал на Универзитетот Богазичи деловна администрација. Во 1982 година, студирал во странство на Американскиот банкарски институт (AIB) и на Централниот колеџ на германската кондиторска индустрија (ЗДС) а стекнал обука и во Компанијата Континентал во САД. Работел и на разни проекти на Меѓународниот извршен сервисен корпус.[3]
Кариера[уреди | уреди извор]
Во 1984 година, Улкер се приклучил на групацијата Улкер, дел од Јилдиз Холдинг, како контролен координатор. Во текот на следните години, тој служел како помошник генерален директор а подоцна и како генерален директор.
Во 2000 година станал извршен директор на Јилдиз Холдинг, пред да стане нејзин претседател во 2008 година.[4] Под негово претседателство, Јилдиз Холдинг ја проширил својата деловна активност и направил неколку аквизиции, вклучувајќи ги ГОДИВА Чоколатиер во 2008 година и Јунајтед Бисквити во 2014 година.[5] Во 2016 година, Јилдиз формирал нов глобален бизнис, Пладис, обединувајќи три свои брендови: Ülker, United Biscuits и Candy Company на DeMet.[6]
Филантропија[уреди | уреди извор]
Во 2009 година, семејството Улкер ја основал Фондацијата „Сабри Улкер“ за да даде траен придонес кон јавното здравје околу областите на храна и исхрана.
Во 2014 година, семејството донирало 24 милиони долари на Универзитетот Харвард.[7] Финансирањето, дистрибуирано во текот на 10 години, било обезбедено за формирање на Центарот за истражување на хранливи материи, генетика и метаболизам Сабри Улкер на Факултетот за јавно здравје ТХ Чан. Центарот се осврнува на хронични и комплексни болести за да им помогне на милиони луѓе со болести како што се дијабетес и кардиоваскуларни заболувања.[8]
Личен живот[уреди | уреди извор]
Улкер е оженет, има три деца и живее во Истанбул. Тој е колекционер на уметности. Во 2012 година ја спонзорирал ретроспективната уметничка изложба „Педесет години на урбаните ѕидови“ во Истанбул, со 120 дела од Доганчај.
Улкер помагал во основањето на КК Улкерспор во 1993 година, кој подоцна станал Фенербахче Улкер. Клубот го има освоено турското првенство четири пати, Претседателскиот куп шест пати и Купот на Турција трипати. Улкерспор исто така се пласирал во четвртфиналето на Купот на европските шампиони на ФИБА, како и на Купот на ФИБА Корач.[3][9] Улкер ги откупил правата за именување на стадионот „Фенербахче Шукру Саракоглу“ за десет години.[10] Тој исто така ја спонзорирал спортската арена „Улкер“.[11] Улкер претходно поддржувал и други фудбалски клубови, но подоцна го повлекол спонзорството.[12]
Во 2018 година, Улкер бил прогласен за најбогат стопанственик во Турција со нето вредност од 4,8 милијарди американски долари [13][14]
Наводи[уреди | уреди извор]
- ↑ „Forbes profile: Murat Ulker“. Forbes. Посетено на 27 January 2020.
- ↑ „Forbes, Türkiye'nin en zengin insanları listesini açıkladı“ (турски). Mlliyet. 1 March 2018.
- ↑ 3,0 3,1 „Dünyanın en varlıklı insanları kimler?“ (турски). Super Haber TV. 7 March 2018.
- ↑ „Murat Ülker 'Evet' dedi: Aile geleneğimiz!“ (турски). Super Haber. 11 April 2017.
- ↑ „Ülker to become international Pladis“. Daily Sabah. 17 January 2016.
- ↑ „Murat Ülker'den 'Ülker ve Pladis' açıklaması“ (турски). Sabah. 3 January 2018.
- ↑ „$24 Million Gift to Harvard School of Public Health to Establish Center for Nutrient, Genetic, and Metabolic Research“. News. 30 September 2014. Посетено на 22 February 2017.
- ↑ „$24-Million Donation to School of Public Health“. Harvard Magazine. 24 September 2014.
- ↑ Chris Waugh (17 October 2017). „Who is Murat Ulker? The Turkish billionaire linked with £220million Newcastle United takeover bid“. Mirror.
- ↑ Craig Johns (17 October 2017). „Who is Murat Ulker? A closer look at the Turkish businessman linked with buying Newcastle United“. Chronicle Live.
- ↑ „Murat Ülker: "Sabri Bey, Ülkerspor'un kuruluşuna, şampiyonluk şartıyla izin verdi."“ (турски). Sabri Ulker in Hayathi Kayesi. Архивирано од изворникот на 2020-06-04. Посетено на 2021-04-01.
- ↑ „Yıldız Holding Başkanı, Ülker Grubu'nun sahibi Murat Ülker, geçtiğimiz yıl gündeme getirdiği futboldan çekilme düşüncesini uygulamaya koydu“ (турски). Borsa Gundem. 15 October 2015.
- ↑ „Murat Ülker 5. defa Türkiye'nin en zengini“ (турски). Turkiye. 2 March 2018.
- ↑ „Forbes milyarderler listesinde 40 Türk! Murat Ülker, Türklerde ilk sırada“ (турски). Gidahatti. 6 March 2018. Архивирано од изворникот на 2020-06-04. Посетено на 2021-04-01.