Марќин Јануш Гортат (полски: Marcin Janusz Gortat; 17 февруари1984 во Лоѓ) — полски професионален кошаркар кој настапува за екипата на Вашингтон Визардс во НБА. Марќин е син на боксерот Јануш Гортат. Бил избран како 57. пик од страна на Феникс Санс на драфтот во 2005 година. Со своите 2.11 метри висина игра на позицијата центар. Своето деби во НБА го имал во сезоната 2007–08 за екипата на Орландо Меџик, во чии редови настапувал четири сезони и во 2009 стигнал до финалето на НБА, каде Орландо загубиле од ЛА Лејкерс.
Во декември 2010 бил разменет со екипата на Феникс, каде настапувал во почетната петорка и забележал подобри партии.[1] Се здобил со повреда во ноември 2012 и тоа го принудило да го пропушти остатокот од сезоната 2012–13. Во октомври 2013 Феникс го испратиле Гортат во екипата на Вашингтон Визардс, а по истекот на сезоната 2013–14 Гортат потпишал нов договор со Вашингтон во вредност од 60 милиони долари за пет сезони.[2] Гортат настапил за кошаркарската репрезентација на Полска на пет европски првенства, но не остварил некои позначајни резултати.